#صدفة
#الكاتبةورودالخالدي
البارت٨
ڤيان:::
رجعت ويا للشقه حتى ابدل واداوم اليوم...جان بودي نحجي بأي موضوع بالطريق بس هو جان ساكت ..ومبين حيل تعبان ونعسان..واني هم معندي..جرأة افتح ويا موضوع بعد اخر كلام حجينا رغم اني اتمنى ...الطف الجو..بيناتنا بس بصراحه مكدرت احجي شي يعني..شأحجي شكول....يصير البارحة احجي شكل واليوم اغير كلامي..لان البارحة من حجيت من خلال طريقتي الواضح عليها انه اني مقتنعة بكل كلمة كلتها عنه وهسه اذا اتنازل عن قناعاتي...محلوة بحقي..يعني وبنفس الوقت مينطيني گلبي ابقى غاثته وهو خطية ..واكف ويانا وگفه ميوكفها ابن لعائلته ولا اخ لاخته..خطية يركض ركض ورغم تعبان وهلكان منسه يجينا من وكت يطمئن على روان..ويجيب ريوك حار النا من الصبح..يربي شسوي والله حرت..
وخلص الطريق سكته رجعت للبيت بدلت ..وطلعت مفكرة اخذتكسي بس من نزلت لكيته منتظرني فكتله:
هاي شنو برير شو منتظرني ..انت تعبان اصعد اخذ راحتك اني اخذ تكسي
ڤيان صعدي خلي اوصلج للكليه وارجع انام ولتناقشيني حيل تعبان مابيه اسولف
وصعدت وصلني وقبل ما انزل كلي:
من ترجعين من الكلية دكي..عليه الباب حتى نروح للمستشفى
ماشي
وداومت ورجعت للبيت ويه الخط وكلت لماجد ع وضع اختي ..وخطيه هم ضاج عليها وكلي .
.مادام برير يمكم لتشيلون هم كولشي
ومن وصلت للشقه بدلت..بس متغديت اصلا ما اشتهي بس تذكرت ماما كالتلي جيبي وياج كراسه الرسم واصباغ روان تضوج من الكعدة بالمستشفى وهي تحب ترسم وتصبغ لان هي تحسنت وكامت تكعد وتاكل طبيعي..بس الاطباء مخليها ..منا لما تتحسن اكثر ..فاخذتهن وياي ورحت دكيت الباب عليه لكيته مبدل وعبالك منتظرني بس ملامحة مرتاحة مبين نام وارتاح...ورجعنا سوه هو كاعد ع الكرسي بصف روان ..وشكد حلو طبعة يسولف وياها وينزل لعمرها عبالك بكدها لو يداهر وياها..حتى من طلعت كراسه الرسم كال:
شنو روان ترسم شو ممبين عليها تعرف ترسم !!
عاد هيه كالت'
لا شنو ما اعرف ارسم هسه ارسم وشوف رسمتي شكد حلوة
لا..ما اصدك مبين عليج فاهيه وكولشي متعرفين!!
لا والله اعرف ارسم
يله لعد رسمي بينما اروح اجيب غده واجي حتى نتغده سوه واشوف رسمتج الخبصتينا بيها
اعرف هو ديداهر وياها حتى يصادقها ..راح جاب غده ورجع من رجع شوفته الرسمه ضل يهز بايده..لان هي راسمه..شمس..وغيوم ومطر وكوخ زغير وورد ونخله ..بيها رطب..فكال:
