قصه كابر

( البارت الرابع )

#كــــابر 
( البارت الرابع )
وكنت فاكره انى هبقي قويه وانا قدامه
بس هو حس بيا ...
حس بيا يا عينى وفضل يبصلى هههههههههه
والله صعب عليا
بقولك ايه ! بكلمك بكره علشان البنات شكلهم داخلين ... اوعاكى ترنى عليا خالص
....
رزان : مانتى موجوده هنا يا ندله . والله عيب عليك . السهره كانت ناقصاك
كابر : سهرة ايه بقا اللى كانت ناقصانى مانتو جايين مبسوطين اهو
رزان : ايه والله شرم الشيخ جميله .. وفيه متعه كده وخروجات ... بقولك ايه . بكره رايحين نغطس
كابر : وال ... احمد جاى معاكو
رزان : لا بكره هنطلع تبع حجز الشركه اللى جابتنا ... بس اسكتى . والله احمد ده طول القعده بيسال عليك
كابر : ( باهتمام ) بجد . ؟ بيسال بيقول ايه ؟ وليه يعنى ؟
رزان : مش عارفه ... هو يدوب عرف انك مش جايه وبدا يسهم ويقول هى فين وجايه امتى هههههههه يعنى قاعد مع 3 بنات قمرات وبيسأل على الرابعه .. بقولك انا كل اللى اسمهم احمد هنا نسوانجيه درجه اولى
كابر : ما تظلميه ... شكله على نياته
رزان : ياخواتى عليه ياخواتى هههههههههه
كابر : دى برائته ماليه حياتى ههههههههه
رزان : مين ده اللى على نياته ؟ ده واد مش سهل خااااالص
كابر : لا والله شكله سهل وطيب
رزان : بس اقولك على حاجه .. الواد ده فيه حاجه غريبه مش مفهومه
كابر : حاجة ايه ؟
رزان : بينسي ... بينسي كتير .
كابر : ازاى ؟ ( بقلق )
رزان : ههههههههههههه ف نص كلامنا قولتله احنا طالعين بكره نعمل دايفينج .. قالنا ماشي وتمام . ولو عاوزينى اجى معاكو هاجى
كابر : كويس وبعدين ؟
رزان : بعد نص ساعه بقوله ها يا أحمد تيجى معانا الدايفينج ؟
قالى دايفينج ايه ؟
قولتله اللى لسا مكلماك عليه من شويه يابنى
قالى والله مابعرف انتى على ايه بتتكلمى اول مره اعرف منك انكو طالعين
كابر : ههههههههههههه لا ممكن تلاقيه بيعمل حركه عليك ولا حاجه .. لا هنا شباب مصر عليهم حركات كتيره وجديده .. مش هتخلصى منهم
رزان : هههههههههههه بس والله جدع يا كابر . جدع .. لو يتسنى ليا اتجوز واحد زى ده .. والله من بكره اتجوزه
كابر : ( باستغراب ) امممم
رزان : فيه ايه ؟
كابر : مافي شئ ... مافيش .. بس هو فعلا كل اللى كان يشوفه يحبه
رزان : مين ؟
كابر : ايه ؟ لا انا مقصدوش هو .. انا بتكلم عموما . كل الناس اللى بتكون زى احمد كده ف جدعنته . كل الناس لازم تحبه
.............
طه : ايه يا رايق ... شايفك راجع مبسوط كده
احمد : ولا مبسوط ولا حاجه ... دى حتى مجتش
طه : هى مين ؟
احمد : اللى كنت مستنيها تيجى
طه : مين يابنى .
احمد : مين ايه ؟
طه : مين اللى انت كنت مستنيها تيجى ؟
احمد : ( بيبصله بقلق ) ولا حاجه ... بقولك ايه .. انا جعان ..
طه : انزل السوق بقي هاتلنا سندويتشين ولا حاجه
احمد : لا ياعم انا هنزل اكل واعدى ع القهوه ... احاول افتكر
طه : صباح الفل !! افتكر لوحدك .. انا فيه بتاعتين بالعجوه هنا هكلهم وهنام ... ورانا شغل بدرى ياسطا
احمد : انا هكلمهم بكره ف الفندق ينزلونى شيفت بالليل ..
طه : ليه ؟
احمد : عاوز اكون هناك بالليل ف الفندق على طول
طه : ليه ؟
احمد : ايه ؟
طه : ليييييييه ؟
احمد : ليه ايه ؟ انا دماغى واجعانى ..
..................
رزان : طب ايه ؟ اكلمه ييجى معانا بكره وانتى تيجى ولا بردو مش عاوزه ؟
كابر : ( بتبصلها وبتفكر )
رزان : هاااا .. اتصل عليه ولا ايه ؟
كابر : اتصلى عليه وهاتيهولى انا اكلمه .. أشوف هيفتكر صوتى ولا هينساه هو كمان زى مانتى بتقولى )
......
( يتبع )
#أحمد_سعد