قصه كابر

( البارت الثالث عشر )

#كابر  
( البارت الثالث عشر )
..............
احمد : الحمد لله ! تخيلو انى اول يوم من زمان جدا ابقي قاعد معاكو وانا فاكر كل حاجه
صالح : بجد . ؟
هاشم : طيب الحمد لله !! انت كويس يعنى
احمد : بقولك يا صالح !! انت رجعتهالى امتى  . ؟
صالح : قبل الحادثه بيومين .. العربيه رجعتهالك قبلها بيومين
احمد : وانت عرفت منين انى بتكلم على العربيه
صالح : هاه ! لا ! اومال بتسالنى على ايه . انت كل يوم والتانى تسألنى نفس السؤال يا عم ..
احمد : ( بيبصله بترقب ) بجد . ؟ هو انا كنت رخم اوى كده على طول هههههههههههه
صالح : ( بيبلع ريقه مُتخيلا ان الموضوع عدا على خير وان احمد مش ف باله ) قولى بقا اخبارك ايه يا هندسه ... واخبار دماغك ايه . ؟
احمد : مش هتصدق
هاشم : خير يا عمنا
احمد : انا حاليا بقالى 18 ساعه فايق ! وفاكر ! وحاسس انى كويس
صالح : ( بقلق ) بجد  . ؟ طيب الحمد لله ! ده من العلاج يعنى ولا ايه
احمد : تقريبا ! شكلى كده هروح شرم الشيخ فعلا نقابل الدكتور اللى جاى ده .. يمكن يكتب على مقويات او على حاجه تساعدنى انى افضل كده .. انا بقالى سنين ماوصلتش للساعات دى كلها انى افضل فاكرها
صالح : بقولك ايه ! انا عاوز اسالك على حاجه كده
احمد : حاجه ايه . ؟ 
صالح : هو الحاجات اللى انت بتعملها وقت ما ذاكرتك تتهيبر خالص ... ؟ لما بتفتكر ... بتبقي فاكر الاحداث اللى عملتها وانت ناسي . ؟
احمد : ( بيبصله بتفكير وسرحان عميق ) لا ! لما بترجعلى ذاكرتى مابفتكرش انا عملت ايه وانا ناسي ..
صالح : ااها ! طيب ! خير ان شاء الله
احمد : انا قايم ! قايم مروح
............
احمد : يا ربي ! فيه ايه .؟ ليه بتبكى . ؟
كابر : مافي شئ يا قلبى ! بس انا هيك ! نكديه زى ما دايم تقول عليا هههههههههه اتزكرت شويه اشياء هيك وضايقت حالى !
احمد : افتكرتى ايه ( بيرجع خصلات شعرها ورا ودنها )
كابر : يا الله يا احمد . شو هالحركه اللى على طول تعملهالى وبتدوبني معك فيها…
احمد : انا دايب من زمان ياست الناس ….
كابر : كنت خايفه لاصحابك يرجعوك الي وانت ناسي كل شي
احمد : بنساش حاجه !
كابر : شو ! كيف ؟
احمد : ( بارتباك ) قصدى انى لما بشوفك مابكونش محتاج انسي او افتكر حاجه .. بقفل الزمن والمكان واعمل زوووووم على وشك وانتهينا ... الدنيا تدور براحتها بقي طالما قصادك
كابر : من وين بتجيب هالحكي بس قلي ..؟
احمد : من عينك ! عينك بتقول كلام كبير
كابر : بعطيك الدوا . ؟
احمد : ياريت ! لاحسن انا مصدع شويه ...
كابر :
( بتبوسه من خده ) ثوانى ..
( بتروح تقف أمام الدولاب وبتمسك الدوا القديم بايد والدوا الجديد بالايد التانيه وبتبص للاتنين وبتعيط .... وبتبص بارتباك للاوضه وكأنها خايفه من حاجه معينه ... بتاخد العلاج القديم وبتروح علشان تديه ل احمد )
...........
كابر : اتفضل يا قلبي .. بالشفا
احمد : تسلم ايديك ! انا جوعت !
كابر : عاملالك بيتزا بتجنن ! هتاكل أصابعك وراها
احمد : تسلم ايديك
............
( احمد بيدخل غرفته .. بيفتح الدولاب . بيلاقى علبتين دوا جنب بعض ... بيغطيهم كأنه ماشافهمش .. وبيكمل تغيير ملابسه )
............
( ف المطبخ )
احمد : يا سيدى ! قد ايه البيتزا ريحتها تجنن .. والله عاوز افتح الفرن دلوقتى اكلها
كابر : على طول بعملهالك بتجنن يا نصاب ..
احمد : والله ماحد يجنن غيرك !
كابر : بدى اقولك شغله..
احمد : خير
كابر : ابي واخي جايين الاسبوع الجاي يشوفونا .. هما نازلين القاهره عندهم شغل .. ورح يمرو يطمنو علينا
احمد : يشرفوا .. عاوز اشوفهم ! ( بيبص ل عنيها الاتنين بشئ من التحدى ) انا محتاج انى اشوفهم
كابر : محتاج ليش . ؟
احمد : يعنى ! حمايا ونسيبى ! محتاج فعلا يكونلى عيله .. زى مانتى عارفه ! انا ماليش حد .. ماليش حد غيركوا
........
(بعد اسبوع )
ابو كابر : اهلين حبايبى . والله اشتقنالكوا
احمد : اهلا يا عمى ! والله وحشتونى كتير .. اهلا يا مروان ! ايه الشياكه دى
مروان : انتو الشياكه كلها يا ابو نسب .. والله مصر حلوه كتيييير وناسها طيبين .
احمد : انتوا اللى ناس كتير طيبه .. وما تستاهلو غير الطيب .. عن اذنكوا بشوف كابر خلصت الاكل ولا لسا
...........
ابو كابر : كل شئ طبيعى ! اومال هما أصرًوا ليه اننا نيجى هون ونتطمن
مروان : الاوامر اوامر ..انت ناسي ان التنفيذ بكره
ابو كابر : لا مو ناسي ! كيف هنسي !
مروان : لا بس حلوه كتيييييييير فكرة ان كابر تفضل معاه طول هالسنين وتقنعه انك ابوها وانا اخوها ههههههههه
..........
يتبع
#أحمد_سعد