قصه كابر

( البارت الثالث )

#كــــابر 
( البارت الثالث )
احمد : دلوقتى ابصم بالعشره ..
ان الروح بتتسحب .. والعقل بيغيب ... والقلب بيتنفض ..
والعروق بتضخ .. والعين بتتبدّل ...
وال .... ( تليفونه بيرن بيلاقى فيه رقم رزان ... بيزغرط وبيبوس التليفون وبيقوم علشان يرد بره القهوه )
طه : ( بيبص على الناس اللى قاعدين ع القهوه وبيتحرج ) لا محدش يقلق يا جماعه .. جاتله ضربة شمس النهارده .. وبنعالجه معلش
........
احمد : يا مساء الفل
رزان : ولو !! فيك ايه ؟ مش قولنا انك مش بتاع بنات .. يعنى تبقي تقيل
احمد : هو انا قولت ايه بس . انا بقولك مساء الفل
رزان : هههههههههه لا بس شوف الطريقه اللى بتقول بيها ... ع العموم ماشي ياسيدى مساء العسل لعيونك .. كده تمام ؟
احمد : تمام اوى ...
رزان : لساك عند رأيك انك ممكن تخرجنا .؟ خايفه من النصابين والمرشدين اللى هنا ...
احمد : ياسلام !! قوليلى هتكونو جاهزين امتى وانا بالدقيقه هتلاقينى عندك
رزان : يعنى .. كمان ساعه بالظبط .. يناسبك ؟
احمد : تمام اوى ...
رزان : هنتلاقي فين بقي ؟
احمد : براحتكو . شوفى لو عاوزه اجى اخدكو من عند الاوتيل .
رزان : لا احنا نتقابل ف خليج نعمه هناك احسن .. وهناك بنرن عليك ..
احمد : تمام
................
كابر : خير ! بشوف عيونك لامعه وانتى بتتكلمى مع اللى اسمه احمد ده . فيه حاجه ؟
رزان : ولوو !! هيكون فيه ايه يعنى ؟ ولا حاجه . واد جدع وواقف معانا بجدعنه ف طبيعى ابقي مبسوطه انى بكلمه
كابر : ااهااا ! جدعنه ؟
رزان : هو فيه ايه ؟ مالك ؟
كابر : ولا شئ ... طفى النور عاوزه أنام
رزان : اووه عليك .. فيه ايه بجد زعلانه من حاجه ؟
كابر : ولا شئ والله . مُرهقه شويه ..
رزان : لساك بردو مش ناويه تخرجى معانا ..
كابر : لا مش المرادى .. المره الجايه !
رزان : على كيفك ... استنى علشان هعرف البنات يجهزوا
............
احمد : اهلا ! ايه القمرات دول .. سوريا وجمال سوريا وكل اللى بييجى من سوريا هههههههه
لمار : ايه ياعم !  ماينفعش كده ..
احمد : ( بيبص وراهم وقدامهم ) لا اصل مافيش حد حلو كده ولا فيه بلد كل ناسها حلوين بالطريقه دى ..
رزان : لا احنا الجمال عندنا عادى عادى
احمد : ههههههههههه بالراحه على نفسك شويه .. مش اوى يعنى دنا بجاملك
رزان : ههههههههه مهضوم كتير يا احمد والله ...
احمد : ربنا يعزك ... وفين صاحبتكو الرابعه
رزان : مين قصدك ؟
احمد : الفلسطينيه .. ماجاتش ولا هى وراكو ولا فين ؟
رزان : اها ! لا هى تعبانه شويه .. وفضلت انها تنام الليله ..
احمد : ليه بس . سلامتها الف سلامه . طيب يعنى ! نروح نشوفلها دكتور ولا ايه
رزان : لا مش اوى يعنى يا عم الحنين هههههههههههه ارهاق من السفر بس وكده ...
احمد : طب تعالو اتفضلوا .. تعالو الكافيه ده حلو ..
رزان : يلا بينا
.........
( كابر ف اوضتها ... وواضح انها معاها صوره لشخص ما .. عماله تبص فيها وبتبكى وبتبوس الصوره كل شويه )
.............
احمد : انتوا ايه حكايتكو بقي . وجايين ازاى مع بعض وانتو بتقولوا انكو اول مره تشوفوا بعض .
رزان : لا احنا اول مره نشوف كابر ... لاننا نعرف بعض من كم سنه وماشوفناش بعض خالص
احمد : اهااا ! لكن انتو التلاته اصحاب
رزان : ايه طبعا اصحاب ... انا وريما ولمار اصحاب من سن 10 سنوات . وكنا ف مدارس مع بعض وجيران كمان ..
احمد : ماشاء الله .. وكابر .. واضح انها هاديه كده
رزان : لااااااااا ! دى ماشاء الله اجرا واحده فينا كلنا ..
احمد : أجرا واحده ايه بس دى ماتكلمتش غير كلمتين المره اللى فاتت
رزان : ههههههههههههه لا يمكن مكنتش واخده عليك بس
احمد : ماشاء الله .. وهى تعليم ايه بقي
رزان : انت مش شايف انها قلة ذوق منك انك تتكلم على واحده .. وفيه تلاته غيرها قاعدين معاك ؟
احمد : هههههههههههههه فعلا قلة ذوق .. معلش ..
رزان : لا ياعم ولا يهمك ... عاوزين نتعشي عشوايه حلوه بقي على ذوقك ..
احمد : من عنيا
...............
( ف صالة الفندق )
علاء : تحبى تشربي حاجه يا فندم ؟
كابر : ايه لو ينفع عصير برتقال فريش بعد اذنك
علاء : حاضر تحت امرك
...
كابر : الو !
= : الو ! بتكلمينى منين
كابر : من صالة الفندق .. لوحدى  البنات خرجوا اليوم وانا مقدرتش اخرج
= اه احسن . ريحى اليوم
كابر : مش انا شوفته ؟
= بجججد ؟ احكيلى ..
كابر : مش قادره ! .. حقيقى مش قادره ..
مش قادره اواجهه ! وانا من نظرة واحده من عينه روحى راحت
ولسّانى لغاية دلوقتى مش قادره اخد نفسي
حاسه انى رجلى مرفوعه لفوق ومش ماشيه على الارض
كأنى بالظبط عايمه ف البحر
أنا هَلَكَت واتهلكت
وكنت فاكره انى هبقي قويه وانا قدامه
بس هو حس بيا ...
حس بيا يا عينى وفضل يبصلى هههههههههه
والله صعب عليا
بقولك ايه ! بكلمك بكره علشان البنات شكلهم داخلين ... اوعاكى ترنى عليا خالص
.........
( يتبع )
هلكنا واتهلكنا
#أحمد_سعد