انفصام

انا تخطيت

ماكنت اتمنى نهاية قصتي حزينة ليش ياعبدالله ليش كذبت كنت احبك ف كل حالاتك وتمنيت تساندني لين اخر يوم في حياتي رحنا بدون عتاب والله تركتك لله .... اخذت من عمري ٦ سنين وانا انتظر ضروفك تتحسن وقلبك يحن شوي كنت ابيك تسمع قلبي اكثر .... ليش تخليني ادور على من يعطني الحنيه والامان ليش كسرت كل شي فيني تذكر كل مره اقولك تذكرني بس تسمع اغنية اسمعني والله حرام انا كبرت معك كنت خايفة اني بكون لحالي بس اكتشفت انه تكون لحالك شي مايخوف بس يجرح شعور انك كنت تحب وفي شخص يحبك اخذت وقتي ومشاعري وعافيتي وصديقاتي وناسي كلهم كل مكان يذكرني وكل ريحة تذكرني .... ليش كذبت

والله تغيرت مشاعري ولا احبك ... بس في شي فيني مسكور يدور على شخص يحتويه .... تغيرت كثير من بعدك مو للأسوء والله للأحسن بس كل شي يرجعني لورا وفي صوت ف راسي يقولي ليش كذب وانا صدقت معه
انت حطيت راسك على صدري وسمعت نبض قلبي ..... حسيت بيدي وهي تلعب بشعرك وتلمس وجهك انت حسيت .... انت شفت عيوني وش تحكي لك وكل نفس فيني كان يقولك انا احبك .... بس انت كذبت وخنت وقسيت وكنت تعرف انك توجع قلبي وتكمل ..... وكنت تخاف تكمل معي
شكرا انك حطمت شي كبير فيني ..... هدمت كل الي بنيته
وان كانت كل هالسنين كذبه فأنا تخطيت حبك .... الصادق ف حبه يفعل وانا انتظرتك من ٦ سنين ..... والله ماعاد احبك وليتني مشيت ليلة خيانك الاولى
كذبت على نفسي معك انك تحبني ورح تتخطى ظروفك وتجيني زي كل مره كنت انتظرك تتصل بعد مخانق وعتاب قصير تذكر؟ والله شفقت على نفسي . يارب عوضني خير والله كنت صادقه ف كل شعور وكل كلمة والله انت تعلم الي ف صدري والله حاربت اهلي وناسي وصديقاتي وكل احد حذرني منه عشانه والله ماكان احد بحياتي احد الا هو يارب عوضني بشخص يعوضني عن الي حرمني منه عبودي تذكر اسمك؟ عبودي كنت اناديك . رجعت كأني طفلة ضايعة بشعوري . والله كل يوم اراقب واخاف تجيني مابيك تجيني انا خايفة من شعوري القديم. بس ابي اقول كلام ماخليتني اقوله يوم الوداع . ليش سويت فيني كذا . ادري واذكر كلامك انا قوية بس ماكنت قوية معك الشخص الي يحب يضعف قدام الشخص الي يحبه . حبيتك واوجعتني وانت عارف اني ف لحضه ضعف معك اوجعتني كثير .... وعدتني تعوضني بس الحين اختفيت مارجعت تصحح كل الغلط الي صار .... وحتى ان رجعت الحين خلص الوقت من زمان .... يارب ماترجع لي لاني مابي اذكر وجع قلبي .... عبدالله تذكر يوم جاني اكتئاب ونوبات هلع بسببك؟ وكنت ماتدري عن شي لاني سكت خفت تتركني وتمشي وامرض زياده واموت .... مادريت الا يوم تعافيت منها اذكر زين كنت مريضه واسمعك وانت تقهرني وجسمي يرجف وقلبي احسه بيوقف وانت تكمل واقولك اسكت وتكمل ..... تذكر قساوتك؟ وينك وانا تعبانه وينك يوم احتاجك وينك يوم اقوم من النوم وانا اناديك وينك يوم كنت انجح وابي ابشرك وينك عني .... انت كل الي تعرفه اني حبيتك ومستعده اقعد العمر كله اهتم فيك ... والله ان الحقيقة مره ...... عبدالله لاتجي مابي اسمع صوتك ولا اشوفك انت كل ماطريت على بالي اذكر جرحك ولا ادري كيف ، كيف اتزوج ويسألني زوجي احس من عيونك انك مجروحه ومقدر اقوله انك انت سبب ف حزن روحي ....... وش اقول للبشر ان عرفوا اني حبيتك و لاموني وفكروني مو زينه محد بيصدق ان شعوري وامنيتي اني اكون زوجتك ... لمين اقول اني مكسوره؟ ضعت مع نفسي مكسوره بس مقدر احكي .... ليتك ماجيت .... ابي اتزوج  بس انا نفسيتي وان بينت انها مثالية من برا من جوا تراها مدمره ..... وانت للحين تذكب على نفسك انك ماسويت لي اي شي من هذا كله ..... والي اشين من كل هذا ان الي حولي ينادوني ام عبدالله يبون ولدي يكون عبدالله وانا مابي اطري اسمك واذكرك .... ورحت وراحت معك كل مشاعري لك ..... عبدالله لاتجي ......