الباتروس

الباتروس 3

*#الباتروس _ 《03》*

*By:Black Moon🖤*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​ ‏​​‏​​‏​​‏​​‏​​‏

                                       3
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​                   
عدا أسبوعين وجى يوم النتائج وقلبي كان في يدي من صحيت فاتح اللاب ومنتظره في الصفحه وماشه وجايه زي الساعه 11 كدا نزلو ياخ لما شفت كلمه successful  م صدقتا وجري نزلت لي ماما وحضنتها وقلت ليها نجحت نجحت😭😭، قالت لي مبروك حبيبتي عقبال الدكتوره قلت ليها امين بابا لسه م جى، قالت لي الفرحه اسرت فيكي ولا شنو ي بت ابوكي بجي الساعه4 وحسي يداب الساعه 11 😂😂، قلت ليها اي صح نسيت والله 😂طلعت غرفتي واتصلت على الشباب ووريتهم وفرحو معي وانا فرحي دي م عشان نجحت وهتقدم سنه لا ابدا عشان هشوف وطني اخيرا، قعدت استنيت بابا م عرفه بس حسيت في خلال ال4 ساعات المستنياها دي حسيتها 4 شهور ، المهم بعد تلف اعصاب جى جريت حضنتو من الباب، قال لي بتي الشطوره، قلت ليهو ماما ورتك صح اكيد، قال لي اي 🌚، لفت على ماما وقلت ليها يعني مافي شي بتخبه عليهو، المهم يلا نبدا بإجراءات السفر، لما قلت ليهو كدا ملام وشو اتغيرت 180، قلت ليهو بابا انت م غيرت رايك صح، قال لي عمري قلت شي واتراجعت ، قلت ليهو ابدا بس مالك ملام وشك اتغيرت كدا، قال لي يعني مستعده تقعدي تلاته شهور بدونا وانتي م بتعرف تنومي في بيت نحنا م فيهو، قلت ليهو بابا دا م وقت الكلام دا وبعدين انتو الما عايزين تمشيو زنبي شنو انا، قال لي طيب تمام بس خليني ارتح ونتغدا بعد داك نشوف اليحصل شنو، قلت ليهو طيب، هو طلع الغرفه وانا ساعدت ماما ورصينا الاكل في الصفره بابا نزل وقعدنا نتغدا ونحنا بنتغدا قلت ليهم اي صحي انا هنزل في فندق ولا وين، ماما قالت لي عندي صحبتي هتنزلي عندها، قلت ليها صحبت موثوقة فيها يعني، قالت لي يعني انا امك ممكن ابعت لي اي زول تقعدي معاهو وهي صحبتي من الطفوله قمنا مع بعض بس الزواج فرقنا وعندها بت قدرك وهتحبيها ظريفه شديد وعندها ولد اكبر منك تقريبا بتلاته سنين او حاجه كدا بس بوصيكي من حسي خلي بالك اي صح انا واثقه في صحبتي وتربيتها وواثقه فيك بس م بقدر اوثق في الزمن م معروف يحصل شنو عشان كدا خلي مسافه بينك وبينو قدر الامكان تمام، قلت ليها ماما معقوله تقولي كدا وبعدين انتي م بتثقي  فيني، قالت لي ي بتي ثقتي فيك عمرها م بتخيب بس الشيطان شاطر، قلت ليها لو الشيطان شاطر ف انا العلمتو ، بابا قال لي ماما هو بتك محمد ولد اصلا منو البعاين ليها😂، قلت ليهو كدا ي بابا ماشي 😭، قال لي م دي الحقيقه بس برضو م معنها م انبهك، قلت ليهم خلوني من دا كلو لقيتو طياره قايمه لي السودان، بابا قال لي لسه م شفت بشوف بعد الاكل، المهم اكلنا وانا وبابا قعدنا في الصالون وقال لي يعني انتي جاهزه لي السفر نمشي بكره نقطع التزكره، قلت ليهو نووو لا استنه بكره همشي السوق اشتري لي كم حاجه وهدايه لي ناس البيت الهنزل عندهم ولي ناس تانين، قال لي الناس التانين منو، قلت ليهو اصحابي، قال لي عندك اصحاب في السودان عرفتيهم وين ي بت وهم منو وعيال منو، قلت ليهو بابي اتعرفت عليهم في قرب، قال لي ي بتي م كل الناس كويسين في اصحاب بيودوكي بي طريق شمال، قلت ليهو بابا م تخاف هم محترمين، قال لي لا انا م بثق بي الصداقه عبر النت دي وايكي تمشي هناك وتتابعي لي شله ما نافعه فاهمه، قلت ليهو بابا في شنو ريلاكس م تخاف م بتثق فيني، قال لي زي م قالت امك م بثق في الزمن، قلت ليهو والله انتو وامي ديل معقدين لي درجه، قال لي بت لمي لسانك قبل م الغي ليكي الرحله دي كلها، قلت ليهو اا لا خلاص سكته، وقمت طلعت غرفتي كلمت الشله اني ممكن اجي في اي وقت وبعدها قفلت تلفوني وجبت ورقه وقلم وبقيت اكتب في الحجات الهجيبا بكره من السوق بعد خلصت نزل شنطه السفر عندي شنطه صغيره كدا كان مشيت بيها  ارلندا، المهم ختيت فيها حجاتي المهمه بس لقيت انو ملابسي والهدايه م هتلحق  ف نزلت تحت وقلت لي ماما ممكن اخد شنطتك الكبيره لانو شنطتي م بتلحق، قالت لي والله م بعرف بس تقريبا هي قديمه م حلوه تمشي بيها، قلت ليها ماما انا م بيهمني المظهر طلعيها لي عشان انظفها بس ، قالت لي طيب، طلعتها لي ونظفتها وختيت فيها الحجات المهمه بس م ختيت ملابسي لانو لسه  م حجزت التزكره اصلا...... اصبحت تاني يوم مشيت مع ماما المول وبابا من الشغل مشى يقطع لي التزكره  بعد م اشتريت حجاتي قعدت افكر اشتري هدايه شنو بزات للاولاد انا م حصل شتريت هديه لي ولد الا جيڤارا بس قاعده اجيب ليهو هدايه في اعياد ميلادو لاني انا بعرف هو بحب شنو طبعا احترته وقلت لي ماما ماما عادتن انتي بتجيبي هدايه لي بابا زي شنو كدا، قالت لي لي عايزه تجيبي لي منو ، قلت ليهو لي الشله الكريمه المنتظراني دي وما عارفه اجيب ليهم شنو، قالت لي اي شي بيخطر على بالك ... المهم بعد لف وتعب رجعنا البيت خليت الحجات في الصالون وطلعت نمت صحيت الساعه 8 لقيت ماما جابت لي الحجات في غرفتي  ، نزلت تحت لقيتهم قعادين وبتونسو، قلت ليهم مساء الخير، قالو لي مساء النور، قلت لي بابا بابا حجزت التزكره، قال لي اي بس لي يوم الخميس لانو اليلا في طياره قامت، قلت ليهو اا م مشكله هم تلاته يوم في الوقت دا هجهز حجاتي كلها واشبع منهكم وجيت قعدت في نصهم.. ماما قالت لي يعني انتي جاده في سفرك دا، قلت ليها ماما بعد التجهيزات دي كلها جايه تقولي لي انتي جاده اكيد جاده، بابا قال لي البيت هيبقى مسيخ من غير تاني مافي زول بيجي يتشعلق فيني من الباب لمن اجي من الشغل، قلت ليهو بابا م تقطع لي قلبي هم تلاته شهور م اكتر، ماما قالت لي التلاته شهور دي زاتها كتيره علينا، طبعا عيوني لمن دمعو عشان اطلع من الجو دا قلت ليهم تعالو نشاهد فلم، قالو لي طيب، فعلا شغلت التلفزيون وبقينا نحضر  .... عدا يومين واليوم القبل سفري اتصلت على سهى وقلت ليها انا نازله السودان بكره، قالت لي كذااابه، قلت ليها والله جد بس م توري الشله عاملها ليهم مفاجاة، قالت لي طيب هتوصلي الساعه كم عشان اجي اسوقك من المطار، قلت ليها لا مافي داعي ود خالتي هيجي سيوقني، قالت لي مش قلتي لي م بتعرف زول من اهلك في السودان، قلت ليها هو م ولد خالتي اخت امي، ولد صحبت امي، قالت لي اا هتنزلي عندهم يعني، قلت ليها اي، قالت لي والله فرحتيني اخيرا هشوفك، قلت ليها اي وجهزي لازم في خلال التلاته شهور دي توريني السودان ركن ركن، قالت لي قدام ي زوله والله نصيع صياعه بس تعالي، قلت ليها تمام يلا لازم اجهز شنطي والغرفه مكركبه، قالت لي طيب تمام بس م وريتين هتوصلي بتين، قلت ليها والله على حسب علمي هتحرك بكره الساعه 12 ظهر وهنزل في آسيا بس م متزكره وين وبعدين هكمل واحتمال اوصل الساعه 11 مساء او عشره م متاكده، قالت لي احي هتتعبي اكتر من 11 ساعه، قلت ليها كل شي فداء الوطن، قالت لي والله محسساني فايت حرب وبعدين انتي م جيتيها بس تجي من اول اسبوع تشميها، قلت ليها مستحييييل ويلا باي خليني اكمل شغلي وزي م اتفقنا اياكي تقولي لي الشباب تمام، قالت لي خلاص فهمت يلا باي،قفلت منها وجهزت ملابسي وحجاتي المهم في الشنطه وبعد خلصت ختيت الشنط قدامي وقعدت اشوف فيهم وافكر معقوله هقدر اقعد تلاته شهور بعيده عند ماما وبابا اي انا كبرت ومافي زول في عمري بقول كدا بس انا من قمت م عندي غيرهم...حسيت بي قبضه في قلبي ف قمت صليت وقعدت اقرا سوره البقره بتريحني شديد،بعد خلصت ارتحت والقبضه خلتني نزلت لي ماما وبابا تحت لقيت ماما راقده في كتف بابا وبتقول ليهو حسي لو لقوها وعرفوها ي عبدالعزيز نعمل شنو،قال ليها م تخافي هتكون بعيدا كل البعد عنهم طول م هي مع مها،قلت ليهم منو الهيلاقيني،طبعا اتخلعو،بابا قال لي ولا زول كدا تعال اقعدي،جيت قعدت في نصهم قال لي يعني خلاص فراشيتي بكره مسافره، قلت ليهو م هطول هم تلاته شهور ودموعي جات جاريه، ماما قالت لي والله ي بتي انا م مرتاحه لي المشيه دي قلبي م مطاوعني ابعتك لي مكان انا م فيهو، قلت ليهم م تخافو انا كبرت وم هيحصل لي شي، بابا قال لي متزكره اخر مره قلتي كدا لما خليناكي براكي في البيت لمده عشره دقايق بس ولما جينا لقيناكي قربتي تقعي من الطابق العاشر كما حصلناكي م معروف كان حصل شنو، قلت ليهو بابا دا كان عمري 5 سنين (كنا زمان ساكنين جو في المدينه بس بسبب دا نحنا رحلنا في حتى منعزله م فيها مباني مرتفعه  في طرف المدينه شبه قريه كدا بس م قريه  ) المهم قعدنا نتونس لي الزمن اتاخر ماما قالت لي يلا ي بتي الزمن اتاخر نومي عشان بكره تصحي بدري وتجهزي، قلت ليها طيب ومشيت لغايد نص السلم ورجعت قلت ليهم ممكن انوم معاكم اليلا، ابتسمو وقالو لي اكيد طلعنا الغرفه ونمت في نصهم زي كاني عمري 3 سنين ههههه...صحيت تاني يوم الساعه 8 وانا متقلقه وخايفه وامي من صحيت دمعتها م فارقتها وانا كل م اشوف عيونا عيوني بيدمعو 💔المهم فطرت ومشيت عشان اودع جيڤارا قبل م اوصل بيتهم لقيتو هو جاي،قلت ليهو جيڤو،قال لي املي،طبعا بنحب نتعابط كدا من صغرنا 😂😂، مسك يدي وقال لي ستذهبين ي اميرتي وتتركيني ضال، قلت ليهو اووو سرت تعرف تحكي عربي فصحه منيح 😂، قال لي شور بيبي، قلت ليهو طيب انا راح روح هلا، قال لي ثواني رايح معك على  airport  ، قلت ليهو عن جد طيب ثواني خليني ودع الخاله بيمان، قال لي اوك.. وصلت بيتهم وهو فتح الباب وناده امو، جات لما شافتني قالت لي اووو امل راح تروحي خلاص، قلت ليها اي والله، جات حضنتني وقالت لي عن جد راح نشتاقلك ولجنونك، قلت ليها وانا كمان راح اشتاقلكم وم تخافو ما رح طول ورح ارجعى ومعي جنوني 😂، قالت لي انشاءالله حبيبتي  ، قلت ليها طيب خاله سلميلي على العم  علي، قالت لي يوصل انشاء الله، طلعنا انا وجيڤارا وبقينا ماشين على البيت، قال لي امل بدي اعترفلك بشي، قلت ليهو اعتراف من جيڤارا حمستني يلا say، قال لي بس م بدياكي تعصبي،قلت ليهو اوكي،قال لي  انا يلي اكلت المصاصه تبعيتك لما كنا بصف التامن، طبعا مت ضحك 😭😂😭😂😭😂😭😂، وهو زاتو بقى يضحك معي، وبعدين قلت ليهو والله لدفعك حقهم يلا اعطيني حقهم هلى ، قال لي امل حياتي نحنا  Brothers، قلت ليهو لا حياتي نحنا مالنا اخوه بالمصاصات يلا ادفعلي حقهم، قال لي والله انك ناكره للاخوه، قلت ليهو اي ناكره للاخوه يلا اعطيني حقهم، طلع جنيه واداني ليهو قلت ليهو برافو good boy،..... وصلنا البيت والساعه كانت 10:30، بابا قال للي يلا هنتحرك عشان  نوصل بدري بدل م تفوتك الطياره، قلت ليهو طيب طلعت انا وجيڤارا  ونزلنا الشنط وبابا دخلهم العربيه وركبنا واتحركنا وطول الطريق ماما بتبكي وبابا بيحاول يمسك نفسو اما انا  كنت بتونس مع جيڤارا ودمعتي في عيني وهو بيحاول يحلي الجو عشان م يقلب عزه وبقى يحكي لينا في نكات بس برضو الدمعه م فارقتنا لمن وصلنا وجى وقت البكي اهه 💔💔ياخي جنس البكي البيكيتو معا ماما والله البشوفنا بيقول م هنشوف بعض تاني💔ونفس الشي مع بابا وجيڤارا كمان  اول مره اشوف دمعت بابا ف لما شفتها قلبي وجعني شديد التقول م امشي وارجع معاهم بعد موال بكي اتفكيت من ماما وبابا وجيت اودع في جيڤارا اول شي مسح لي دموعي وقال لي ما بدي هي الدموع بتعرفيني م بحب جو Depression هاد،ضميتو وقلت ليهو I'll miss you so much  ،قال لي my too 💔،بابا قال لي يلا ي امل الزمن قرب،قلت ليهو طيب اتفكيت من جيڤارا وشلت شنطي ودخلت المطار وبعد عشره دقيقة دخلت صاله امغادره والله قلبي قابضني م كنت متوقعه اصلا يجي يوم وافارقهم ولا لو ثانيه  بعد عشرين دقيقه نادو لي طيارتي ركبت وبعد م قعدت في مكاني بقيت اعاين بالشباك  ودموعي جارية.........