الباتروس

الباتروس 9

*الباتروس _ 《09》*

*By:Black Moon🖤*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​

                                        9​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏                         
فعلا هو مشى وانا واقفه جو شله اولاد وانا ملابسي بقت ضاله فيني وجسمي مكشوف 💔........​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​م ارتحت لي الاولاد دلاك لانو نظراتهم م كانت بتوحي لي خير بزاتو انو مافي زول في المنطقه المهم شلت كمرتي وشنطتي واتحركت اتجاه اب عضلات، وانا ماشه سمعت واحد بيناديني ي اخت!  ي اخت!  لفت وراي الاقي ليك واحد من الاولاد دلاك طوالي بقيت بسرع ومن الخوف غمضت عيوني وبقيت جاريه لي م وقعته وكنت حفيانه فاتجرح اصبعي لما وقعتا الولد وصلني قال لي بسم الله انتي كويسه، قلت ليهو م تقرب مني ودمعتي جات جاري، لما قلت كدا اب عضلات لما لقاني واقعه والولد داك وقفه بتكلم معي جى جاري رفعني وم اتكلم مع الولد طوالي اداهو بكس لمن وقع وقال ليهو م بتخجل على روحك انت، قام وقال ليهو انت الم بتخجل فاكرني شنو انا الاخت دي نست جزمتها وجيت اجيبو ليها بس مخكم كعب عملت مني متحرش ورمى جزمتي ومشى، اب عضلات خا يدو في جبعتو وقال اخخخخ امللل ولفت علي وقال لي خليتيني اضرب ود الناس من غير سبب، قلت ليهو انا القلت ليك اضربو انت براك الجيت نزلت فيهو ضرب، قال لي م هو اي زول يجي يشوف المنظر دا هيفكر شنو يعني وبعدين انا مش قلت ليكي م تتحركي من مكانك، قلت ليهو اي كنت واقفه وجو شلت اولاد وبقى يعينو لي كيف كيف ف م استحملت واتحركت، قال لي والحس دا كان معاهم، قلت ليهو ايوا، قل لي حلو ضربي م مشى على فاضي المهم وهو بقول كدا لاحظ لي جرح رجلي، قال لي الجرحك شنو، قلت ليهو لما وقعت اتجرحته، قال لي قاعدي ينزف شديد بتقدري تمشي بيهو لي الفندق، قلت ليهو م واجعني بس تقريبا هسمم بعد شويه، قال لي بعد الشر لي، قلت ليهو لانو في عقرب عضاني وانا واقعه 🙂، قال لي بي صوت عالي بتقوليها بكل برود انتي هبله يا بت ي ربي اعمل شنو في المصيبه دي وبقى ماشي وجاي بعد ثواني جى شالني وجرى بي على الفندق، وفي اللحظه دي اتزكرت جيسن 💔، المهم وصلنا الفندق وداني غرفتو دق الباب بس مافي زول فتح طوالي مشى دقى باب غرفتنا برضو مافي زول وكذالك غرفه خالتو مها قامم مشى الاستقبال عشان ياخد منهم مفتاح بس قالو ليهو م ينفع بقى يصرخ ويقول ليها بت الناس عضها عقرب وعايز اخد علبه الاسعاف من الغرفه كيف يعني م هتدوني المفتاح،وانا كنت واقفه قدام الغرفه وخلاص بقيت م قادره اقيف شويه كدا جى بالمفتح فتح الغرفه ودخلني بعدين طلع علبه الاسعاف من شنطتو وجاب قطعه ربط لي رجلي عشان م يطلع السم فوق بعد اسعفني رقدني في السرير وطلع برا م بعرف عمل شنو وانا دي سخنت وبقيت ما قادره اتفس كويس ،لما رجع قال لي امل قومي تعالي معي شدي حيلك يلا وانا م كنت قادره اشوف زي الناس ساقني وركبني العربيه مشينه زي عشره دقايق كدا وبعدين نزلني وكانت عياده دخلني الدكتور  وانا فقدت الوعي .... فتحت عيوني لقيتني مرقده في غرفه وباين اننا لسه في المستشفى لفت يميني لقيت اب عضلات لما شافني فتحت، قال لي انتي كويسه، هزيت ليهو راي بمعنى ايوا وجيت اقوم قال لي م تقومي خليكي راقده عايزه شنو اجيبها ليك، قلت ليهو م تخاف مجرت عقرب، قال لي هو العقرب دا هين،قلت ليهو لينا كم ساعه هنا،قال لي م كتير،قلت ليهو اممم،قال لي طلعتي قويه لاكن قدرتي تستحملي السم في دمك لغايدم جينا المستشفى برافو،قلت ليهو زمرتي o  اكيد قويه، قال لي ودا الشي الحلو لانو فقدتي دم وقالو محتاجين متبرع لو م كان زمرتك o م كان هنلاقي دم بسهوله اصلا مافي زول في المستشفى دي، قلت ليهو والاتبرع لي منو، قال لي انا، قلت ليهو Oh really يعني حسي دمك بيجري في دمي،قال لي امم شبه كدا بس هو بسيط اصلا، قلت ليهو حتى لو نقطه برضو🌚، قال لي استني هكلم الدكتور، وطلع ،بيحب يطلع من المواضيع زي ماما وبابا، المهم الدكتورقال لي بقدر اطلع، ونحنا في العربيه قلت ليهو اب عضلات اقصد مجاهد م تقول لي خالتو مها بالحصل تمام م عايزاها تقلق نرجع وكانو كنا في حته وم حصل شي، م رد علي سكت، واتحرك ونحنا في الطريق فتحت تلفوني لقيت اكتر من عشرين مكالمه فائته من ندا رجعت ليها رد من اول رنه،قالت لي انتي وين ي بت بنفتش فيكي لينا ساعتين،قلت ليها كنت بصور في الشلال والمناظر ولما رجعت الفندق م لقيتكم قلت استناكم،قالت لي طيب لي م بتردي على تلفونك امي قلبها قرب يقيف وفي نفس الوقت مجاهد  مختفي عاينت ليهو وقلت ليها انا شفتو في باب الفندق كان داخل دخل قدامي،قالت لي طيب تمام ما تطلعي نحنا هنجيكي،قلت ليها اياكم اقصد انتو اتفسحو انا تعبانه هنوم  شويه وبعدين ممكن اطلع اصلا الجو حار،قال لي طيب ي حنكوشه باي،قفلت مني اب عضلات طوالي قال لي ماشاءالله شاطره في الكذب،قلت ليهو هو الكذب دير ليهو شطاره🌚،قال لي اصلا م كل الناس بتعرف تكذب ولا لا اغلب الناس بتمشي حياتها بالكذب م انو اسواء شي في الدنيا،  قلت ليهو م تكبرها احيانن الانسان بينطر يكذب عشان م يزعل الطرف التاني او يعمل مشاكل، قال لي بس برضو الكذب م بيحل شي، سكته م رديت لغايد م وصلنا نزل وانا جيت انزل جى عندي وقال لي بتقدري تمشي، قلت ليهو ايوا قال لي طيب ارح فعلا بقيت ماشه بس رجلي كانت بتوجعني المهم مشيت لمن وصلت الغرفه فتحتها ودخلت وهو مشى غرفتو رقدت في السرير وبقيت افكر في الحصل دا كلو شلت الكمره حقتي لقيت الفيديو لسه شغال واي من زمن طلعت من الفندق ،بقيت اشاهد فيهو وحتى كان فيهو حتت لما خفت من اب عضلات ووقعت وبعدين رفعني وصراخي وكل شي بقيت اضحك على نفسي وفي نفس الوقت مبسوطه ومبتسمه وحتى صور لما وقعت واب عضلات ضرب الولد داك لانو الكمره كانت معلقه في رقبتي 😂احلا صدفه واحلا فيديو 😂😭❤صح كان موقف مزعج بس حبيت حتت انو في زول بيدافع عني وبيحميني ❤المهم وانا بشاهد في الفيديو باب الغرفه دق قمت وبقيت اجر في رجلي وامشي فتحت الباب لقيت اب عضلات مدا لي كيس، قلت ليهو دا شنو، قال لي دو كتبو ليكي الدكتور عشان لو جاتك حمى او اي شي وعصير عشان ترجعي دمك، قلت ليهو اها شلتهم وقلت ليهو شكراً 😊، قال لي العفو ومشى، قفلت الباب واخدت الدوا وشربت العصير وبعدين طلعت الزاكره بتاعت الكمره ودخلتها في تلفوني نزلت الفيديو في التلفون ورجعت الزاكره ونمت..... صحيت على صوت ندا وخالتو مها وباقي الشله واقفين في راسي، لما صحيت بقو يسالوني مالك حصل ليكي شنو، قلت ليهم ي جماعه انا كويسه م تخافو بس كنت ماشه حفيانه ودقيت رجلي في حجر، خالتو مها قالت لي ي بتي حجر بيعمل جرح قدر دا، قلت ليها لا هو الجرح ما كبير بس انا لفيت الشاش طويل هباله مني ساي 😅، ندا قالت لي سلامتك ي قلبي، قلت ليها الله يسلمك، خالتو زينب قالت لي لو حسيتي بي حاجه قولي لينا في مركز قريب هنا، قلت ليها شكرا بس والله انا كويس م محتاجه شي انتو ارتاحو... المهم بعد كلام طلبو قهوه وهيئو الجو كدا وبقو يتونسو ويشربو في الجبنه وانا راقده في السرير وبعاين ليهم وقتها كان الساعه 6 زمن غروبه الشمس اكتر وقت بحبو طلعت برا وبقيت اشم هوا واتبسم لي الماشي والجاي وانا واقفه منير جى طلع وولع سجاره لما شفني جاني وقال لي هلا وينك اختفيتي م شفناكي من جينا، قلت ليهو موضوع طويل😂، قال لي اها عجبك الجو،قلت ليهو رهيب 😌 وقول ليك حاجه من غير زعل السجااره الحسي ولعتها دي زي م  بتدمرك صحتك بتدمر البيئه، قال لي امم صح بس الزول لما يجربو مرا صدقيني م بتقدر تسيبو بتتعب شديد، قلت ليهو اصلا هو زيو وزي المخدرات م فرق بي شي، قال لي م تبالغي م لي الدرجه دي😂، قلت ليهو م المخدرات م بتقدر تخليها والسجاير كمان وريحتها بتضايقني جدا، قال لي ااا وصلتني الفكره طيب هشربها بعيد وبعدين برجع ليك😊، قلت ليهو طيب هو مشى وانا بقيت واقفه وبشوف في الباب البطلع من الفندق جى اب عضلا طالعه ودير يطلع حاجه من جيب لي لحظه افتكرت انو هيطلع سجاير بس طلع مفتاح عربيتو قلت الحمدلله م بعرف لي ، شاف منير وبقى يتكلم معاهو وبعدين جو ديرين يركبو العربيه قام منير اشر لي بي تعال لفت يمين وشمال لقيتومافي زول قلت ليهو انا اشر لي وقال لي اي، مشيت ليهم منير قال لي ماشين ناكل في مطعم قريب تجي معنا، عاينت لي اب عضلات وقلت ليهو والله م اكذب عليك بس هموت من الجوع🙂، ضحك وقال لي طيب اركبي هو ركب واب عضلات فضل يعاين لي قلت ليهو لووم عايزني امشي معاكم عادي برجع، قال لي لا استغفرالله اركبي، ركبت واتحركنا م كان المسافه بعيده نزلنا وطبعا انا حالتي م حال زول بيجي مطعم ملابسي نفس النزلت بيها المويه وطلعت ومشيت بيها المستشفى ولفيت بيها الدنيا كلها وشعري م مسرح ولا شايله طرحه وحالتي بيش، المهم دخلنا المطعم م كان فاخر شديد بس بسيط وحلو قعدنا وجابو لينا المنيو كان في شيده وشوربه وباقي الحجات م عرفتها او بالاصح م حصل اكلتها  ف طلبت شوربه وبعد طلبنا ومستنين الاكل منير قال لي دا افضل مطعم في جبل مره واكلهم ظابط لمن بهناك،قلت ليهو اوو حلو،منير قال لي اب عضلات منتزكر المطعم دا صح كان جينا ليهو مع الشله قبل كم سنه،قال ليهو اكيد متزكره،قلت ليهم اوو كان عندكم شله،منير قال لي اي بس بعد كبرنا اتفرقنا وبقينا مشغولين مع هموم الدنيا والشغل ، قلت ليهو بس برضو المفروض تتلاقو في الاجازات مش بيكون في اجازه سنويه لي اي موظف، قال لي ما في اي مكان، قلت ليهو طيب غير الاجازه السنويه ممكن تطلعو في اجازه الاعياد نهايه الاسبوع المهم تشوفو بعض، قال لي ما دي بس المشكله المشكله التاني انو اي زول في مكان بيناتنا ساعات، قلت ليهو اوو دي صعبه، قال لي اي طبعا نحن بنتونس واب عضلات ساكت وبعد مرات بحسو بيعاين لي المهم  نزلو لينا طلبنا اكلنا وبعدني طلعنا ورجعنا الفندق.....