الباتروس

الباتروس 8

*الباتروس _ 《08》*

*By:Black Moon🖤*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​                                    8
 
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ​​‏​​‏​​‏​​‏​​‏​​صحيت تاني يوم زي الساعه 9 لقيت زهره صاحيه بس ندا لسه نايمه طلعت مشيت للحمام اتساوقت واستحميت وجيت قعدت في الغرفه ومسكت تلفوني وفتحت واتس صبحت على ماما، ولقيت الشباب م منشطين، قلت اقرأ روايتي ، فتحت الكتاب كدا وبفتش انا كنت واقفه وين جات زهره ونادتني قالت لي تعالي اشربي الشاي، قلت ليها طيب طبعا انا م بشرب شاي بس قلت اجرب المره دي م حلوه يكونو عاملين لي حاجه واقوم اعمل شي تاني م انو كنت جايبه اللاتي معي المهم طلعت برا وشربت الشاي وخالتو مها قالت لي صحي ندا مشيت اصحيها ياخي بت نومها تقيل زي الشنو لما ابت تصحى بقيت اضرب فيها بالمخده لمن صحت قلت ليها ندا الزول البشوفك بيقولك ميته م نايمه بعد الشر عنك بس، قالت لي انتي في زول بصحي زول كدا، قلت ليها الشمس بقت في نص راسك وانتي لسه نايمه، قالت لي انتي هبله ي بت وينا الشمس في شمس بتدخل من الصقف، قلت ليها م بعرف بس قاعده اشوف في المسلسلات السودانيه كدا بيقولو المهات لما يجو يصحو بناتهم😂، قالت لي دا لو كنت نايمه في الحوش، قلت ليها م فرقت يايخ قومي نحنا لمن شربنا الشاي، قالت لي طيب طيب قايمه، جيت طالعه لفت عليها لقيتها رجعت نامت قلت ليها ندااا والله خالتو مها بتجيكي بالمفراكه، م ردت اتزكرت كنت منزله صوت صراخ بيخوف كنت بختو في اذان ماما وهي نايمه عشان تصحه مخلوقه قمت جبتو وعليت الصوت على اعلا شي وختيتو في اذانها وشغلتو، البت قامت ناطه😂😭كان منظرها بضحك بقيت اضحك فيها وهي شعرها في وشها وواقفه بركبينها في السرير، قامت شالت المخده ورمتها فيني انا جريت طلعت وانا بضحك شافتني زهره قالت لي مالك بتضحكي ضحكينا معاكي😂، قلت ليها موقف م بنحكي بنشاف بس 😂، المهم بعض الفطور سالت خالتو مها وقلت ليها خالتو نحنا هنمشي جبل مره بتين، طبعا بقيت زي الشافعه بزن في راسها😂😭، قالت لي ي بتي انتي م تعبانه خلينا نرتاح اليلا وبكره نمشي، قلت ليها بس اب عضلات اكيد هيستعجلنا عشان نرجع بسرعه، قالت لي منو، قلت ليها اقصد مجاهد، قالت لي م تخافي خلي موضوع مجاهد دا علي، المهم بالمساء زي الساعه 6 طبعا زي الوقت دا بيكون الجو فظيع طلعت برا وجبت لي فرشه صغيره فرشتها جنب الزهور وبقيت اعمل اتامل واعمل يوجا ، قام اب عضلات شافني وبقى رافع لي حاجب عاينت ليهو واشرت ليهو بي تعال، جى وكان مدخل يدينو في جيب بنطلونو وقال لي مالك، قلت ليهو بسم لله الناس بتبدا بالكلام كدا المهم تعال اعمل مع يوقا تفك زهجتك الم بيفارق وشك دي، قال لي منو القال ليكي اني زهجان وبعدين م لي في الحجات دي، قلت ليهو محسسني قاعد اقل ليك تعال جر جره دي يوقه، قال لي دقيقة دقيقه قلتي شنو ،بي ضحكه خفيفه، قلت ليهو اي مقطع، قال لي انتي قلتي كاني بقول ليك تعال جور جره ي بت انتي بتجيبي الكلام دي من وين، قلت ليهو م مهم جايبا من وين، قال لي خليني اخمم من الافلام اكيد، قلت ليهو صح عرفته من وين، قال لي نصحتك انا تقللي من مشاهده الافلام، قلت ليهو دا م موضوعنا تعال اقعد، فعلا قعد م صدقت افتكرتو هيمشي ويتجاهلني، قلت ليهو ربع رجلينك، قال لي لي، قلت ليهو بس اعمل كدا... فعلا ربع رجلينو قلت ليهو يلا خت يدينك بفوق من رجلين وخلي اسبع الخنصر ملصق مع الابهام، فعلا عمل كدا قلت ليهو يلا غمض عيونك،، خمض عيونو،، قلت ليهو خد نفس شهيق وزفير،، وفرغ الطاقه السلبية كلها وانسى الشغل والهموم واي شي واسمع صوت العصافير وشم ريحت الزهور وانسيم،، فعلا بعد م عمل كدا فتحت عيني وحده لقيتو مبتسم م بعرف نفعت معاهو ولا في شي ضحكو، بعد تلاته دقايق قلت ليهو افتح عيونك،، م فتحم قلت ليهو اب عضلات مشيت وين افتح عيونك، فتحهم وقال لي معليش كنت شارد، قلت ليهو شكلك مشيت بعيد واندمجت مع الجو، ابتسم وقال لي م بعرف.. وجى قايم، قلت ليهو اها مش حسيت نفسك احسن،قال لي يمكن وابتسم لي ومشى يا ريتو م ابتسم وقعت في ارضي حسيت كانو رموني بي سهم 😭😂❤وانا راقده قلت لي نفسي هي امل اصحي على نفسك دا شنو البتعملي فيهو دا...قمت ورفعت الفرشه دخلت جو لقيتهم كلهم قاعدين منير وخالتو زينب(اخت خالتو مها ) وزهره وندا خالتو مها اب عضلات كلهم، قعدت معاهم وبقينا نتونس ونحنا بنتونس باب الشارع دقه منير مش فتح كان في صوت سلام، منير جى داخل وشايل بت صغنونه عسل وورهو مره يعني م كبيره وراجل سلمو علينا وقعدو والمره ديك قالت لي خالتو مها خالتو والله فاجئتينا بجيتك لي ما كلمتيني، من هنا عرفت انو دي اخت منير وزهره ودا راجلها والعسل بتها مشيت اخدت البت من منير بقيت العب فيها كن عمرها بين 7 شهور كدا وانا كا طبعي بحب الاطفال فابيت اسيب البت 😂وهي ماشاءالله تضحك بس 😂❤ المهم شويه كدا م بعرف حصل ليها شنو قامت بكت امها قالت لي كدا اديني ليها مواعيد نومها جى ، قلت ليها يعني لو ديره تنوم بتبكي😂، قالت لي كل يوم ديره تنوم تبكي ديره تاكل تبكي اشي بتوريني ليهو بالبكى 😂،قلت ليها متعباكي شديد،قالت لي اي والله صحي م عرفتك انتي بت منو،قلت ليها بت عبدالعزيز،قالت لي عبد العزيز عبدالعزيز م عرفتك برضو ،خالتو مها قالت ليها دي بت مياسم صحبتي، قالت ليها اهاا مياسم بت حبوبه مريم صح، خالتو مها حمرت ليها وبقو يتكلمو بالعيون، لما قالت بت مريم قلبي لمن عمل شححح يعني حبوبتي اسمها مريم 😭❤ دي خطوه كويسه اني عرفت اسم حبوبتي وباين انو كلهم عارفين منو انا واهلي منو بس م ديرين يوروني، المهم م اتكلمت خالص وعدا اليوم داك واليوم التاني جهزنا عشان نتحرك لي جبل مره ونور وبتها (اخت زهرة) باتو معنا وهيمشو معنا كمان المهم بعد جهزنا حجاتنا واجرنا عربيه امجات عشان عربيه منير خربانه وكانت في عربيه غير عربيه اب عضلات المهم دخلنا الشنط وركبو في العربيه وم فضل لي مكان لانو كان معنا وحده صحبت خالتو مها وبتها وولدها وبقينا شله ماشاءالله المهم وانا واقفه جى اب عضلات طالع من البيت لقاني واقفه قال لي مالك م ركبتي،قلت ليهو مافي مكان،قال لي يعني مافي مكان لي انا برضو،خالتو مها شافتنا واقفين قالت لينا مالكم م اركبو ي عيال،اب عضلات قال ليها مافي مكان ي امي، قالت ليهو دا كلام شنو دا طيب تعال انت وامل بعربيتك مش بتعرف الطريق، عاين لي وقال ليها طيب تمام انتو امشو ونحنا بنحصلكم، فعلا هم مشو وانا دخلت شنطتي في العربيه وانطريت اركب قدام لانو كان في حجات ورا، المهم ركبت واتحركنا، ونحنا ماشين والامجات بتاع ناس خالتو مها قدامنا، قلت ليهو عندك اغاني، قال لي اي، قلت ليهو طيب بقيت اقلب في الاغاني كانت كلها ممله، قمت قفلتو وبقيت افتش اغنيه في تلفوني تكون حلوه ومحمسه، قال لي م عجباكي الااغاني ، قلت ليهو ايوا م بحب الاغاني القديمه والكلاسيكيه دي، قال لي امم المهم شغلت اغنيه Lat my love you لي جستن بيبر وعليت الصوت على اخر وبقيت اغني ورا الاغنيه... بعد انتهت شغلت اغنيه intentions برضو لي جستن بيبر اصلا مغني المفضل 😂❤❤انا وجيڤارا حافظين كل اغانيهو بزات اغنيه Baby اه قديمه لاكن في القلب، المهم بقيت اشغل اغانيهو ورا بعض وبعد م خلصو، اب عضلات قال لي ماشاءالله حافظه اغانيهو اكتر من اسمك، قلت ليهو اي مغني المفضل جستين بيبر م بتعرف، قال لي م بحب الاغاني دي وعموماً م بحب الاغاني الاجنبيه، قلت ليهو اممم طيب اغنيتك المفضله شنو،قال لي كان زمان،قلت ليهو شنو كان زمان م فهمت،قال لي اغنيتي المفضله اسمها كان زمان، قلت ليهو جاني الفضول اسمعها طيب لي اي فنان ،قال لي بهاء سلطان،طوالي كتبتها وشغلتها وبقيت اسمعه لمده كم ثانيه بعدين وقفتها وقلت ايه و what a  hell انت جادي دي اغنيتك المفضله ،قال لي انتي قاعده تسخري من زوقي ولا شنو،قلت ليهو لا انا انسان بحترم اراء الناس وازواهم بس مود الاغنيه ما من نمطي واصلا ما بحب الاغاني القديمه عشان كدا  وبعدين مالا كئيبه كدا قال،قال لي عرفتي من وين انها كئيبه،قلت ليهو من اسمها وكلماتها،قال لي يعني م بعرف اذا كئيبه ولا لا بس بحبها،قلت ليهو طيب لي اش معنا الاغانيه دي،قال لي لانها بتمثلني،قلت ليهووكيف يعني،قال لي ممكن ما تساليني سوال تاني ،قلت ليهو ابس اسفه لو ادخلت في شي م بيعنيني ولفت على الشباك، هو م رد علي، المهم بعد ساعة وصلنا وم انو الامجات كان قدامنا بس نحنا وصلنا قبليهو المهم انتظرناهم قدام فندق،انا طلعت كمرتي من شنطتي وبقيت اصور في المناظر م انو كنا برا اتجاه الظلط المهم ونحنا واقفين لقيت مجموعه طيور طايره ومشكلين رقم 2 صورتهم وانا بصور فيهم جيت نزت الكمره تحت شويه جات في اب عضلات طوالي اخدت ليهو كم صوره وهو م ملاحظ ولما عاين لي طوالي لفت بالجهه التانيه المهم بعد عشره دقايق وصلو دخلنا الفندق اجرنا الغرف انا وندا وزهره كنا في غرفه وحده المهم بعد م ختينا حجاتنا ندا قالت ديره ترتاح شويه اما زهره قالت هتاكل بعد داك وانا كنت متحمسه عشان اطلع ف طلعت ومشيت غرفه خالت مها وكلمتها اني طالعه، قالت لي م تطلعي براكي المكان دا كبير بتضيعي، قلت ليها م همشي بعيد هكون واقفه قدام الفندق بس قالت لي طيب، المهم مشيت شلت شنطتي الفيها تلفوني وكمرتي وطلعت قطعت الظلط ومشيت دخلت في الغابه هي م غابه بس م لقيت مصطلح تاني 😂المهم دخلت وبقيت ماشه وشويه كدا شفت شلال طوالي مشيت اتجاهو وكنت مشغله فيديو بالكمره وماشه لمن وصلت لي الشلال مويتو م كانت عميقه م بعرف بس في اللحظه ديك جاني مزاج اني اسبح لفت يمين وشمال م لقيت زول طوالي ختيت كمرتي بفوق من شنطتي والفيديو شغال وطلعت جزمتي ودخلت بي ملابس بس الحمدلله م كنت لابس جنز بس تيشرت وبنطلون خفيف نزلت المويه كانت م متواسيه مره عميقه ومره منخفضه ولي لحظه خفت اسبح واضرب راسي في حجر ولا شي المهم وانا واقفه في المويه قلت م اقيف تحت الشلال يوم م عملتها 🌚طوالي مشيت وقفت تحتيهو والمويه كانت كتير اههه ضربتني ضرب 😂😭😂المهم طلعت منها وبقيت اسبح وقلبي في يدي المهم سبحت شويه بعيد عن الشلال والمويه بقت تسحبني لي م احس ليك بي حاجه جايه علي لي لحظه افتكرتو تمساح وفقدت توازني وجيت واقعه جو المويه وفتحت خشمي اخ هنا شربت المويه وقربت اموت لي م احس بي زول رافعني، شويه كدا القي نفسي بتنفس بقيت بتنفس بصعوبه وانا خايفه فتحت عيوني الاقي ليك دا اب عضلات طوالي اتشعلقت فيهو 😭😭😭😂😭، قال لي انت كما بتعرفي تسبحي نازله المويه لي، قلت ليهو انا بعرف اسبح بس لي لحظه افتكرت تمسح وفي اللحظه دي فقدت توازني ووقعت، قال لي عليكي بالله اسالك حسي في تمساح بيكون في مويه جاريه انتي هبله ي بت، قلت ليهو ياخي شنو عرفني يعني انا براي في منطقه زي دي ممكن اتوقع اي حاجه، قال لي اصلا بتتوقعي اي حاجه حتى ممكن يطلع ليكي قرش، قلت ليهو انت بتسخر مني ، طبعا كل دا ونحنا في المويه وانا ماسكه من رقبتو وهو ماسكتي من خصري، قال لي خلينا من سخر وما سخر بتعرفي تسبحي، قلت ليهو اكيد، قال لي يعني اسيبك، قلت ليهو ايوا فعلا سابني وطوالي بعد عني ونزل تحت في اللحظه دي افتكرت شي بلعو طوالي صرخت بي اعلى صوت، لما صرخت جى طالع ومخلوع قال ل في شنو ي بت، قلت ليهو انت كويس افتكرت شي بلعك😭، قال لي اللهم صبرك ي روح امل اطلعي قدامي، فعلا طلعت من المويه وهو طلع وراي بقيت ارجف من البرد لانو في اللحظه الطلعت فيها جا هواء بارد كدا تم لي الناقصه، اب عضلات قال لي انتي نازله بي ملابسك وم جايبه معاكي بديل، قلت ليهو شنو عرفني اني هنزل المويه، قال لي طيب النزلك شنو، قلت ليهو ياخي لما شفتها غرتني، قال لي شنو؟؟ غرتك دي شنو المصطلحات دي، المهم خليكي وقفه هنا انا جبت معي بشكير خليتو هناك همشي اجيبو واجي اياكي تتحركي، قلت ليهو طيب، فعلا هو مشى وانا واقفه جو شله اولاد وانا ملابسي بقت ضاله فيني وجسمي مكشوف 💔........