الباتروس

الباتروس 4

*#الباتروس _ 《04》*

*By:Black Moon🖤*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​ ‏​​‏​​‏​​‏​​‏​​‏

4

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ وصلت مطار الخرطوم بعد تعب 10 ساعات في الطريق كنت معلقه كمرتي في رقبتي وبصور في الماشي والجاي الناس افتكروني اجنبيه جد جد المهم طلعت برا ووقفت م عرفت اعمل شنو ماما قالت لي هلاقي ود خالتو مها منظرني لاكن المشكله انا م بعرفو..اتزكرت انو امي كتبت لي رقمو ولا رقم خالتو مها م بعرف عشان اتصل من تلفون اي زول جنبي فعلا وقفت لي بت كدا واستاذنت منها تلفونها ودخلت الرقم وقعدت اتصل بس مافي زول بيرفع قلت دي مصيبه شنو دي المهم شكرت البت واديتها تلفونها وبقيت اجر في شنطي وماشه وانا م عارفه نفسي ماشه وين والمكان كلو مصاطب بس مافي جنينه عشان اقعد فيها مشيت قدام لقيت جنينه صغيره وفي عجوز قاعد في مقعد مشيت قعدت جنبو وقلت السلام عليكم،قال لي وعليكم السلام،قعدت اصور في الناس البتودع اهلاها والبتستقبل اهلها وبعدين اتزكرت انو مافي زول استقبلني وم عارفه امشي وين💔😭😂واي وباقي انا خوافه والوقت كان بليل،المهم قلت لي العم القاعد جنبي ممكن استخدم تلفونك بس اتصال،قال لي طيب ي بتي طلع لي تلفونو وكان نوكي الصغير داك والمشكله م هنا المشكله اني م بعرف استعملو المهم بعد تعب كتبت الرقم واتصلت من اول رنه رد علي وصوت كان صوت راجل قلت ليهو السلام عليكم،قال لي وعليكم السلام  ،قلت ليهو انا امل وصلت المطار لي ساعه بس م لقيت زول،قال  لي ااا صح اسف والله نسيت،قلت في سري اججييييي ي النسيت،قال لي طيب حسي بوصلك خليكي في مكان بس وريني وين انتي،قلت ليهو والله لو عارفه بوريك،قال لي طيب امشي اقفي قدام البوابه وانا بجيكي هناك،قلت ليهو طيب وقفل ونسيت م قلت ليهو انت شكلك كيف ولا هو سالني لابسه شنو استغفر بس شكرت العم ورجعت عند البوابه وقافه تقريبا ساعه مافي زول جى لما تعبت قعدت في الرصيف والماشي والجاي بيشوف فيني،وانا قاعده جى شاب كدا قال لي السلام عليكم،قلت ليهو وعليكم السلام،قال لي محتاجه مساعده شايفك من قبيل قاعده هنا منتظره زول،قلت ليهو اي منتظره زول،قال لي لو تحبي ممكن اوصلك وين ساكنه،قلت ليهو انا جديد هنا م بعرف مكان يعني اول مره اجي السودان،عاين لي بي نظره كدا م ارتحت ليها  قال لي طيب هتنزلي وين،قلت اوفف ي كترها دا،قلت ليهو ه اهو الزول المنتظره جى يلا شكرا وجريت شنطي وبقيت ماشه واصلا مافي زول جى لغايد م شفتو ركب عربيتو ومشى بعد داك رجعت المكان   الانا واقفه فيهو   قعدت حوالي نص ساعه تانيين بعد داك جاني شاب تاني وقال لي اا حضرتك الانسه امل،قلت في سري احي على اللباقه وقمت من الرصيف وقلت ليهو ايوا انا،مدا لي يدو وقال لي انا مهند😊خالتو مها بعتتني عشان اوصلك،قلت ليهو اووو واخيرا منتظراك ساعه انا وين كنت كل دا طبعا نسيت نفسي وفشيت قلقي في ود الناس،قال ل انا اسف والله زحمه الطريق وكدا،شال الشنط ركبهم العربيه وانا ركبت قدام لاني متعوده  ونسيت نفسي انو دا م بابا  بعد م ركبت بعد داك اتزكرت 😭💔😂،المهم اتحركنا،وحبيت افتح موال ونسه لاني م بحب اجواء الصمت  دي بتجيب لي توتر ف قلت ليهو انت ولد خالتو مها،قال لي لا انا صاحبو هو مشغول شويه عشان كدا م قدر يجي،قلت ليهو يعني دا انت الكنت بتكلم معاك بتلفون،قال لي لا دا مجاهد،قلت ليهو يعني مجاهد دا ولد خالو مها،قال لي يب بظبط،قلت اممم،قال لي انتي اول مره تجي السودان صح،قلت ليهو ايوا ودا احلا يوم في حياتي،قال لي شكلك بتحبي السودان شديد،  قلت ليهو فوق م بتتصور،حصلت لحظه صمت وزي م قلت ليكم الصمت بعمل لي توتر ف قررت اصور وبقيت اصور الناس بشباك  م خليت كائن م صورتو اي صح م صح اصور زول من غير ازنو بس دا كان في برطانيا 🌚😂 المهم شويه كدا مهند بقى يتونس معي وطلع ظريف ووناس لغايد م وصلنا نزلت ورفعت راسي ماشاءالله البيت حاجه تهبل  ولا اروع،قلت في نفسي معقوله ي  امل انتي هتعيشي في البيت دا يايخ البوابه حقتهم اكبر من مساحه جنينتنا 😂😭😂اما الحديقه بتدبل بيتنا تلاته مرات م بعرف كيف هنا في السودان بستهلكو كميه الارض دي كلها في بيت واحد في برطانيه نادر م بتلاقي بيوت زي دي المهم هو وقف العربيه برا ودق الباب البرا جى فتح لينا عمو كبير كدا دخلنا وهو كان كاري لي شنطي لمن وصلنا ودقينا الجرس جات فتحت لينا مره م كبيره كدا في سن ماما وكنت متاكده انها خالتو مها سلمت علي بالاحضان وبعدين بقت تنادي بي اسم ندى لغايد م نزلت بت عسل ياخي بتتاكل اكل لما جات وقفت جنبي انا بقيت زي قرد جنب الطاووس 😂😭😂بس ماشاءالله ماشاءالله  ، جات سلمت علي واحي على السلام الراقي والهدواء والادب، سلمت عليها وبعدين خالتو مها قالت لي اتفضلي اقعدي  مالك واقفه ووينو مجاهد ي مهند، قال ليها والله يا خالتو هو قال لي مشغول شديد عشان كدا بعتني بدالو، قالت ليهو هو الود دا 24 ساعه مشغول، بعد م قعدنا وفضلوني وبعد داك مهند مشى، خالتو مها قالت لي اكيد تعبتي احيي ي بتي سفر متعب اصلا، قلت ليها اي والله، قالت لي م يكون انتظرتي كتير في المطار، قلت ليها لا لا م انتظرت كتير، طبعا منطره اكذب اقدر اقول ليها ولدك خلاني انتظر تلاته ساعات وين ياا، المهم بعد م سالتني عن ماما وبابا، قالت لي احي معليش ي بتي الكلام اخد مجراهو ونسيتك جايه تعبانه ندى سوقي اختك لي غرفتها، فعلا ساقتني لي فوق لمن وصلنا الطابق التاني خالتو مها نادتها قالت لي امل ادخلي الغرفه العلى يمينك دي ومشت، وانا ساقطه جغرافيا اي م بعرف يميني من شمالي ما تستغربو بقرا هندسه معمار كيف وانا ما بعرف يميني من شمالي المهم قعدت اشوف في يدينين واتزكر اني باكل بي اليمين يعني اي واحد وبعد داك اخترت الباكل بيهو لاكن كان في غرفتين ف م عرفت اعمل شنو، ف دخلت في اول غرفه ولما دخلت قربت يغمه علي الغرفه حاجه م بتتوصف يعني شي م طبيعي كلها عباره عن فخامه في فخامه ابيض على اسود على رمادي بس الشي الوحيد الم حبيتو هو الالوان لاني م بحب الالوان الكئيبه دي المهم قلت م علينا دخلت شنطي وطلعت جزمتي ورميتها طوالي نطيت في السرير والله كنت تعبانه تعب حتى م قادره اغير ملابسي ولا افضي الشنط بس قلت اخلي الكسل فتحت شنطي وطلعت لي بجامه لبستها بس م رصيت ملابسي في الدولاب وخليت ملابسي الطلعتهم في السرير اصلا انا همجيه وم بعرف في الترتيب شي رقدت وخلاص حسه جاتني نومه لي م قطعه نومتي صوت ندا بتقول لي امل تعال انزلي عشان تاكلي،قمت من السرير ولما طلعت من الغرفه لقيتها هي من السلم بتنادي نزلت وكنت جعانه لي درجه مبالغه بس حاولت احافظ على برستيجي الم عندي ليهو اصلا  ،بعد اكلت طلعت الغرفه نمت وم صحيت الا على صوت كركبه طبعا خفت وقلت ي ربي دا حرامي شويه شويه حسيت انو جاي على غرفتي طوالي فتحت شنطتي وطلعت بخاخ الفلفل حقي بكون شايلهو دائماً لي الطوارئ  شفت ضلوو جاي على غرفتي طوالي وقفت ورا الباب شويه كدا فتح الباب وانا قلبي قرب يقع، لما فتح الباب ودخل وقفلو طوالي رشيت فيهو مويه الفلفل وبقه يقوله احح عيني، جبت مخده وبقيت اضرب فيهو لمن وقع في السرير، وبقى يقول انت منو ي****، فتحت النور اشوف ليك زول معضل لابس بدله وعادي م شكل حراميه اتصمغت جنب الباب شويه فتح عيونو وقال لي انتي منو ي مجنونه انتي، قلت ليهو انت المنو جاي داخل غرفتي وبكل ثقه، قال لي شنو انتي هبله ي بت الناس دا بيتي ودي غرفتي انا البسالك م انتي، قلت ليهو ههه عفوا قلت شنو غرفتك وبيتك لي انت منو انشاء الله، قال لي ابليس يايخ انتي مالك اطلعي من غرفتي سريع 😡وهو بيحك في عينو، قلت ليهو م تصرخ،دخل حمام الغرفه وغسل وشو وطلع قعد يشوف في الغرفه وهو فاتح عيونو كبار  ،هنا بلعت ريقي لاني كنت جادعه ملابسي في السرير والشوز تبعي في الارض والشنط مفتوحه وكنت باكل شكلاته وم كملتها وختيتها في الكمدينو،بعد م خلص دهشه عاين لي وبقى جاي علي،وقال لي انتي باي حق تتدخلي غرفتي وتعملي فيها كدا،قلت ليهو في شنو ي اب عضلات انت من قبيل جايط وبتنفخ فينا،ابتسم ابتسامه افترا وقال لي هنزل تحت ولما ارجع الاقيكي رجعتي الغرفه زي م كانت ومكان الكنتي فيهو ارجعي ليهو احسن،وزحاني من الباب وطلع، بسرعه بسرعه لميت ملابسي في الشنط وقفلتهم وفرشت السرير وشلت شنطي وطلعت وانا طاله لقيتو هو جاي جيى ووقف جنبي وقال لي شطوره ودخل الغرفه وقفل الباب طاخ وانا بقيت متصمغه في مكاني شويه كدا جاني وشايل شكلاتي وقال لي يبدو انك نسيتي حاجه مديت ليهو يدي ختاها ورجع قفل الباب طاخ، على صوت الباب ندا صحيت وجات قالت لي امل في شنو ماليك واقفه هنا انتي لسه م نمتي، قلت ليها لا لا نايمه ،بعدين اتزكرت انو دي م جيڤارا وقلت ليها هه دخلت غرفه غلط من قبيل والافندم بتاع الغرفه طردني بي طريقه محترمه، قالت لي وايي ميكون دخلتي غرفه مجاهد،قلت ليها يعني اب عضلات دا بيكون مجاهد،ضحكت وقالت لي اي دا هو زاتو 😂 ويا زوله دي غرفتك (جنب غرفه اب عضلات) قلت ليها طيب تمام دخلت وندا قالت لي لو احتجتي اي حاجه اهي غرفتي المقابله لكي دي تعالي دقي لي الباب بس بتلاقيني صحيت، قلت ليها طيب تمام، دخلت الغرفه وبقيت اشوف في الغرفه كانت كلها الوان يايخ دي الغرفه ي بلاش طوالي رقدت نمت، صحيت تاني يوم  وحاسه جسمي مكسر شفت تلفوني لقيت الساعه 1 ظهر، قلت واي معقوله نمت الوقت دا كلو قمت من السرير لقيت شنطي مختوتين علي جنب قلت في نفسي منو الرفعهم امبارح كنت رامياهم المهم فتحتهم ورتبت ملابسي في الدولاب وبعدين طلعت برا الغرفه م كان فيها حمام بس في الطابق الانا فيهو كان في دخلت الحمام اتسوقت واستحميت وطلعت نزلت تحت لقيت خالتو مها وندا بيحضرو في الاخبار سلمت عليهم، خالتو مها قالت لي والله م قدرنا نصحيكي لي الفطور لانو كان باين عليكي تعبانه وما حبينا نصحيك، قلت ليها لا مافي مشكله وكويس انكم م صحيتوني ولا الا كنت هاكل ملابس بدل م اكل انا 😂😭😂😂😂، ضحكو وبعدين ندا قالت لي طيب هكب ليكي تاكلي، قلت ليها لا مافي داعي م جاعنه اصلا، خالتو مها قالت لي كييف الكلام دا اكلتي شنو انتي، قلت ليها والله م جعانه، قالت لي م تخجلي البيت بيتك اتصرفي ك عادتك وبعدين انتي يداب صاحيه اكلتي شنو لمن شبعانه، قلت ليها اكل امبارح لسه م هضم لي 😂، قالت لي بري ي بتي كلام م بيدخل الراس لاكن راحتك بس لو جعتي اهو المطبخ قدامك او كلمي ندى تمام نهائي م تخجلي، قلت ليها  طيب، قعدت شويه كدا حسيت راسي واجعني اتزكرت اني م شربت اللاتيه تبعي متعوده اشربو كل صباح استازنت منهم وجيت طالع وانا في السلم اتلاقيت مع اب عضلات ولا عاين لي نزل طول طلعت وفتحت الشنطه طلعت علبه اللاتيه واتزكرت الهدايه شلتها وطبعا اشتريت لي اب عضلات ساعه فضه كدا م بعرف كنت متردده اديها ليهو ولا لا بسبب الموقف الامبارح حصل داك بس قلت دا دخلو في داك شنو اصلا انا الغلطانه ودخلت غرفه م غرفتي شلتهم وشلت هديه ماما لي خالتو مها واللاتيه ونزلت تحت اب عضلات كان بتونس مع خالتو مها وندا في تلفونها جيت ختيت اللاتي في المطبخ وبعدين مشيت ليهم  خالتو مها لما شافتني قالت لي لي التعب دا ي بتي م كان في داعي لي كل دا، قلت ليها ولو يا خالتو دي حاجه بسيطه اديت ندا هديتها واديت خالتو هديتي وبعدين قلت ليها ودي من ماما، قالت لي لي كلفت نفسها والله م كان في داعي، قلت ليها ولو وبعدين انتي عزيزه عليها وعزيزه علي كمان 😊، قالت لي حبيبتي انا 🤍، بعدين وقفت قدام اب عضلات ومديت ليهو العلبه عاين وعمل لي حركه بي راسة معنها شنوو،عاينت ليهو بي استغراب وقلت ليهو اتفضل🤨،قال لي لي انا،قلت بي صوت واطي لا لي حبوبتي،قال لي قلتي شنو،طبعا خالتو وندا م مركزين معنا،قلت ليهو اتفضل يدي وجعتني،شالها وختها جنبو زي حاجه الما مهمه وقال لي يسلمو م كان في داعي،ولا رديت ليهو وجيت قعدت، وبعدين خالتو وندا فتحو هدايهم وندا لما شافت السلسل الجبتو ليها قالت لي اوو عرفتي من وين بحب السلاسل،قلت ليها جد والله جات صدفه بس جات حضنتني وقالت لي بجد شكرا،قلت ليها ولو م حتاجه،لما ندا اتفكت مني عاين لي خالتو مها لقيتها بتقرا في ورقه وبتبكي  ، قلت ليها خالتو في شنو مالك بتبكي، لما قلت كدا يداب اب عضلات وندا لاحظو ليها وبقو يسالو مشيت قعدت جنبها وقلت ليها في شنو ي خالتو، ضمتني كدااا وبعدين قالت لي كل العاده امك كلامها ماثر، قلت ليها يعني كل دا عشان كلام كاتباهو ماما والله جاني الفضول اعرف ماما كاتبه شنو، قالت لي وهي بتقش دموعها ومبتسمه لا دا سر بين صديقتيني، قلت ليها امم كدا يعني م مشكله هيجي يوم واعرف🌚، اب عضلات قال لي امي بتبالغي عديل انا لمن قلت في زول مات، قالت ليهو فعل الله ولا فعلك، ندا قالت ليها اي والله كلا مجاهد صح بتبالغي، قالت ليهم عشان انتو جيل الزمن دا م بتعرفو معنى الصداقه الحقيقيه، قلت ليها معاكي حقق بس عندي فضول اعرف قصتكم انتي وماما وكيف ماما وبابا اتعرفو على بعض اكيد انتي بتعرفي صح، قالت لي ماشي بحكي ليكي قصتي انا وامك لاكن امك وابوكي دي اعفيني منها، قلت ليها حتى انتي ي خالتو والله كان عندي الامل انو انتي تحكي لي، قالت لي اعفيني ي بتي مدام امك وابوكي م حكو ليكي انا م بقدر، طبعا اب عضلات وندا بقى يعينو وعلامت الاستفهام في راسهم وديرين يعرفو القصه شنو، قلت ليها طيب م مشكله بس هيجي يوم وزول منكم يحكي لي🌚المهم حسي احكي لي قصتك انتي وماما اتصاحبتو كيف ومغامراتكم كانت شنو، قالت لي طيب، قلت ليها بس ثواني اعمل اللاتيه اضبط راسي بعد داك ، اب عضلات رفع لي حابو وقام طلع الغرفه سقتى معي ندا ودخلنا المطبخ طبعا يداب من لاحظت ليهو بيلمع لممع المهم عملت اللاتيه تبعي وطلعت..............