الباتروس

الباتروس 21

​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏*الباتروس _ 《21》*

*By:Black Moon🖤*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​ ‏​​‏​​‏​​‏​​‏​​‏
 
                                                 21

صحيت اليوم التاني واتصرفت عادي كانو م حصل شي امبارح ولا قلت ليهو شي وبعد الجامعه مشيت الوكاله هو م جى ساقني عشان انا طلعت بدري المهم وصلت ولقيته قاعد في مكتبو وخاتي رسمه قدامو وسرحان دقيت الباب قال لي اتفضل ولا عاين لي حتى قلت ليهو احم انا جيت لما سمع صوت لفت شافني وقام من الكرسي وقال لي اهلين اتفضلي ابتسمت ليهو ودخلت وقلت ليهو هخت حجاتي بس وهطلع،قال لي طيب ،استغربت شويه م بعرف لي المهم ختيت شنطتي والكتب والشيتات وطلعت اول م طلعت شفت نسرين جايه علي قلت ي الله كانت لابسه كعب عالي وبنطلون جلد ديق وقميص قصير وصوت الكعب بيعمل تق تق وانا بكره صوتو بقيت اقول ي الله صبرني واليوم دا يعدي على خير جات عندي وعاينت لي من فوق لتحت وقالت لي اه انتي جيتي تاني،قلت ليها لي هو التدريب يوم واحد احتمال تشوفيني كل يوم م معرف يحصل شنو🌞،قلت ليها كدا واتحركت وبقيت الف على الموظفين كاني مشرفه 😂المهم لقيت واحد كدا رسام ماشاءالله وم كان بيرسم بالكمبيوتر شغال بالورق م انو كان شاب جيت وقفت جنبو وقلت ليهو ليهو موهوب ماشالله ،لفت لي وقال لي اا شكرا ☺️ ،قلت ليهو لي م بترسم بالكبيوتر مش اسهل ليك ،قال لي م بحب الالكترونيات بنسبه لي الفن انك تفنن في الورق لانو هو بيظهر فنك الحقيقي،قلت ليهو حبيت ،المهم بقيت اتابع شغلو كان بيصمم بيوت خشبيه في الجبال ،قلت ليهو هتعملو مشروع في جبال؟ قال لي اي لاكن ما في السودان في رجل اعمال دير يعمل مشروع والموظفين بيشتغلو عليهو واحلا تلاته تصاميم هيختارهم المدير،قلت ليهو قصدك مجاهد؟قال لي ايوا وبعدين هيبعتو لي الزبون وهو بيختار ،قلت ليهو اهااا بس اكيد حقك هيختارو ماكد،قال لي انشاء الله ،قلت ليهو مجاهد كما اختار يبقى م عندو زوق،ابتسم لي وبعدين قال لي انتي م موظفه هنا صح ،قلت ليهو ايوا عرفت كيف،قال لي اولاً انا بعرف كل الموظفين تانيا بتقولي لي المدير مجاهد حاف كدا 😂،قلت ليهو حتى لو كنت موظفه هقول ليهو مجاهد حاف كدا😂،قال لي باين انك جريئه،قلت ليهو وبكامل الجرائه ،ضحك ضحكه خفيفه وكمل رسم قلت ليهو طيب بالتوفيق م اشغلك عن شغلك ،قال لي م وريتيني بتعملي شنو هنا،قلت ليهو متدربه جامعيه،قال لي اها بالتوفيق،قلت ليهو شكرا ومشيت خطوه وتاني رجعت ليهو وقلت ليهو صحي م وريتني اسمك😂،قال لي مروان،قلت ليهو وانا امل،قال لي اتشرفنا☺️ ،قلت ليهو لي الشرف ومشيت وانا بتمشى في الوكاله فكرت في كلامي القلتو ليهو وبقيت اقول معقوله كنت خفيفه زي دا اخخ المهم شفت موظفين تانين وكسبت معلومات جديده ورجعت  لي مجاهد دخلت ابتسمت ليهو  بس وقعدت قال لي شكلك اتعرفني على مروان،قلت ليهو عرفت كيف،قال يعني ممكن تقولي لاحظت ليكم  ،قلت ليهو ايوا لقيتو انسان مميز ومختلف عن الباقيه وانا بحب الاختلاف،قال لي اممم على العموم دير اقول ليك شفت تصميمك ،قلت ليهو اي تصميم،قال لي القالت ليكي نسرين ترسميهو ،قلت ليهو اهااا،قال لي تحفه بس دير ليهو شويه تعديلات واخترتو انو يكون التصميم حق المشروع الخرطوم،قلت ليهو نعم نعم كيف يعني ،قال لي مالك مستغربه اخترتو عشان يكون التصميم حق المشروع،قلت ليهو بس احتمال في تصاميم تانيه حلوه زي مروان دا موهوب احتمال عندو تصميم حلو ،قال لي اول شي مروان م مسئول عن المشروع دا ثانيًا  انا شفتهم كلهم بس كان اغلبها تقليد وفكر قديمه وفي منها بتاخد مساحه كبيره بس حقت كانت مميزه فاهمه كيف يعني تصميم عماره في مساحه٢٠٠ وكل شقه مختلفه عن التانيه يعني حاجه تحفه وحتى الشقق مصمماها بطريقه مختصره وحلوه،قلت ليهو ادري ادري اني ماهره بس م قلت لي انك اخترتو ،قال لي لانو م حسنت لي فرصه اقول ليك،قلت طيب م مهم اصلا بس م يتزكر اسمي في التصميم قول اي زول صممو،قال لي لي ،قلت ليهو كدا بس م عايزه انشهر،قال لي وواثقه انو الناس هيعجبكم التصميم وهيطلبو منك انك تصميم ليهم صح برافو عجبتني ثقتك،م رديت بس ابتسمت ابتسامه بالجنبه كدا وبديت ازاكر لمن جى زمن استراحه الغدا مجاهد قال لي تحبي تنزلي معي نمشي نتغده ،قلت ليهو م جعانه قلت كلامي بجاي وبطني كركب بجاي😭😭اخ فضحني الله يفضحو😭😂قال لي واضح ورفع حاجبو ،قلت ليهو طيب بلحقك،فعلا ختيت الدفتر الكان في يدي ولحقتو نزلنا ومشينا اتجاه العربيه قلت ليهو هنمشي مكان بعيد يعني قال لي لا هو مطعم قريب هنا ،قلت ليهو بس كدا هنتاخر ،قال لي استراحه الغدا ٤٠ دقيقه م هنتاخر وبعدني انا المدير نسيتي،قلت ليهو بي صوت واطي يعني شنو انت المدير م في النهايه دا شغل ،قال لي احم ،المهم مشيت ركبت العربيه واتحركنا ، عشره دقائق بس ووصلنا نزلنا ودخلنا شفت المانيو كان عندهم بيتزا قلت ليهو انا هطلب بيتزا ،قال لي طيب وانا كمان ،فعلا طلبنا وطبعا انا عمري م اكلت البيتزا بالشوه والسكين طول عمري باكلها بيدي فعلا شلتها بيدي وهو كان بياكل بالشركه والسكين كان شكلي شاذ بس م كنت مهتمه وشويه كدا هو زاتو خت الشوكه والسكين وبقى ياكل بيدو ابتسمت وقلت ليهو البيتزا ما احلها الا لما تتاكل باليد 😅بعد خلصنا طلعنا ورجعنا الوكاله ،بعد ما طلعنا المكتب  اب عضلات قال لي تشربي لاتي،قلت ليهو ممكن،فعلا شال التلفون الارضي واتصل بس مافي رد قال لي مشو وين ديل قلت ليهو خلي انا بجيبو بس بتشرب شنو انت،قال لي بس شاي لو م هتعبك ،قلت ليهو ولو تعب شنو وطلعت وانا م كنت بعرف الكافي تبع الوكاله وين المهم مشت عند مروان سالتو وصف لي شكرتو ومشيت فعلا لقيت زينب ديك بتتكلم بالتلفون وفي نفس الوقت بتعمل في قهوه وبتقول لي زول طيب تمام هجيبو حسي ،قفلت ولفتت علي قلت ليها جيت اعمل شاي ولاتي،قالت لي اها والله انتي الزول الوحيد الاليلا جى عمل شي لي نفسو ياخي زينب زينب التقول ما بيعرفو يعملو شي ياخي بجاي اتصالات وبجاي البينادي هلكت زاتو انا،قلت ليها ههه معليش 😅،وقلت ليها وين مكان اللاتي،وصفت لي وصفت لي مكان الشاي عملتهم وقلت ليها بجي بساعدك لو خلصت بدري ،قالت لي لا م ديره اتعبك مع،قلت ليها ولو تعب شنو ☺️ومشيت جيت افتح الباب م قدرت لاني شايله الصفره قمت دقيت الباب برجلي اب عضلات سمعني وجى فتح لي الباب،ختيت الصفره في التربيزه وشلت اللاتي وبقيت اشرب واراجع حجاتي لمن خلصت اصلا م كان عندي مزاكره كتير قلت لي اب عضلات هرجع بعد شويه و طلعت مشيت لي زينب قلت ليها اها بقدر اساعدك في شنو ،قالت لي والله م بعرف وهي بتقول كدا التلفون رن قلت ليها انا هرد فعلا رديت وكانت نسرين بتقول زينب وينك مش انا قلت ليكي تجيبي لي القهوه دي سريع ،قلت ليها ريلاكس ي بيبي انا م زينب وبعدين بتصرخي كدا مالك،قالت لي انتي مالك وزينب وينها ،قلت ليها زينب مشغوله وما فاضيه،قالت لي قولي ليها تجيب لي قهوتي سريع now وقفلت الخط في وشي ،قلت واي الحقيره،قالت لي ياخي دا المره الخامسه اليلا تطلب قهوه،قلت مالا قال دمها فاير،قالت لي بري م بعرف كدا نودي ليها قبل م تنفجر  ،قلت ليها خلي انا بسوي بتشرب شنو هي،قالت لي بتشرب اسبرسو ،قلت ليها اها ووين علبتو قالت لي افتحي الدرج الجنبك دا فتحتو لقيت انواع واشكال من القهوه ،طلعت الاسبرسو وقلت ليها الشركه بتوفر ليكم كل انواع القهوه دي ،قالت لي لا م كلها الشاي والقهوه العاديه ديل بيكونو اوردي قاعدين من الشركه يعني لاكن لو في زول بيشرب شي معين بيشتريها وبيختو هنا ،قلت ليها طيب دا حق نسرين يعني،قالت لي اي الاسبرسو الوحيد الفي الشركه اصلا مافي زول بيشربو غيرها،قلت ليها امم ،قالت لي هي م بتشربه بي سكر تمام سادة ،قلت ليها طيب،هي بقت تعمل في قهوه تاني وانا بقيت اعمل لي نسرين قمت قلت في راسي لي م اادبها شويه واعلمها انو لما تجي تطلب من زول تطلب بادب قمت فتحت الدرج لقيت سكر وجنبو داك تقريب ملح سالت زينب عشان اتاكد قلت ليها الملح بيعمل شنو هنا،قالت لي مروان بيشرب القهوه بالملح،قلت في راسي مميز وبيشبه جيفارا ،المهم ختيت ليها ملح في الاسبرسو وختيتو في صفره وشلتو وجيت طالعه رجعت وقلت لي زينب مش قلتي لي اي زول بيشتري قهوتى براهو طيب انتي قاعده تعملي لي اللاتي من حق منو ،قالت لي لا المدير اشتري ليكي واحد ،قلت لها اهااا المهم طلعت وصلت كانت شغاله باللاب توب فتحت الباب ودخلت قبل م تشوفني وتتاكد انا منو قالت لي كل التاخير دا شنو ،قلت ليها احم، رفعت راسها شافتني قالت لي اشتغلتي بدال زينب يعني ،قلت ليها لا. بس ممكن تقولي بساعدها ختيت ليها قهوتها وجيت طالعه قالت لي صحي م وريتيني انتي بت اي خاله لي مجاهد ،لفت ليها قامت كملت كلامها وقالت لاني بعرف كل اسرتو يعني حتى لو م كنتي بتطلعي كتير او بتجيهم كتير كنت على الاقل هشوفك في افتتاح الشركه او الحفلات البيعملوها بس انا ولا مرا شفتك،قلت ليها يعني انتي بتعرفي اهل مجاهد كلهم،قالت لي ايوا،قلت خليني اقول ليا واريح نفسي قلت ليها ي ستي انا م بت خالتو يعني بس امي صحبت خالتو مها فاهمه كيف،قالت لي وكيف عايشه معاهم اهلك وين،هنا دنقرت راسي وبعد مسافه قلت ليها اهلي متوفيين،وقفت وجات جنبي وقالت لي اسفه م كان قصدي ازعجك ،قلت لها لا مافي مشكله وطلعت من المكتب مشيت غرفه الارشيف حقت الشركه وكانت فاضيه كل العاده قعدت في ركن كدا في مسند وبقيت ابكي 💔وفكرت بجد اهلي وين يعني بعرف انو ماما وبابا في رحمه الله بس باقي اهلي وين يعني اكيد م مقطوعه من شجره انا اكيد عندي خال وعمه وحبوبه وجد ،وانا قاعده ابكي وبفكر ،سمعت خطوات زول رفعت راسي القى دا مجاهد،قال لي ي ساتر مالك وجى قعد قدامي ،م اتكلمت وكملت بكي،قال لي امل منو المزعلك احكي لي،قلت ليهو اهلي وين ي مجاهد،قال لي امل انتي بتعرفي انهم في رحمه الله،قاطعتو وقلت ليهو م بقصد ماما وبابا قصدي اهلي الباقيين وين حبوبتي جدي اعمامي وخالاتي وينهم معقوله انا مقطوعه من شجره،قال لي لا م تقولي كدا،قلت ليهو انت بتعرف هم منو وساكنين وين صح ،سكت م رد لي ودنقر راسو،قلت ليهو مجاهد انت بتعرف صح عليك الله قول لي ساكنين وين ياخي عايزه احسن اني عندي اسره م مشرده،قاطعني وقال لي بس نحنا اسرتك كمان،قلت ليهو بس دا م بيكفي ،عاين لي كدا وبعدين قال لي اي صح شوفي انا وعدت امي اني م اقول ليكي حرف بس بصوم تلات ايام عشانك شوفي انتي بتعرفي اسم جدك صح،قلت ليهو ايوا لاكن م اسم العيله كامل بعرف بس اسمي امل عبدالعزيز محمد ،قال لي طيب انا م متركز بالظبط اسم جدك الكامل وامي م ورتني المكان الساكنين فيهو،قلت ليهو طيب  امي،قال لي لو م رحلو بيكونو للان ساكنين جنب بيت ناس جدي الله يرحمو،قلت ليهو يعني بتعرف المكان،قال لي هو بيت ناس امي من جدي وحبوبتي ماتو تاني مافي زول مشى ليهو يمكن الي اكتر من سبعه سنه م مشيت الحله ديك،قلت ليهو طيب اول خلنا نفتش اهل بابا ولما نرجع حاول جيب معلومات من خالتو،قال لي دا صعب لاكن بحاول،من غير ما احس ضميتو وقلت ليهو شكرا على كل شي❤️✨،قال لي ولو طيب نرجع البيت حسي ،قلت ليهو طيب فعلا طلعنا ورجعنا البيت طلعت غرفتي واسترحت وبعدين ندا جات نادتني عشان اتغدا. قلت ليها اتغديت برا انا ،قالت لي طيب هي نزلت ومجاهد كان في غرفتو وخالتو وندا تحت بيتغدى طوالي مشيت لي اب عضلات دخلت وقفلت الباب قلت ليهو اتكلمت مع خالتو،قال لي لسه ،قلت ليهو طيب سرع عليك الله ،قال لي اهدي م اي تعجلي الاستعجال م كويس وبعدين عندي لك خبر حلو ،اتزكرت اسم جدك بالكامل،قلت ليهو جدد ياخي اموت في ام الزاكرى انا اها منو ،قال لي محمد عثمان ،قلت ليهو يعني عائلتي اسمها عيله عثمان هه واوو احساس حلو كيف اول مره ااعرف اسم عيلتي 😭😂،قال لي خليكي قاعده تضحكي دائمآ كدا لانو الضحكه م بتجي الا فيكي✨،طبعا خجلت وم عرفت اقول شنو قلت ليهو طيب نبدا تفتيش من بكرا،قال لي امم طيب ،قلت ليهو طيب بكرا بعد الجامعه لو م هشغلك عن شغلك،قال لي لا عادي اصلا اليومين ديل فاضي م عندي شغل كتير،قلت ليهو طيب تمام لي بكرا،قال لي تمام ،طلعت وقفلت الباب وراي ومشيت غرفتي وانا بنطت من الفرح كان شكلي زي شافع قالو ليها هنوديكي الملاهي بكرا كنت مستنيه بكرا دي بفارغ الصبر ...
صحيت تاني يوم هو اصلا انا نمت طول الليل صاحيه وبفكر اذا اسرتي هتستقبلني ،نزلت تحت وخالتو وقتها م صحت فعملت الفطور واب عضلات نزل وقعدنا بنفطر قال لي ندا م ماشه الجامعه اليلا،قلت ليهو اليلا محاضرتها بتبدا الساعه ١١ ،قال لي اهااا طيب اوصلك معنها مش احسن ليك من الترحيل،قلت ليهو امم طيب اذا م فيها تعب،قال لي تعب شنو ،،انا كنت جاهزه اصلا بعد فطرنا وطلعنا ركبنا العربيه ونحنا في الطريق قال لي مش بيكون احسن لو بدينا البحث بعد م تخلصي امتحانات،قلت ليهو لا مافي مشكله،قال لي بس كدا هيأثر على دراستك هتكوني مشغوله وبعدين فضل يومين بس على الامتحان صح،قلت ليهو ايوا،قال لي طيب انتي حسي ركزي على دراستك وانا بحاول اجمع معلومات عن مكان سكنهم تمام ولما تخلصي بوديكي ليهم لو لقيت العنوان،عاينت ليهو كدا وبعدين قلت ليهو طيب تمام ،فعلا وصلت الجامعه ودعتو ونزلت دخلت الجامعه وبدا المحاضرة وبعد و خلصت  محاضرتين وبعدين مشيت كافيتريا الجامعه لقيت شلتي هناك وحكيت ليهم اني بفتش على اهلي قلت يمكن يقدرو يساعدوني ،صفاء قالت لي اسم امك بالكامل شنو ،قلت ليها م بعرف،ريل قالت لي كيف م بتعرفي،قلت ليها يوم م شفت بطاقتها بس بعرف اسمها مياسم احمد ومحبوبتي اسمها مريم،سهى قالت لي دا كلام شنو دا يخوانا،صفاء قالت لي بسال ليكي امي لو بتعرف زول بالاسم دا ،قلت ليها م اظن تعرفها لانو لو بتعرفها بتكون خالتو مها بتعرف امك و انتي جيتينا كتير فيا اما انتي هتعرفي خالتو مها ي خالتو هي الهتعرف بس برضو اسالي عليك الله،سامي قال لي وقلت لي جدك اسمو منو ،قلت ليهو محمد عثمان،قال لي والله الاسم دا م غرب علي طيب عندو حفيد اسمو منير ،قلت ليهو سامي انا م بعرف اي شي عنهم وحتى اسم جدي زاتو عرفتو من مجاهد،قال لي م بعرف بس عندي صحبي منير اسمو منير ياسر محمد عثمان ،قلت ليهو طيب اسالو اذا عندو عم اسمو عبد العزيز احتمال يطلع ولد عمي منو بيعرف بقيت اتوقع اي زول ممكن انت تطلع ود خالتي وانا م بعرف  ، ضحك وقال لي طيب بسالو ليك ....المهم بعد خلصت محاضرات م حبيت ادق لي مجاهد واعطلو  عن شغلو زياده لي انو انا مخليهو يفتش معي على اهلي المهم ركبت الموصلات ومشيت الوكاله وقبل م امشي مكتب مجاهد قلت امشي اعمل لي لاتي بالاول فعلا مشيت الكافي هو شكل مطبخ كدا يعني م كافي حته صغيره ،المهم لقيت زينب بتعمل في شاي قلت ليها Hi،قالت لي اهلين  ي بت دا شنو العملتي امبارح وبقت تضحك،قلت ليها شنو😂،قالت لي كبيتي ملح في قهوه نسرين لي ياخي جات تصرخ وشويه وتنفجر ،قلت ليها تستاهل عشان تتعلم تطلب من الزول بادب ،قالت لي كعبه لاكن 😂،(طبعا زينب دي بت صغيره في حدود ١٧او١٨)المهم عملت اللاتي حقي وجيت طالعه قالت لي مش ماشه مكتب مجاهد،قلت ليها ايوا،قالت لي عليك الله ادي دي لي مروان في طريقك ،قلت ليها طيب ،قالت لي معليش تعبتك معي،قلت ليها تعب شنو ي بت شلتو واتحركت لمن وصلت مكتب مروان ختيتو ليهو في الطربيزه وقلت ليهو مساء الخير،قال لي مساء النور وشكرا على الشاي،قلت ليهو ولو اها اخبارك شنو خلصت التصميم ،قال لي والله اهو شغال فيهو لسه لاكن احتمال اخلصو اليلا،قلت ليهو اوكي حلو وبالتوفيق ،وجيت ماشه بعدين رجعت وقلت ليهو بتشرب قهوه بالملح برضو،قال لي ايوا 😂بيقولو علي متخلف ،قلت ليهو لا ابدا بالعكس هم المتخلفين م بيعرفو يعني شنو اختلاف وخلي دائما في بالك آنك مميز،قال لي شكرا على المجامله دي 😊،قلت ليهو دي م مجامله دي حقيقه🌞✨،ومشيت خليتو دخلت مكتب اب عضلات وقلت ليهو مساااااء الخير،قال لي هلا شنو اليلا الهرمونات عاليه ،قلت ليهو ايوا ،قال لي لي في شنو فرحينا معك،قلت ليهو م بعرف تلقائي كدا ،قال لي انشالله دايما ،ابتسمت ليهو وعقدت وبقيت ازاكر لمن مليت ف بقيت الف في المكتب وانا بقرا في الشيت واب عضلات كان شغال على تصميم امبارح جيت وقفت واتكيت في المكتب وراهو وهو قدامي وبرسم بقيت اعاين لي التصميم قلت ليهو cool،قال لي من زوقك 😊،تاني بقيت الف مليت شديد ونفس الحجات زاكرتها الف مره قلت ارسم تصميم بس م كان معي اللاب حقي فقلت لي مجاهد ممكن استخدم اللاب توب حقك عشان ارسم بيهو ،قال لي اكيد ،شالو فتحو لي واداني ليهو شلتو وكنت قاعده في مكتب اب عضلات وهو قاعد في ركن بيرسم ،المهم بقيت ارسم في تصميم بيت احلامي الهو يكون كوخ خشبي صغير في الجبل يوسع شخصين وبعد خلصت حفظتو في ملف وكتبت اسمي فيهو م بعرف لي وبعدين طلعت وبقيت الف في الشركه لمن زمن الدوام خلص ورجعنا البيت ......