الباتروس

الباتروس 5

*#الباتروس _ 《05》*

*By:Black Moon🖤*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​ ‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​                                          5

بعد عملت اللاتبه جيت قعدت وبقيت اسمع لي خالتو مها، قالت لي انا وامك اتولدنا في حي متواضع من قمنا مع بعض دخلنا المدرسه سواء والثانويه كمان وحتى الجامعه ولما كنا صغار من شقاوتنا الحله كلها بتشكي مننا، قلت ليها بس ابدا م باين عليكم لا انتي ولا ماما، قالت لي اي بعد كبرنا عقلنا وبقينا هاديات، قلت في نفسي وانا البقول طالعه لي منو ماما في صغرها كانت ما هيته ، قلت لي خالتو مها طيب كملي، قالت لي متزكره مره كان من المدرسه مشينا الترعه والحله كلها قلبت تفتش فينا ونحنا بنلعب ولما رجعنا تقريبا لي المغرب كدا ياخي دقونه جنس دق لي حسي  جسمي بيوجعني 😂 ، قلت ليها مغامرات لاكن 😂اها وتاني، قالت لي والله خالتك راسها ملينا عشان كدا نسيت نص زكرياتنا، قلت ليها اي والله لاكن الدقه م نسيتيها 😂😂، قالت لي هي بتتنسي 😂😂😭😂، حاولت استدرجها لي م نوصل ي حتت بابا وماما اتعرفو كيف بس م ظبطت بس الشي الوحيد العرفتو انو ماما اسرتها ما من الاسر البرجوازية ديل على قد حالتهم، بعد ونسه طويله اتزكرت ماما وبابا م اتصلت عليهم ولا سالت عنهم، قلت لي ندا ندا عليك الله لو عندك شريحه زياده اديني وحده لغايد م اشتري لي لاني عايزه اكلم ماما وبابا، قالت لي والله انا م عندي بس مجاهد عندو حوالي تلاته، خالتو مها قالت لي دقيقه اقول ليهو يديكي واحده، هي قالت كلامها دا بجاي وهو جى نزل بجاي وشكلو كان طالع مشوار، نادتو وقالت ليهو ادي امل شريحه لغايد م تشتري ليها واحده، قال ليها ي امي انا شرايحي كلها عايزهم وضروريه، قالت ليهو ي ولد م هم كم يوم بس، قال ليها م بقدر في حقى الشغل وفي حقي الخاص م عندي تاني انا، قالت ليهو اديها بتاع الشغل طيب، قال ليها امي انتي عايزة تفلسي بي مستحيل طبعا، ندا قالت ليهو طيب م تسوقى وامشي اشتري ليها مدام انت كدا كدا طالع، عاينت لي ندا، عملت لي خ ركه بمعنى مالك فيها شنو، خالتو مها قالت ليهو اي امشي اشتري ليها الشريحه ورجعها وبعدين امشي مكان الماشي، حسيت انو لازم اتكلم وقلت ليهم مافي داعي ي جماعه لي كل دا بتكلم مع ماما وبابا بي اي تلفون هنا بس الشغله م مستاهله، اب عضلات قل ليهم شفتو هي زاتها قالتها بي ليسانها يلا عن ازنكم وطلع، طبعا حرجني لانو كلامي دا مجامله طبعا محتاجه شريحه م بقدر كل مره اشيل تلفون زول عشان اتصال مع زول، خالتو مها قالت لي غايتو ي بتي الولد دا حيرني عنيد خلاص حسي لو  ساقك واشتر ليكي الشريحه فيها شنو، قلت ليها خالتو هو شي م مستاهل ممكن اتكلم معاهم بي تلفونك او تلفون ندا يعني ايزي، قالت لي طيب ي بتي ولو ديره تتكلمي معاها حسي امسكي اهو التلفون.. ومدت لي تلفونها.. شلتو وقلت ليها شكرا.. اول م مسكتو لقيت ماما بتتصل، رديت عليها بكل شوق سلمت عليها وعلى بابا، وبعدين ماما قالت ديره تتكلم مع خالتو مها اديتها التلفون وماما قعدت تتونس مع خالتو مها، وندا كانت في غرفتها طلعت الحديقه لقيت الراجل الكبير في السنه الفتح لي الباب امبارح بليل سلمت عليهو ولقيت جلسات خاتنها قعدت فيها وبقيت بتامل في الاشجار والورود الحوالي واتزكر اسمائهم وبعدين لقيت انهم زارعين زهره الياسمين وكم زهره تانيين حبيت الالوان بتاعين الزهور واندمجت مع الجو لي ما جاتني ندا وقالت لي مسترخيه اا، قلت ليها اي الجو هنا فظيع بزات الزهور، قالت لي بتحبيهم ولا شنو، قلت ليها قولي لي اي نوع م بتعرفيهو 😂، قالت لي ماشاء الله ♥حتى امي بتحبهم وبتهتم فيهم، قلت ليها اذاً في شي مشترك بيناتنا، قالت لي باين كدا، قلت ليها ندا م تجي نطلع مشوار فسحيني، قالت لي جيتي عند الزول الغلط 😂 انا بطلع في السنه مره، قلت ليها لي يعني لازم تطلعي وتغيري جو لو مع اصحابك شلتك  ولا م عندك شله كمان، قالت لي عندي صحبتي وحده بس اسمها مرام، قلت ليهاwhat!! يعني ديره تقنعيني انك مصاحبه انسانه وحده بس، قالت لي اي لاني م بثق بي زول او بالاصح مجاهد، قلت ايها لحظه كيف يعني مفهمت، قالت لي انسي مش قلت ديره تطلعي تعالي نمشي نجيب اندومي من الدكان هنا قريب، قلت ليها بس دي م طلعه، قالت لي لا طلعه وكدا هتكوني عرفتي الحي قومي يلا، قلت ليها طيب م حنك، قالت لي اتعلمتيها وين دي 😂ما تقولي لي من المطار 😂، قلت ليها لا من صفاء🙂، قالت لي دي منو صفاء دي، قلت ليها بحكي ليكي في الطريق يلا ارح، قالت لي طيب بس اطلع البس عبايتي وارجع اجيب ليكي عبايه معي، قلت ليها لي لبسي دا مالو، قالت لي امل انتي لابسه بجامه، قلت ليها اوكي اوكي عرفنا اني في السودان طيب جيبيها معاكي، هي طلعت وانا استنيتها لمن جات لبست العبايه ولفحت الطرحه وانا م متعوده عليها وبقيت امشي كيف كيف ، المهم ونحنا في الطريق ندا قالت لي اها وصفاء دي منو،قلت ليها وحده اتعرفت عليها في جرب او شله بالاصح واتفقنا لما انزل السودان نطلع كل بعد فتره سواء، قالت لي وانتي اي زول بتصاحبهو عبر النت بتطلعي معاهو كدا عادي، قلت ليها اي عادي، قالت لي لا م عادي، قلت ليها م عادي بالنسبه ليكي، قالت لي يمكن لاني م بصاحب اي زول وكدا، قلت ليها ي بت لي م تصاحبي ديره اعرف الزول الماسكك شنو م ضروري يكونو من عبر النت صاحبي المعاكي في الجامعه او المعاكي في الحله الحياه بنعيشها مره وحده بس، قالت لي بس م كل ناس اولاد حلال، قلت ليها في دي معاكي حق بس انتي البتختاري يعني لو لقيتي الزوله المصاحبها دي عملت حركه كدا ولا كدا م عجبتك طوالي اختيها، قالت لي ي بت انتي انا حاساكي عايشه في السودان دا سنين قبيل قلت لي م هنك وحسي اختيها، قلت ليها والله صفاء وسامي ديل بس العلموني 😂، قالت لي اها وسامي دا منو كمان، قلت ليها من ضمن الشله برضو، قالت لي اها.. وصلنا الدكان وكان صاحب الدكان راجل عجوز كداا وانا كعادتي بحب العجايز وكنت ديره اقعد واتونس معاهو 😂بس ندا كانت مستعجله واتمنيت لو كنت شلت كمرتي عشان اصورو بس قلت م مشكله اصلا هجي دكانو كتير، ونحنا راجعين قلت ليها على فكره حلتكم حلوه وتصاميم بيوتها حلوه، قالت لي اي صح حلوه بس كئيبه وناسه مفتريين وعاملين نفسهم مافي زيهم، قلت ليها اي والله الناس الزي ديل بستفزوني استفزاز م جني ال الافتراء ما بعرف بيفترو على شنوا، قالت لي وحتى في بنات كتار في سني ساكنين جنبنا بس اي وحده مفتريه اكتر من التانيه ولي عشره سنين او اكتر ساكنه في البيت دا بس مافي ولا مره ساي جوني، قلت ليها اها وصحبتك مرام ساكنه وين، قالت لي مرام دي في دنيا تانيه بعيده مني شديد، قلت ليها يعني بتتلاقو وين، قالت لي في الجامعه وبعد مرات بتجينا مع امها ومهند، قلت ليها مهند اخوها؟؟, قالت لي انا م وريتك يعني 😂، قلت ليها ابداً، قالت لي يلا انا وهي اتصاحبنا بمعرفت مجاهد بي مهند، قلت ليها ااا.. وصلنا البيت وبعدين دخلنا عملنا الاندومي طبعا الشي الوحيد البعرف اعملو بعد خلصنا طلعنا الصالون، قلت لي ندا ندا عندكم سيديهات افلام، قالت لي بري مافي زول في بيتنا بيحضر افلام، قلت ليها عشان كدا بيتكم كئيب كدا.. طبعا خالتو مها كانت نايمه واب عضلات مافيش قعدت اقلب في القنوات لغايد م جبت امبيسي 2 كان شغال فلم بس م عرفتو قعدت اتبع فيهو وندا مره مع الفلم ومره مع التلفون لغايد م اب عضلات جى داخل  ، قال لينا السلام عليكم، قلنا ليهو وعليكم السلام جى علينا ومن طولو رمى كيس صغير في التربيزه قدامي وقال لي دي الشريحه وطلع غرفتو، ندا قالت لي م تضايقي دي تصرفاتو احيانن بقول ليهو ملك الجليد😂، قلت ليها ابدا م اتضايقت بالعكس بس سجل الشريحه ببيانات منو؟ قالت لي اكيد ببيانتو، قلت م مهم شلت الكيس وطلعت الشريحه وركبتها وكان فيها رصيد فتحت النت وكميه المسجات النزلت لي واكترها من سهى لانها هي الوحيده العارفه انا جايه، اتصلت عليها وقلت اعمل فيها مقلب بعد كم رنه بعد داك ردت،قلت ليها معي الانسه سهى حسين،قالت لي ايوا منو معي،قلت لها  معاكي امل عبد العزيز من الخرطوم،صرخت وقالت لي وايي امل ي سجم وينك قطعتي لي قلبي م على اساس توصلي امبارح بليل،قلت ليها دقيقه خليكي معي قلت لي ندا عن ازنك وطلعت غرفتي وقلت ليها ي بت م كان عندي شريحه وامبارح لما جيت بليل كنت تعبانه وتلفوني قافل واليلا صحيت الساعه 1 ومع الونس مع ناس البيت نسيتك،قالت لي سجم اصلا بتنسيني اها نزلتي وين في اي منطقه،قلت ليها والله البعرف انا في بيت ناسو كلو ظراف الا زول كدا نافخ ريشو،قالت لي ماشاءالله كدا انتي وصفتي لي مكان برافو امل،قلت ليها ي بت انا يداب اول يوم لي اعرف انا وين كيف،قالت لي ي زوله اسالي اي زول جنبك وانا بجيك طوالي او ابعتي لي الا وكيشن،قلت ليها طيب ببعت ليكي،بعت ليها وقالت لي في بحري انتي،قلت ليها اها يعني بعيده منك،قالت لي يعني م زي داك بس ريل ساكنه بحري برضو للمعلومه،قلت ليها جد يعني قريبه مني،قالت لي اي كلميها وهي هتعرف انتي وين بظبط وانا لازم اليلا اشوفك،قلت ليها حبيبتي والله حتى انا بس م حلوه من اول يوم اطلع خليها لي بكره،قالت لي والله التشوفيهو بس خلي في بالك بكره الساعه اربع بتصل عليكي وبتبع اللوكيشن لمن اوصلك،قلت ليها طيب تمام بس لسه م تكلمي الشله كلميهم وقولي ليهم نجتمع في مطعم او اي مكان وبعدين انا وانتي نوصل اخر ناس وبعدين هوبه سبرايز 😂،قالت لي فكره حلوه برضو متحمسه اشوف تعابير وشهم 😂،قلت ليها طيب ي زوله لي بكره عايزه اكلم ماما شويه،قالت لي طيب تمام بس برجع ليكي بليل وديراكي تحكي لي عن النافخ ريشو دا،قلت ليها يعني رجعتي بي الحوار لمن ركزتي في حتت نافخ ريشو،قالت لي امال انا حجات زي دي م بتفوتني 😂 ،قلت ليها اصلا م بتفوتك يلا لي بعدين...قفلت منها واتصلت على ماما،اول م ردت قالت لي بتي الفاقدناها،قلت ليها فاقدني ولا ماخدين راحتكم على اخر مافي ازعاج ايام يااا،بابا جى داخل في المكالمه وقال لي لوو تعرفي البيت مسيخ من غيريك كيف، قلت ليهم اي طلصو طلصو......قعدت اتونس معاهم كدا وبعد وقت الهظار انتهاء حسيت بجد اني فاقداهم.. المهم وانا بتكلم معاكم جات ندا نادتني لي الغدا قفلت من ماما ونزلت كانو راصين الاكل قلت لي خالتو مها لي م ناديتوني عشان اساعدكم،خالتو مها قالت لي هو وين الشي الدير ليهو مساعده وبعدين انتي تعب السفر لسه م راح منك خلي يروح بعد داك..قعدنا واب عضلات جى قعد وبدينا ناكل وهو يحمر لي وانا احمر ليهو م بعرف لي بس يمكن من رشاش الفلفل ولما اتزكرت الموقف وضحت وفجاه احس  بشرق  وم حسيت تاني الا والرز طالع من انافي 😭😭😭😭😭💔😭ياخي كانت محرجه جنس احراج م انو بتحصل معي كتير بس م قدام المجتمع كدا عادتاً بكون بحضر في فلم  وباكل ف بتحصل معي 😭💔جريت دخلت الحمام غسلت وشي وندا لحقتني بي كبايه مويه شربتها وبعدين طلعت غرفتي طوالي واي اودي وشي وين اهخ😭💔بزات قدام المستفز داك  والمشكله م هنا المشكله اني ضيفه اي انا عشوئيه بس م في بيت الناس م بعرف جات كيف دي😭 المهم نمت وانا محرجه......