الباتروس

الباتروس 25

​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏*الباتروس _ 《25》*

*By:Black Moon🖤*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​ ‏​​‏​​‏​​‏​​‏​​‏
                                     25

عدا شهرين في خلال الشهرين دي حصلت مشاكل كتير بين مجاهد وابوهو ،هو ابداً م عايزو يدخل بيتو وبيقول ليهو نحنا م عايزين نشوفك بتجي لي شنو وقال ليهو لو عشان مرتك هتطلقها حسي ،خالتو مها م كانت خاته في بالها فكره الطلاق بس عشان تريح راسها من الجوطه اليوميه ديك وافقت بس ابوهم رفض قامو لجئو للقانون ومحاكم وكلام كتير بعد داك اطلقو وابوهم استقرا مع مرتو وعيالو في السودان اما انا في خلال الشهرين ديل كنت بمشي كل يوم جمعه لي ناس حبوبه مريم وببيت معاهم وبرجع يوم السبت عشان الاحد عندي جامعه ،اما اهل ابوي دلاك بمشي ليهم بعد شهر بتم معاهم يوم يومين وبرجع بس عشان م اكون مقصره في حقهم ،وفي خلال الشهرين دي كمان علاقتي مع اب عضلات كويسه يعني دايما بنفضفض لي بعض وكدا يعني شبه اصحاب مقربين المهم بعد الشهرين دي حالتو استقرت شويه ابوهو بقى م بيجي وهو شغال في شغلو وانا حبيت الشركه والموظفين ف كملت التدريب يعني بقيت زي الموظفه بس دوامي بعد م اخلص محاضراتي المهم في يوم مشيت الوكاله ومشيت مكتب اب عضلات لقيتو مروق ،قلت ليهو دا شنو سبب الروقان دا،قام من المكتب وجى عندي وقال لي يمكن تقولي هرومانات عاليه ،قلت ليهو والسبب🌞،قال لي م بعرف بس نصو انو في رجل اعمال كبير عايش في ايطاليا هو سوداني المهم اتكلمنا مع مدير اعمالو وقال عايز يستسمر في السودان وسلمنا المشروع،قلت ليهو حلوو م انا بقول شنو المخلي اب عضلات مروق زي دا ،قال لي بس دا م كل شي،قلت ليهو وفي شنو تاني ،قال لي احم الشي دا بيخصك وبيخصني ،قلت ليهو امم شوقتني احكي طيب ،قرب مني وكان دير يتكلم كدا نسرين جات جاريه وبتنادي مجاهد مجاهد ،قلت في سري اخخ البت دي دائما بتجي في الوقت الما مناسب ،اب عضلات قال ليها في شنو ي نسرين في شنو،قالت ليهو استاذ عاطف نازل السودان اليلا وممكن يوصل في اي لحظه،قال ليها طيب اهلا وسهلا نعمل شنو يعني امشي اجيبو من المطار،قالت ليهو اي خليك في برودك دا لمن اكبر زبون عندنا يطير ،قال ليها طيب ي نسرين اعمل شنو انا هو هينزل السودان اوكي تمام وبعدين،قالت ليهو وبعدين هيجانا على الشركه طوالي،،،بطريقه كدا حقت سخف يعني يا سخيف هيجينا على الشركه على طول ،،قال ليها كيف يعني بس هم م قالو لينا،قالت ليهو م هو من قبيل انا منفعله لي عشان متشوقه اشوفو يعني م عشان المصيبه دي ،قال ليها طيب اهدي بس بروضو مافي مشكله خلي يجي المشكله وين مش نحنا فاضيين وم عندنا اي اجتماعات،نسرين وقفت وبقت تعاين ليهو وبعدين صرخت ااااا مجاهد برودك دا هيقتلني وصرخت تاني وطلعت من المكتب وقفلت الباب تاخخخ،انا هنا فكيت الضحكه الكنت كاتماها بالعافيه 😭😭😂😂ياخي منظرها كان فظيع عندها عصبيه كدا ،قلت ليهو دي مالا قال منفعله كدا،قال لي كل م يجينا زبون مهم بتكون حالتها كدا وعايزه كل الناس تكون عندهم نفس رد الفعل😂،قلت ليهو غريبه في نوعها،قال لي اي بس مهمه المهم برجع ليك بعدين وبنخلص حديثنا ،حسي همشي اهديها لانو هتقوم القيامه في الشركه كما هديتك ،قلت ليهو طيب بعد م طلع قلت م عرفت هي المديره ولا اب عضلات ياخي فظيعه ،بقيت اتزكر صراخها وبرود اب عضلات واضحك ، بعدين قعدت اشوف في شيتاتي لي مده نص ساعه كدا واب عضلات لسه ما جى قلت اطلع اشوف الحاصل شنو طلعت من المكتب لقيت اغلب الموظفين مافيشين مشيت وبقيت الف لمن لمحت اب عضلات في غرفه الاجتماعات دخلت لقيت كل الشركه في المكتب لما دخلت كلهم بقو يعاينو لي ،قلت ليهم ابسس سوري ،اب عضلات قال لي تعالي تعالي فعلا دخلت ووقفت جنبو ،وهو بقى يتكلم معاهم عن الزبون عاطف داك وبيقول ليهم انو زبون مهم وهنطور شركتنا وفرع الامارات لو ربحنا المشروع دا ولخخخخ كلام كتير واغلبو م فهمتو لمن بعدين قال ليهم الاجتماع أنتهاء ،قامو كل الموظفين طلعو بس نسرين وريم كانو بيلمو في اوراق قام اب عضلات لفت علي ،،هو كان قريب مني شديد،،،قام قال لي قبل كل الدرامه دي كنا بنقول شنو،وهو بيقول لي الكلام دا ومبتسم قامت نسرين قالت ليهو احمم مجاهد في مصيبه اكبر م اتكلمنا عنها،لفت عليها براحه وقال لي نسرين هو ما فضل مصيبه م وقعت في رؤسنا في شنو تاني،قالت ليهو لو جو هنقدم ليهم شنو يعني م معنا ولا نموذج عشان نديهم مثال ولا اي فكره ولا اعلان ساي،قال ليها بس هم لسه م سلمونا الشغل اصلا عشان نديهم نموذج شوفي نسرين انتي اولا لازم تهدي اي صح الزبون مهم بس م اهم من راحتك تمام يلا استرخي وخليكي واثقه من نفسك زي زمان تمام،شدت اكتافها وقالت ايهو اصلا واثقه من نفسي دائما ،قال ليها ايوا كدا دي نسرين البعرفها المهم طلعت هي وريم ،قلت ليهو منفصله شخصيه،قال لي كيف،قلت ليهو انسى اها كنت هتقول شنو،قال لي في شي عايز اقولو ليك يمكن المكان والوقت م مناسب بس كل مرا م ...قاطعنا واحد بيقول يا باش مهندس في شي عايز رايك فيهو ،قال ليهو يا الله دا وقتك دير شنو،قال ليهو اسف لو ازعجتكم ،بس في شي مهم لازم ناخد رأيك فيهو ،قال ليهو اها شنو،قال ليهو في المكتب ممكن تجي معي ،قال لي برجع ليكي وطلع معاهو ،انا بتكلم مع نفسي وبقول اخ الشركه كلهم مزعجين م بيعرفو يجو في الوقت المناسب،سمعت صوت زول بيقول لي منو الما بيجي في الوقت المناسب ،لفت لقيت دي زينب،قلت ليها ههه ولا زول😅،قالت لي مالك بتتكلمي مع نفسك،قلت ليها ساي بس ،قال لي ااا وجات بقت بتنظف وترتب في غرفه الاجتماعات قلت ليها خليني اساعدك اصلا م عندي شي اعملو فعلا بقيت اساعدها انا برفع في الحجات وهي بتنظف قلت ليها صحي كنت ديره اسالك ي زينب،قالت لي شنو،قلت ليها م تزعلي تمام،قالت لي هو شنو اصلا عشان ازعل منو ،قلت ليها اممم يعني انتي بت صغيره شنو البيخليكي تشتغلي هنا،ضحكت ضحكه خفيفه وقالت لي حسي ما تستغربي لو شفتيني زمان كنتي هتقولي شنو،قلت ليها كيف يعني ،قالت لي ي ستي انا كنت شغاله ست شاي ببيع شاي في شارع النيل في الاسواق يعني بتعرف ستات الشاي انا كنت منهم وفي يوم كنت ببيع شاي في شارع النيل جو اولاد بقو يضايقو فيني ويقولو كلام م ياهو قام جى واحد جى عند اضاني وقال لي كلام مستحيل زول عاقل يقولو قمت وقفت وبقيت اصرخ فيهو واقول ليهم امشو من هنا وببكي من الكلام القالو لي بجد يعني كرهت نفسي وقتها قام اخوي مجاهد جى وقف بعربيتو واتشاكل مع الاولاد دلاك لمن مشو بعدين قال لي انتي البيقعدك هنا تبيعي شاي شنو،قلت ليهودي الظروف ،المهم قال لي لملمي حجانك دي وراح معي ،كنت خايفه في الاول بس م كان عندي حل تاني كل الناس بيعاينو لي والاولاد دلاك واقفين بعيد مستنينو يمشي ،فعلا ركبت معاهو قام قال لي ساكنه وين انتي وصفت ليهو بيتنا وصلني ونزل حجات وبعدين اداني كرت الشركه فيهو رقمو ومكان الشركه قال لي بكره تجيني على العنوان دا ،سالتو لي قال لي عايزه تخلي الشغله دي ولا لا ،قلت ليهو اي ،قال لي طيب تعالي هتلاقي شغل احسن،وفعلا جيت ووظفني هنا بودي الشاي لي الموظفين وبرتب المكاتب وكدا يعني لو تعرفي بس قدم لي معروف قدر شنو وعشان كدا بقول ليهو اخوي مجاهد لانو بيعتبرني زي اختو الصغيره وانا بعتبرو زي اخوي الكبير ،طبعا هنا اب عضلات كبر في نظري اكتر ،قلت ليها واهلك وين،قالت لي امي وابوي متوفين عايشه مع حبوبتي ،قلت ليها ربنا يرحمهم ،طيب م قاعده تدرسي يعني،قالت لي اخ ي امل كيف دراسه واشغل في نفس الوقت مجاهد قال لي انزل المدرسه وهو هيخلي دوامي بعد المدرسه وفعلا كنت بقرا تالته وم قدرت اشتغل واقرا سوى ف سبت المدرسه ،طبعا حننتني وخلتني احمد ربي الف مره على العيشه العايشه واني م مريت بي ظروف زي دي(احمد ربك على لقمه العيش القاعد تاكلها دي لانو في غيرك م لاقيها ) قعدنا واتونسنا وبعد م رتبنا المكتب كلو لمن بخرنا بالنت وبعدين طلعنا لقيت اب عضلات جاي علينا زينب مشت الكافي ،لما اب عضلات وصل عندي قال لي وينك بفتش فيك ،قلت ليهو كنت بساعد زينب في ترتيب المكتب + طلعت بطل حقيقي وكبرت في نظري،ابتسم وقال لي م فهمت ،قلت ليهو العملتو لي زينب ،قال لي تعالي وبقينا ماشين قام قال لي اول الشي العملتو مفروض اي زول عندو قدره يساعد زول كان المفروض يساعدها وتاني شي انا م بطل ولا شي دا الضميري بقول لي اعمل كدا تالت شي نحنا بينا حوار لسه م خلص وكل شويه كان بيجي زول يقاطعنا،وهو بيقول في كلامى دا لقيت نفسنا وصلنا غرفه الارشيف مسكني من يدي وجراني دخلني قال لي تقريبا هنا مافي زول هيزعجنا ،قلت ليهو احمم انا متشوقه  اعرف دير تقول شنو ،قال لي هتعرفي حسي احم انا م بعرف اتكلم كتير وم لي في الكلام الراقي دا بس عندي كلام بسيط ديرو اقولو ليكي،قلت ليهو قول قلبي هيقيف😂،قال لي احم امل ،قلت ليهو اممم،قال لي انتي البت الوحيده الاتعرفت عليها وخ......قاطعنا صوت نسرين الغليظه 😭😭😭ياخي قربت امشي اكلها جات فتحت الباب ولقت اب عضلات ماسك يدي قامت قالت ليهو احم احم ،مجاهد قام ساب يدي وقال ليها في شنو ي نسرين،قالت ليهو استاذ عاطف وصل ليهو خمسه دقيقه ونحنا بنفتش فيك وانت قاعد لي هنا ،،وعاينت لي من فوق لي تحت ،قال ليها طيب ارح انا جاي وراك،قالت ليهو مجاهد الراجل منتظر،قال ليها نسرين م قلت جاي ،قامت طلعت قام هو لفت علي وقال لي اليلا عرفت انو الوكاله دي مستحيل تكون مكان زول يعترف بيهو بي مشاعرو بس هنتكلم تمام برجع ليك ،وطلع طبعا انا بقيت اردد في الكلام وفجاة ركزت انو قال مشاعر وتتتت😭😭والله قال مشاعر هنا حسيت بهبوط 😭😂❤️بقيت امشي واجي وقول معقوله انا سمعت غلط. لا هو قال مشاعر. لا احتمال انا مشوشه وسمعت غلط ي الله ي رب يكون السمعتو يكون صح. طيب لو اعترف لي بمشاعرك هعمل شنو. وايييي😭😭😭