الباتروس

الباتروس 10

*الباتروس _ 《10》*

*By:Black Moon🖤*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​

​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏                                         10
​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​بعد ما رجعنا الفندق نمت وصحيت الصباح بدري زي الساعه ٦وناس ندا كانو نايمين المهم طلعت عشان امشي الحمام لقيت منظر الجو رهيب طوالي خليت الحمام ودخلت الغرفه شلت كمرتي وطلعت ووقتها كانت الطيور يداب صاحيه وكلهم كانو طايرين في السماء عشان يريضو اجنحتهم صورتهم وبقيت اصور في السماء وانا واقفه حسيت بي زول وراي لفت الاقي ليك اب عضلات قلت ليهو اب عضلاب ؟؟ ،قال لي نعم قلتي شنو،قلت ليهو ولا شي بس خوفتني،قال لي طبيعي تخافي واقفه برا في الصباح دا ومافي زول في الشارع ،قلت ليهو لقيت الجو حلو والطيور طايره فقلت اصورهم ،قال لي امم حلو بس خلي بالك المكان م امان لي درجه انك تطلعي زي الوقت دا  براكي  ومشى ،قلت في نفسي وااي بيخاف عليكي🥹هي امل دا شنو البتقوليهو دا اتقلي عادي يعني كان هيقول لي اي وحده مكاني ،دخلت ورجعت الكمره الغرفه وبعدين مشيت الحمام اتساوقت ورجعت الغرفه لقيت زهره صحت قعدنا نتونس لغايد م كلهم صحيو وفطرنا وبعدين خالتو زينب وخالتو مها قالو هنطلع نلف كلنا سوا وبعدين من هناك نرجع نيالا وقال لي امل حبيبتي امشي لي مجاهد وقولي ليهو يمشي يجيب لينا اكل من اقرب مطعم ويلحقنا ،قلت ليها طيب بس خالتو لو شوينا بيكون احسن يعني ممكن نشتري لحمه ونشيلاها ونشويها هناك،قالت لي الفكره حلوه لاكن ي بتي م عندنا شوايه،قلت ليها خلي الموضوع دا علي انتو اتقدمو وانا بلحقكم،مشيت لي اب عضلات وقلت ليهو صباح الخير ولا مساء الخير المهم م علينا خالتو مها قالت لي اقول ليك تجيب اكل من المطعم وتلحقهم بس انا قلت ليها عندي فكره احلا ...قاطعني وقال لي المختصر ،قلت في سري اخ غليظ😣قلت ليهو بتعرف مكان جزاره هنا ،قال لي انا م بعرف لاكن تقريبا منير بيعرف وعايزين الجزاره لي ،قلت ليهو اكيد ديونها عشان نمشي نرقص فيها يعني ما اكيد ديرين لحمه ،قال لي لسانك اطول منك،قلت ليهو I know🙂قال لي المهم يعني حسي المفروض امشي اشتري لحمه امم طيب هتطبخو  وين دا ،قلت ليهو هنشوي، رفع لي حاجبو وقال لي امم حلو طيب هتجيبو الشوايه من وين،قلت ليهو انت مالك بتتكلم كتير كدا خلي الموضوع دا علي ،طبعا بكذا رجعت حقي 🌚،قلت ليهو وعايزه منك توصلني لي المطعم الامبارح  مشينا ليهو قال لي استني هنا ودخل الغرف اتكلم مع منير وبعدين لبس جكيتو وشال مفتاح عربيتي وجاني،قلت ليهو يلا نمشي،قال لي بشكلك دا،عاينت لي نفسي وقلت ليهو ومالي انا ،عاين لي كدا وبعدين قال لي م مهم ارح،طلعت وراهو وانا بقول ي ربي مالتي م لابس زي القلق ،المهم م اشتغلت بالموضوع وطلعت وعملت نفسي زعلانه وركبت ورا ،ركب وعاين لي بالمرايه ورفع لي حاجبو،لما شفتو قلت ليهو م هنتحرك،م رد لي واتحرك وصلنا المطعم نزلت وطوالي مشيت م استنيني دخلت المطعم وناديت الجرسون وقلت ليهو ممكن اتكلم مع الشيف او مدير المطعم،قال لي في شي ممكن اساعدك فيهو؟،قلت ليهو هتساعدك لو ناديت لي الشيف 😊وانا واقفه اب عضلات جى والجرسون دخل المطبخ ،اب عضلات قال لي نحنا نطلب اكل لي لو هتشوو اللحمه،قلت ليهو اصبر انت ،الشيف جى سلمت عليهو وقلت ليهو الصراحه ي شيف نحنا جايين رحله هنا وما كنا ماخذين حساب انو هنشوي وامبارح لما جيت عندكم لاحظت لي الشوايات ف ممكن تاجر او نستعير واحده لي كم ساعه بس،قال لي اكيد طبعا دقيقه بس ،نادت لي الجرسون داك وقال لينا ديرين كم واحد،  قلت ليهو لو اديتنا اتنين بتكون اكرمتنا 😇،قال لي الجرسون جيب شوايتين من المطبخ،الجرسون مشى جابهم وجى اب عضلات طلع ليهو القروش الشيف حلف م يشيل ولا جنيه المهم شكرتو وشلناهم ودخلناها في العربيه وبرضو ركبت ورا ،وقلت ليهو واللحمه،قال لي منير هيحل الموضوع ،المهم رجعنا الفندق لقينا ناس قالت مها طلعو بس حاجاتي وحجات اب عضلات لسه كانو في الغرف المهم شلنا حاجاتنا وسلمنا المفاتيح وطلعنا وبقينا نفتش في الشله لغايد م لقيناهم مفرشين فرشتين وخاتين  الحجات ومنير جاب اللحمه والفحم المهم اب عضلات ومنير ولعو الشوايات وانا وزهره وندا قطعنا الخضار واللحمه ،خالتو مها وخالتي زينب وصحبتهم جو عشان يساعدونا قلت ليهم لا انتو خليكم مرتاحين اليلا هتاكلو احلا اكل من تحت يدين عيالكم،خالتو مها قالت لي الله يحفظكم ي عيالي ،لما قالت كدا فجأة اتزكرت ماما وبابا ،قمت قلت لي بت صحيت خالتو مها الصغيره جيبي لي تلفوني جابتو لي واتصلت على ماما فيديو ردت وبتقول لي وينك ي مفتريه نسيتني مرا وحده مها بقتك بتها ونسيتي امك صح😂،قلت ليها بظبط وعلي فكره خالتو مها جنبي😂خالتو مها قالت ليها بصوت عالي سمعتك ي سجمانه سمعتك 😂،امي قالت لي اديني ليها كدا فعلا اديتها التلفون وبقت تتكلم معها وهي فاتحه الاسبيكر ،ماما قالت ليها شكلكم مظبطين جوكم على الاخر،خالتو مها قالت ليها اي والله المه ناقصتك بس ،قالت ليها ي ريت ي ريت  ،قامت خالتو مها قلبت الكمره علي وقالت لي ماما شوفي بتك ماشالله طلعت طباخه ،امي قالت ليها هي م تخدعك هي بيضه م بتعرف تصلها😂،طبعا انا سامعه قلت لي ماما بي صووت عالي ماما م تفضحين 😭😂،اب عضلات جى وقال لينا لسه م خلصتو ،قلت ليهو اسال ندا وزهره هم البيقطعو اللحمه انا قربت اخلص  تقطيع الخضار ،المهم ماما بتتكلم معنا بجاي وبنشو بجاي ورتبنا المكان ومشغلين الاغاني والجو كان حاجه في الخيال ❤️بعد اب عضلات ومنير خلصو شوي انا شلت صحن كبير وبقيت اخت اللحمه بطريقه اتيكيت وتفتح النفس المهم بعد م رصينا الاكل قبل م ناكل قلت ليهم دقيقه دقيقه جيت طلعت كمرتي من الشنطه وصورت الصحن الرتبتو وصورت ناس خالتو مها معاهم وكل الكانو موجودين،المهم اكلنا وبعدين قالو لينا انا وندا وزهره نعمل الجبنه كان في كانون صغير كدا وطبعا العده دي كلها جايباها خالتو زينب 😂المهم بعد م ولعو النار وختينا الشرغرغ  ندا قالت لي امل كدا خلينا نشرب القهوة من يدك،اتخيلت في راسي لو انا عملت القهوة وهم شربوها وجوهم هتكون كيف😭😂😭قلت ليها بري اعمليها انتي انا يديني م نظاف ماشه اغسلهم مشيت شلت عبريق م تستغربو انا عارفه الحاجات البلديه دي كلها من وين ترا المسلسلات السودانيه نفعتني 🙂،غسلت يديني ورجعت ليهم قامت زهره سالتني اكب ليكي جبنه ،قلت ليها بري م قاعده اشربها ،قالت لي لي،جيت قعدت وقلت ليها عشان بتقيدني وانا م بحب الحجات البتقيدني ،قالت لي كيف بتقيدك ،قلت ليها امم مثلا لو شربتها مره لازم اشربها كل يوم عشان م يجيني وجع راس يعني انا راسي خفيف وم بينفع معاها القهوة ،قالت لي اااا ،ندا قالت لي م انتي بتشربي لاتي ؟،قلت ليها اي بس لاني م زي القهوة م بيقيدني لو م شربتو عادي م بيجيني وجع راس لاكن بشربو على طول عشان مشروبي الساخن الوحيد والمتعودة عليهو ،قالت ليها اهاااا ،قلت ليهم ي جماعه منو يرقص معي ،ندا قالت لي الجن ولا النفسيات الجاب سيره الرقص شنو حسي م حسي كنا في القهوه قلت ليها ياخي فجاة حسيت نفسي لازم اتحرك وعايزه ارقص واحرق الدهون الاكلات دي ...طوالي شغلت الاغاني وبقيت ارقص براي شويه كدا زهره قامت معي وتاني جريت ندا بس قعدت تصفق وشويه شويه جريت خالتو مها وزينب وصحبتهم ..وبقيت ارقص مع الشفع الصغار واب عضلات ومنير بيشوفو فينا ويضحكو او يبتسمو قمت مشيت عندهم عشان اقومهم معنا قلت ليهم قومو ارقصو معنا مالكم قاعدين كدا ،منير قال لي لا انتو ارقصو براكن انا م عندي مزاج لي الرقص،عاينت لي اب عضلات قال لي ولا تفكري اصلا م بعرف ارقص ،قلت ليهم انتو مالكم مملين كدا ياخي قومو اصلا اللحظات دي ما بتحصل كتير في العمر،عليك الله قومو قمت جريت منير من يدو عشان اقومو وفعلا قام معي وقال لي اب عضلات يمكن معاها حق 😁،وهو مشى وانا بقيت اعاين لي اب عضلات وهو بعاين لي وبعد مسافه قال لي م بعرف ارقص ي بت الناس م تحاولي،قلت ليهو الرقص م دير ليهو عرفه اي شخبط لخبط وخلاص ،قال لي ماشي بس م بالغصب برضو،قلت ليهو تصتفل انت الخسران ،مشت وخليتو بيقول البت دي بتجيب المصطلحات دي من وين،مشيت وكملت رقص مع الجماعه وفتحت فيديو في الكميره وسندتها في الشنطه وكملت رقص وبعد تعبنا قعدنا والمغرب قرب ف قمنا وبقينا نلم في الحجات وفعلا لمينا حاجتنا واب عضلات مشى ودا الشوايات وجى وركبناها العربيه والمره دي زهره وندا ماشين معنا انا واب عضلات المهم قبل م نركب العربيه كنت عايزه اخذ زكره لاني م اظن هجي جبل مره تاني ف كان في شجره برتقال جريت واخذت منها صفقه واخدت من عشب الارض برضو وكان عندي اكياس بلاستيك الصغار البيتقفلو دلاك دخلتهم فيهو وقفاتهم وجيت على العربيه لقيت اب عضلات واقف برا العربيه مستنيني قال لي مشيتي وين انتي ،رفعت ليهو الكيس وقلت ليهو باخد زكره من المكان الاسطوره دا لاني م هجيهو تاني💔،ابتسم لي وقال لي طيب اركبي،فعلا ركبت وانا وندا كنا ورا وزهره مع اب عضلات قدام ،وطول الطريق وهي بتتكلم معاهو وهو بس شغال همم اممم حلو وندا لاحظت عليهو انو اتضايق من كلامها الكتير فقالت لي زهره زهره تعالي اقعدي معي وره عشان نتونس لانو بعد م نرجع الخرطوم م هنتلاقه لي مده وخلي امل تقعد مكانك ،قمت عاينت لي ندا وهي عاينت لي وعملت لي حركه بعيونها بمعني امشي ،فعلا على طول اب عضلات وقف العربيه وهي نزلت وركبت ورا وانا ركب قدام وهي بقت تتونس مع ندا ومرات مع اب عضلات ومره معي مره بس بتدخلني في الونسه ووقتها انا كنت شارده وبفكر في موضوع رجعتي لي لندن م انو لسه يداب لي اسبوع في السودان بس بحس انو التلاته شهور دي هتجرى زي البرق وفي نفس الوقت اشتقت لي ماما وبابا يعني م كنت متخيلة هيعدي اسبوع كامل من غير م اكون جنبهم وفي نفس الوقت م عايزه ارجع لندن كنت مشوشه وانا بفكر في الموضوع وبعاين بالشباك دمعتي نزلت واب عضلات لاحظ لي بس م سالني ،المهم بعد تلاته ساعت وحاجه وصلنا نياله كنت تعبانه لاني في اليومين ديل كلهم م نمت كويس نزلت واخذت شنطتي ودخلت الغرفه ونمت طوالي ....