الباتروس

الباتروس 30 والاخير

​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏*الباتروس _ 《30》 والاخيره *

*By:Black Moon🖤*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
                                               30
           والاخير                                           .      

عدا تلاته يوم ودي اول مره اقعد كل المده دي عند ناس حبوبه مريم لاني كنت خايفه ارجع واشوف مجاهد ويعاملني نفس التعامل داك وفي التلاته يوم دلاك مجاهد بس بعت لي مرتين *كيف حالك * 💔 المهم قلت ارجع عشان خالتو ما تحس فعلا جهزت نفسي وودعتهم ومنير جى يوصلنا ونحنا في الطريق قال لي لازم تصلحي الوضع بيناتكم بزات انكم هتشوفو بعض كل يوم ،قلت ليهو ما هو انا ما عارفه نحنا حسي شنو يعني ولا هو زعلان مني ولا زي ما قال هو مشوش،قال لي امل ما تقنعي نفسك انك ما زعلتيهو بكلامك وهو زعلان منك بس ما عايز يقول عشان ما تضايقي ،قلت ليهو انت بتظن كدا،قال لي انا متاكد ،المهم وصلني وقبل ما انزل قال لي حوالي صلحي الوضع وما تطولي زورينا تمام،قلت ليهو حاضر يلا باي ،نزلت ودخلت لقيت ندا سلمت علي بالحضن وقالت لي شنو طولتي كدا ياخي البيت كان ممل من غيرك،قلت ليها ادري🌚،على صوتنا خالتو نزلت و جات سلمت علي بالحضن حسسوني كاني سافرت والله هههه،المهم طلعت غرفتي احلا حاجه عندي تلاته بيوت وتلاته غرف ههههه،المهم ختيت حجاتي ودخلت ادوشت وطلعت قمت رفعت التلفون لقيت الدكتور باعت في قرب دفعتنا انو النتايج هتطلع الاسبوع الجاي واي حسيت بي رجفة لما قرات كلمه النتايج هتطلع الاسبوع الجاي ،المهم قعدت اقرا في كتاب لي المساء جيت طالعه من غرفتي لقيت مجاهد داخل غرفتو،لما شافني قال لي اهلين،قلت ليهو هلا،ابتسم لي ودخل غرفتو وقفل الباب ،ما بعرف بس ما قدرت اتحمل البرود داك وقمت دقيت ليهو الباب وقلت ليهو مجاهد لازم نتكلم،قال لي امل انا تعبان حسي ،قلت ليهو وانا تعبانه وتعبت من التصرفات دي ،قال لي كيف يعني ما فهمت،قلت ليهو انت ما فاهم ولا انت الما دير تفهم لانو كلامي مفهوم،ومشيت دخلت غرفتي وقفلت الباب تاخ،وجيت قعدت وضميت رجليني علي لي ما سمعت صوت الباب بيدق مشيت وفتحتو لقيتو دا مجاهد ،قال لي تعالي مش قلتي ديره نتكلم،قلت ليهو خلاص غيرت راي مش انت تعبان ،قال لي امل بلاش الحركات دي عليك الله ،قلت ليهو اي حركات انا ما قاعده اعمل اي حركات وجيت اقفل الباب قام مسكو وقال لي امل احسن تطلعي ونتكلم لانو يمكن بقفلتك حقت الباب دي تنتهي كل شي ،فتحت الباب وقلت ليهو بس مافي شي نتكلم عنو ،قال لي لا في وتعالي معي ومشى من غير ما يلفت وراهو،انا مشيت وراهو لمن طلعنا السطوح،قال لي اقعدي ،جيت قعدت وبقينا ساكتين ،بعدين هو قال لي متزكر اليوم الجمعت فيهو شلتك كنت وقتها عايز اتقدم ليك وهم كلهم كانو عارفين واللعبه والسال كانو كلهم قصد بس انتي صدمتيني بردك وهدمتي كل شي كنت مخطط ليهو بلحظه ثانيه ،قلت ليهو بس انا قلت راي عامتاً ما قصدتك،قال لي اي ما هي المشكله انتي ضد الزواج كلو يعني وصلتي لي الرساله واضحه ،قلت ليهو انا ما كان قصدي اجرح مشاعرك بس شكلو نحنا مختلفين وما هنعرف نتفاهم لانو اي زول عندو عالمو ونحنا من عالمين مختلفين شديد وتفكيرنا بيختلف ،قلت كلامي دا ونزلت مشيت غرفتي وبقيت ابكي 💔يعني كلام منير صح 💔...........
في اليوم التاني صحيت متاخره وبقيت افكر بالحصل امبارح بس قلت هكمل حياتي زي ما هي ما هقعد اتباكه واكتئاب انا اكتئب بما فيهو الكفايه ....نزلت تحت وفطرت ومجاهد كان في الوكاله قمت جهزت وقلت لي خالتو مها ماشه الوكاله وطلعت  ومشيت الوكاله بس ما مشيت مكتب مجاهد مشيت غرف الارشيف ختيت حجاتي وبعدين مشيت لي نسرين قلت ليها محتاجه مساعده في حاجه،قالت لي اي يا امل جيتي في وقتك ياخ كنتي وين الايام الفاتن دي امسكي الملفات دي وديها لي مجد هتلاقي في مكتبو ولو لقيت ريم لافه في اي حته قولي ليها تجيني المكتب سريع،قلت ليها تمام شلتهم ومشيت لي مجد دقيت الباب ودخلت لقيت سهى قاعد ،سلمت عليها واديت الملفات لي مجد وقعدت وقلت ليها لي ما كلمتين انك جايه الوكاله ،قالت لي بس انا ما جايه اشوفك🙂ورفعت لي يدها شفت الدبله بتلمع في اصبعها قلت ليهم ما تقولي لي اتزوجتو وما قلتو لي ،قالت لي لا يا هبله ما تتزوجنا ولا شي بس دي خطبه والعقد الشهر الجاي 😉،قلت ليهم Omg ياخي ما بتعرفو فرحتوني كيف ربنا يدومكم لي بعض ،قالو لي امين،سهى قالت لي اها وانتي ومجاهد اتصالحتو،دنقرت راسي وقلت ليها انسي يمكن ما فضل شي بيناتنا،قالت لي كيف الكلام دا ،قلت ليها نحنا مختلفين ما بناسب بعض ،قالت لي امل عايني لي ،عاينت ليها ،قالت لي متزكره قبل تلاته سنين لما كنتي في لندن وكنت راجعه من الامتحان وكنتي في القطار وانا اتصلت ليكي وقلت ليك انو انا ومجد سبنا بعض لاننا مختلفين متزكره انتي قلت لي شنو قلتي لي جمله من سبعه كلمات،قلنا في نفس الوقت،الاختلاف عمرو ما بيفرق كما قوى العلاقه ،قالت لي يلا بضبط كدا انا هقول ليكي كلامك الثاني الاختلاف عمرو ما بيفرق فاهمه وحسي امشي صالحيهو ،قلت ليها بس دا صعب يا سهى انتي ما فاهماني وبعدين لي انا امشي اصالحو وهو ما يجي يصالحني،مجد ادخل وقال لي شوفي امل انتي ما تزعلي من مجاهد مهما عمل صدقيني هو ما بحب اللف والدوران والحب بالدس ومن غير شي رسمي دا بالنسبه ليهو لف ودوران عشان كدا كان دير يتقدم ليك عشان يخلي كل شي بيناتكم رسمي ،عاينت ليهو وبقيت ساكته،سهى قالت لي امشي صالحيهو ،ما اتكلمت وطلعت مشيت قدام الباب المكتبو واخذت نفس بعدين دقيت الباب ودخلت قلت ليهو رجعت تاني،قال لي اهلين،جيت قعدت وبقيت ساكته وببتسم،وهو شغال باللاب وكاني انا ما موجوده ،قلت ليهو ممكن تسيب اللاب وتعاين لي ،قام قفلو وعاين لي وقال لي اها ،بقيت اعاين ليهو ليهو وهو ساكت بعدين جى بالكرسي لي جنبي وقال لي عندي ليكي سوال لو جى زول واتقدم ليكي هتقبلي؟،قلت ليهو لا ،قال لي متوقع ورجع بالكرسي مكتبو قمت قلت ليهو بس على حسب الشخص وغمزت ليهو وطلعت مشيت غرف الارشيف وبقيت شغاله على ملف ادتني ليهو نسرين وانا شغاله جاني مجاهد وهو مبتسم وقال لي من غير مقدمات ما فهمت قبيل كان قصدك شنو،قلت ليهو انت سالتني لو جى زول اتقدم لي هقول شنو وانا قلت ليك هرفض وقبل ما اكمل انت قلت لي متوقع بعدين قلت ليك على حسب الشخص 🌞،قال لي لو الشخص دا انتي عايزاهو هتوافقي،قلت ليهو افكورس ،قال لي يعني انتي ما ضد الزواج،قلت ليهو ايوا،قال لي طيب لي كان قلتي كدا،قلت ليهو عشان اعرف اذا انت خاتي علاقتنا على محمل الجد ولا لا ونجحت في الاختبار بس انا في اختبارك رسبت ،ابتسم وشبه ضحكه وقال لي انتي جاده دقيقه خليني استوعب طيب والكلام القلتيهو في السطوح،قلت ليهو كان حقيقي بس حسي اكتشفت انو الاختلاف عمرو ما بيفرق كما قوه العلاقه دي كانت جملتي البقولها لي اي اتنين انفصلو بسبب الاختلاف ،قال لي طيب قلتيها لي نفسك،قلت ليهو يب🌞(طبعا الكلام القلتو داك كان حقيقي ما اختبار ولا شي بس عشان اصلح الوضع قلت كدا )،قال لي حلو ..وإتك في الباب وبقى بعاين لي،قلت ليهو مالك😂،قال لي لو تعرفي بس اشتقت ليك قدر شنو،غطيت وشي وقلت اخخخ قلبي الصغير لا يتحمل😭😂❤️،ضحك وجى عندي وقال لي تعبت من الانتظار والرسميه النحنا فيها في الشركه عايزك تكوني معي دئما وابدا واي زول يسالني دي منو اقول ليكم دي بت قلبي ،وبعدين سكت شويه وبعدين ركع على رجلو وطلع علبه من جيبو وفتحها وقال لي تقبلي تتزوجيني،اخ ما عرفت اودي وشي  وين من الخجل ودمعتي جات نازله قمت هزيت ليهو راسي بمعني ايوا،لبسني الخاتم قمت لفيت بالكرسي وصرخت 😭❤️بعدين قمت ومشيت حضنتو❤️،قال لي بتعرفي انك احلا حاجه حصلت لي في حياتي ❤️......