Under Her Spell

Kabanata 1

Kabanata 1

Serene

Maingay. Magulo. At animo'y mga baliw na nakawala sa mental institution.

The only thing that I can say the moment we entered the room. Mula sa kaliwa ay makikita ang grupo mga babaeng may kanya-kanyang ginagawa, isa na doon ang makipag-tsismisan. Habang sa kanan naman ay makikita ang grupo ng mga lalaking nagtatawanan at may kaklaseng pinagt-tripan.

Naiiritang napangisi ako. Shutta? Wala na ba talagang ikagaganda ang school year nato? Halos sa loob ng dalawang buwan na pagpasok ko kasi sa eskwelahan na‘to ay ganito lagi ang maabutan ko.

Napailing naman agad sa tabi ko si Niesha na nakatingin din sa mga kaklase namin.

“Mabait naman tayo, pero ba’t tayo napunta sa worst section? ” nanlulumong tanong ni Niesha na nasa tabi ko habang nakatingin sa mga kaklase namin.

Napaismid nalang ako at naglakad na sa dulong bahagi ng silid, kung saan nakapwesto ang upuan namin. Dahil doon ay naagaw nito ang atensyon nila.

“Oi! Good morning Serene!” nakangising bati ni Owen at nakapamulsang naglakad papunta sa direksyon ko.

Tumigil ako sa paglalakad at hinarap siya, tsaka ngumiti ng peke.

“Walang good sa morning kung ikaw lang din naman ang makikita ko.” Inirapan ko pa ito at muling nagpatuloy sa paglalakad.

Napatawa naman agad ang mga kasama nito kasama na ang ibang babae sa loob ng room dahil sa isinaad ko.

“'Yong hindi ka naman inihaw pero nasunog ka, HAHAHA!”

“Aguyy~ peyn, pighati, kalungkutan.”

“Masakit pre? HAHAHA.”

“Ok lang ‘yan, bawi ka na lang next life HAHA!”

Nang mapatingin sa direksyon nila’y napailing nalang ako't pabagsak na naupo sa upuan ko. Ang kaninang malawak na ngisi ni Owen ng makita ako, ngayon ay napalitan na ng simangot dahil sa pang-aasar nila. Mga gago.

Sa totoo lang ay gwapo naman si Owen, matangkad at may magandang pangangatawan. ‘Yon lang ay hindi ko siya type.

“Haha grabe, maldita ka talagang babaita ka. Manang-mana ka talaga kay tita— may pagkademonyeta HAHAHAHA!”

Napalingon naman agad ako kay Niesha na nakangising nakatingin sa akin. Umupo narin ito sa katabing upuan ko.

Umismid naman agad ako dahil doon. Dzuh! Kanino pa ba magmamana? Edi kay mama. Nung time kasi siguro na pinagbubuntis palang ako ng nanay ko ay nagpapalaganap na ito ng kamalditahan at, idagdag mo pa na pinaglilihian daw ni mama si Tita Nikka— ang mommy ni Niesha— na isa ring demonyeta. Oh diba? Hindi na talaga nakakapagtaka.

Tumahimik nalang ako at kinuha ang selpon ko sa aking mahiwagang bulsa. Wowerz. Doraemon lang? Anyway, since wala pa naman ang teacher namin, magpapakabusy nalang muna ako.

Habang nag-s-scroll sa aking epbi, ay bigla ko nalang nakita ang account ng pogi naming teacher na si Sir Adriel. Napangisi naman agad ako. Shucks! Kahit sa picture ay pogi pa rin si Sir Adriel. Sana all.