عيناكِ منظومة تحتوي قصائدها

البارت ٧

الساعه 11:00 الليل...
الكل روح لبيته وساره جالسه عند البنات فبيت ابو زيد
ام زيد : يقلبي تاخر الوقت خلاص قضي هالليله عندنا والصباح تروحين
سارة : لا يعيوني انتي ، بروح ضروري عندي موعد بكرا
اديم :ما رد عليك السايق للحين ؟
سارة : لا مو راضي يرد ابداً
ام زيد :خلاص خلك لا تدقين بشوف العيال ياخذونك مع اديم احسن وأمن
سارة بخجل :تمام
راحت ام زيد للمضيف وكان فيه فراس وزايد وماجد : يعيال من فيكم فيه حيل يقوم يوصل سارة صديقة اديم للبيت ؟
فز فراس اول ما سمع اسمها :انا يمه
زايد ناظره بطرف عين :شفيك كذا فزيت ؟!
فراس بترقيع : لا بس انه طفشان ما عندي شي اسويه
زايد ابتسم ابتسامه مكر: ايه ايه صادق ، خلاص يمه هذا فراس ياخذها
ام زيد : اجل بروح اقول لها ولاديم يجهزو انفسهم
فراس : اديم بتجي ؟
زايد : شرايك تبي لوحدكم ؟؟
ام زيد : بس بلا قلة ادب ، ايه بتجي ما يصير تروح لوحدها
فراس : تمام بنتظر !
راحت ام زيد وقام فراس على زايد يضربه وزايد ينرفزه ويقول له عوفت سالفتك

عند البنات ...
ام زيد :يلا قومو تجهزو فراس بيوصلك
قامو اديم وساره لبسو وطلعو بعد ما ودعت سارة ام زيد والبنات
ركبت السياره وهي للحين ما شافته : السلام عليكم
فراس يعدل المرايه : وعليكم السلام
سارة لمحت وجهه على المرايه : يمه! طلع فراس توأم اديم اهو الي دخل علي ، حسافه اصغر مني .. عمى شفيني !
اديم : فروسي شغل لنا شي نسمعه !
فراس : شغلو على ذوقكم
اديم لفت على سارة :شتبين نسمع ؟
سارة : يوم شفتك لسعد الفهد
شغلتها اديم وجا المقطع ( يوم شفته خفت من عيني عليه )
وبدو فراس وسارة يتذكرون الي صارلهم وجمالهم واديم تتذكر عيون رائد وكلامه واعترافه بحبه لها ونظراته الي كلها حب وزعل ...

وصلو عند بيت سارة وفراس ما يبي انها تنزل ابداً وكانها تملكت قلبه من اول ما شافها
اديم : وقف شوي بنزل معها
نزلت اديم مع سارة ووقفو قريب من السيارة يودعو بعض
فراس بعد ما شبع من شوفتها نزل الشباك وشافته سارة وطول الوقفه عيونها عليه ما فارقته ابداً
شويات ورجعت اديم ومشو، بالطريق ..
فراس : اقول اديم كم عمر سارة صحبتك ؟
رفعت حاجبها :ليه تسال ؟
فراس :اخلصي !
اديم : 27 سنه
فراس : اكبر منك !
اديم : ومنك !!
فراس : انتي ليه مصاحبه وحده اكبر منك ؟
اديم : تعرفني احب صحبه الي اكبر مني
سند راسه على الشباك وكمل سواقته بدون ولا كلمه وحس بزعل لانها اكبر منه ومستحيل ابوه يرضى على هالعلاقة حتى لو صارت من طرفه وطرف سارة

بعد ما وصلو .. فبيت ابو زيد ..
البنات والعيال لوحدهم بالصاله الساعه 2:00 الليل ...
سعد :للحين مصدوم كيف امي وابوي رضو ينامو وحنا صاحين لهالوقت !
ريوف : منجد مثلك ، بس هالجلسه مو ناقصها الا شهد والله
الكل بزعل : صادقه !
زايد وراسه على رجول اديم تهمزه له : اقولكم عندي سالفه بتصدمكم
اديم : وش هي ؟
زايد وعينه على فراس : في واحد بينا طاح اليوم طيحه تجنن !
الكل كان مو فاهمه وحسبوه طاح على الارض
زيد : من هو اكيد سعد !
سعد : خيرر!! ما طحت اليوم انا !
زايد بضحك : يا حمير ما اقصد طاح على الارض !
ريوف : اجل وش تقصد تكلم !
فراس الي فهم عليه بس ماله خلق يهاوش : يقلعك يا شيخ
اديم وهي تشد بشعر زايد : تكلم يلا
زايد : اخونا فراس ... وتوأم اديموو ... اليوم شاف له وحدة ومن وقتها اخذت عقله وقلبه ...
اديم وهي تتذكر اسئلته عن سارة ونظراته ، رفعت راس زايد من على رجولها وفزت لعند فراس : لا يكون الي سالتني عنها؟
ماجد : خير قولو لنا من هي !؟
ريوف : منجد تكلمو !
فراس لاديم : وش بيصير لو هي ؟دامها اكبر مني !
تركهم وقام للحديقه وهو ضايق وزعلان .. طلعت وراه اديم بسرعه وتاكدت انه سارة المقصوده ، جلست جنبه بهدوء : فراس !
فراس : نعم ؟
اديم :تحبها ؟
فراس هز كتوفه : مدري !
اديم :كيف تحبها من توصيلة لبيتهم !
فراس بزعل قال لاديم كل الي صار ...
اديم بزعل : ما تدري يمكن يتغير كلام ابوي ورايه عن هالموضوع ،
فراس : ما رح يتغير ! ما وافق على زيد وهو اول عياله بيوافق علي انا؟
ادين بزعل على حالة فراس : ان شاء الله خير ، انت لا تاكل هم شي ولا تضايق نفسك .