عيناكِ منظومة تحتوي قصائدها

البارت ٢٨

الظهريات .. فبيت ابو زيد ..
الكل بالمطبخ وام زيد تجهز لهم الشاي وسلمى وريفان يرتبو الحوسه...
ام زيد: انتو ليه كلكم متجمعين فوق راسي؟!
ريوف: يمه بنقولك شي!
ماجد: لا تردين عليهم قلة ادب!
سعد: اسكت يخي!!
اديم: لا تسمعين كلامهم يمه!
زايد: يخي شدخلكم خلوها هي تقرر!
اديم: زايد ما اصدق حتى انت!!
زايد: شسوي ضغطو علي كثير ويبوني اتكلم معهم!
ام زيد: خلاص! شعندكم قولو وانا بقرر!
زايد: يمه كلنا صحينا الا فراس والوقت تاخر يعني من اول ما جا وهو يصحى قبلنا كلنا! شرايك تساليه عن سبب تاخيره؟
ام زيد: مفهمت انتو شتبون منه؟!
ريوف وهي تغمز لها: يعني اساليه اذا شاف ريم ك زوجه مو صديقه والا لا
فتحت عيونها: لا انتو صايرين قليلين ادب! ما عرفت اربيكم شكلي!
ماجد: منجد ليه تحشرو نفسكم بشي ما يخصكم!
سعد: يمه يلا تكفين!
ام زيد: قومو اطلعو عن وجهي بسرعه! قلة ادب!!
طلعو وهم يضحكو على ردة فعل امهم وعلى تاخيرة فراس ...

عند ريم وفراس ..
صحت قبله وبحكم انه التواليت مشترك بغرفتهم تروشت وبدلت ملابسها ..
جلست جنبه على السرير: فراس تاخر الوقت يلا اصحى!
فتح عيونه ناظرها وابتسم: صباح الخير!
ابتسمت: صباح النور تاخر الوقت جهزت لك ملابسك قوم تروش واطلع انا بسبقك برا!
فراس الي عارف انه خوانه رح يستلموهم طقطقه: اصبري اخلص ونطلع مع بعض !
ريم: تمام!
دخل تروش ووقفت على المرايه تسرح شعرها عشان تلبس الغطوه، طلع وشافها واقفه، حضنها من ورا بسرعه
مسكت يده وابتسمت: من امس وانت تحضني ما طفشت!
فراس: وش مزعلك انتي؟ خليني حاضنك!
ريم: مو مزعلني شي احضني كثر ما تبي، من زمان وانا انتظر هالحضن ما بقول لك لا الحين!
ابتسم لها ولبس ثوبه: اكمل واحضنك بعدين، تعالي نطلع تاخرنا عليهم

طلعو للصاله والابتسامه بوجيهم ..
ريوف: اوهه! صباح الخير يا عروس وعريس!
زايد: تو الناس ليه صحيت كان نمتو اكثر!
جلس جنب ريوف وحط يده على كتفها: وش مزعلك انتي وياه؟ لا يكون غرتي؟
ريوف: يوهه على وش اغار، وخر بس!
اديم: ريم كيف حالك؟
ريم بابتسامه: بخير الحمد الله!
فراس: يمه بقولك لا تحسبين حسابي انا وريم على الغدا
ام زيد: ليه؟
فراس: خالتي من امس قالت غدانا عندهم
ام زيد: تمام اجل الله يعطيها العافيه
دخل ابو زيد وتوجه فراس يبوس راسه، شكر له على زواجه من ريم
ابو زيد برضى: وش سبب هالبوسه؟
همس له: اصرارك على زواجي من ريم!
ابتسم له ومسح على كتفه وتاكد بهالحركه انهم بدو يحبو بعض: الله يديمكم
فراس: امين!
تقدم وجلس بينهم ..
ماجد: يبه وين كنت ؟
لف على اديم: كنت بالمحل وكان عندي ابو خالد
زايد: شعندكم من الصباح؟
ابو زيد: اديم!
اديم: هلا يبه؟
ابو زيد وهو خايف من الرفض لانها عودتهم على رفضها: بقولك شي!
اديم بتوتر: سمي يبه؟
ابو زيد: عمك ابو خالد طالبك لرائد!
مسكت يد ريوف بقوه وقلبها يدق بسرعه ومو عارف شتسوي
ريوف: بنت ارقدي لا تقولين بسرعه ابيه وتخربين كل شي!
ابو زيد: عارف انك رفضتي الكثير بس هالمره فكري كويس عارفه رائد وغني عن التعريف ما امدحه لان اخته موجوده بس الكل عارف رائد وش بالنسبه لي عشان كذا فكري كثير!
ريوف بهمس: بتفضحينا قولي شي! قولي تمام بفكر!ارفضي كالعاده لا لا تكفين لا ترفضين تكلمي شفيك جمدتي كذا!!
اديم برجفه من الفرحه: تمام يبه بفكر!
ابو زيد: انتظر منك خبر هاليومين!
اديم: ان شاء الله