عيناكِ منظومة تحتوي قصائدها

البارت ١١

الصباح... فبيت ابو زيد ...
ام زيد: يعيال وين اخوكم فراس؟؟
زايد: مدري والله اسالي اديم يمكن قايل لها وينه!
ام زيد: سالتها قالت ما تدري ما شافته
ماجد: غريبه طالع مبكر! ولا قال لاحد
دخلت اديم عليهم بالمضيف: شفيكم ؟؟
زايد: محد منا يدري وين فراس وكلمت اخوياه ما يعرفو وينه !
اديم: يمكن اني اعرف وينه، بروح اتاكد !
زايد: بروح معك يلا
اديم: تمام خلني اللبس عبايتي بس
راحت تلبس غطوتها وطلعو هي وزايد ...
زايد: ويين؟
اديم: وحنا صغار كنا اذا زعل واحد منا نروح لاخر الديره، فيه بيت مهجور للحين ما تغير، كنا نروح نجلس فيه ونشوف كل الديره منه لانه مرتفع ومنجد يفك الضيقه
زايد: اتوقع اني عرفته ورحت له مره، خلنا نروح نتاكد اذا انه موجود .
اديم: تمام يلا

فبيت ابو زيد..
ساره: ريوف شصاير؟
ريوف: مدري فراس طالع من الصباح ومو قايل لاحد ولا يرد علينا
تركتها ومشت للمطبخ: معقول يكون مزعوج من الي صار امس! اسف فراس بتنزعج الحين بس رح تحبني بعدين !

بنفس الوقت عند اديم وزايد ...
اديم: زايد اصبر!
زايد: شفيك؟
اديم: خلني ادخل لوحدي ! اشوف شفيه
زايد: تمام ادخلي انتظر منك خبر
دخلت اديم لهالمكان المهجور وشافته جالس على طرف صخرة كبيره، جلست جنبه: فراس ؟
فراس: اهلين، كنت عارف انك رح تجي !
ابتسمت له: انا وانت توأم وافهمك واحس فيك دايما، وانت نفس الشي!
حط راسه على كتفها وتنهد..
اديم : ما تبي تقول لي شفيك؟
هز كتفه: مافيني شي
اديم: تونا نقول انه نحس فبعض ، ف لا تنتظر مني اصدقك
فراس: مافيني شي بس كذا صحيت متضايق
سكتت وما حبت تزيدها عليه اكثر..

شويات وجاهم زايد: ما شاء الله متجمعين هنا وانا لوحدي برا!
ضحكت له اديم: معليشش، تعال تعال
جلس جنبها: وين مختفي انت من الصباح ، امي بتموت خوف!
اشرت اديم لزايد بمعني اسكت، ومدت يدها وحضنتهم الاثنين وكأنها مرتاحه جداً لوجودها بينهم، قربو وحضنوها بابتسامه وحب..
زايد: لا تشوفنا ريوف وحنا كذا!
ضحكت اديم: يوهه تكفى والله بتموتنا !
كان فراس هادي جداً وعقله ابداً مو معهم، كان بس يفكر بتصرف ساره فالليل وايش الغايه منه
زايد: يلا قومو خلنا نروح للبيت بيسون لنا حفله الحين !
قامو ثلاثتهم وتوجهو للبيت ...

وصلو البيت وكانو ساره وريوف عند الباب ...
اديم: شفيكم، ليه واقفين هنا؟
ساره: السايق جا من وقت بس ما حبيت اروح قبل ما اشوفك
اديم:كان جلستي شوي بعد!
دحل فراس سريع بدون لا يناظرها وكانت عيونها عليه..
كملت: معليه يعيوني بجييك غير مرة
اديم: تمام ، الله معك يقلبي
دخلت اديم وتوجهت ساره لبيتها ..
ام زيد لفراس: يمه حبيبي وين كنت وليه ما رديت علينا!
فراس وهو يبوس راسها: جيت يالغاليه
ماجد: حسبناك سويتها وهجيت من هالديره
ابتسم له: لا وين! ، بطلع اتروش وانزل لكم
تركهم وطلع لغرفته بسرعه ..