عيناكِ منظومة تحتوي قصائدها

البارت ٢٠

بعد الحفله تجهزو عشان يرجعو للديره وبدو يرتبو شنطهم بالسياره شوي شوي ..
والكل جالسين بالصاله مع بعضهم...
اديم وهي تشوف ريما تحتك برائد: الحمد الله بنمشي اليوم!
ريوف: وانتي شفيك مو عاجبك الوضع؟
اديم:ما حبيت وضعهم كيف يجلسو مع بعض!
ريوف: قولي ما حبيتي وضع رائد وريما
اديم: اقول اسكتي بس!
ضحكت ريوف وهي تشوف كيف اديم غيرانه على رائد، ورائد يسلك لريما وعيونه على اديم ويضحك على غيرتها...

خالد: يمه يلا نمشي؟
ام خالد: اي يلا !
ام مريم وهي حاطه ريان بحضنها وتلعبه: يا ليتكم تجلسون كم يوم بعد!
اديم بتمتمه: لا ذول يبوني اجن!
ريوف: قلتي شي؟
اديم: هاا؟ لا ابداً!
ريوف: اهاا اوكيهه
ام خالد: معليه بنجيكم ان شاء الله، يلا خلونا نمشي على مهل
ام مريم: على راحتكم، توصلو بالسلامه يا رب
طلعو بسياراتهم وتوجهو للديره...

بعد ما وصلو سلمو على الكل وكلهم كانو مشتاقين لبعض ويسلمو على بعض بحب وشوق...
بعد اسبوع مر على ابطالنا بروتينهم الاعتيادي وتجهيزهم لحفله زواج ماجد، وطبعا جيات ساره عليهم الي كثرت شوي...

قبل الزواج بليله...
فبيت ابو زيد ... متجمعين الكل...
زيد: يبه بقولك شي!
ابو زيد: قول؟
زيد: اريج حامل!
اعتلت اصواتهم بفرحه وصدمه ومباركتهم لاريج وزيد ...
زيد: يبه نفس ما تدري ماجد بكرا زواجه ويبي يستقر عندكم ومازن وريفان موجودين والشباب ، وانا عيلتي بدت تكبر ورح يصير الوضع فوضى عشان كذا شريت بيت هديه لاريج بمناسبه حملها وابي نطلع عليه بعد زواج ماجد بيومين ثلاث
ابو زيد: متى اشتريته؟
زيد: قبل اسبوعين اول ما عرفت انه اريج حامل ، وفرشته كامل والحين صار جاهز للسكن
ابو زيد وحلا بحضنه: تمام على راحتكم بس ما تغيب حلا كثير عني !
حلا: جدو انا ما بروح ببقى هنا معك ومع عمامي!
ماجد بحنيه: تعالي تعالي
ركضت وجلست بحضنه ..
باسها: شرايك تخليهم يروحو على بيتهم وانتي تبقين معنا؟
حلا بابتسامه: اي!
زيد: اما! مو طبيعيه هالبنت تبيعنا انا وامها عشانكم!
ام زيد:طبعاً! لانها متعوده عليهم ما رح تتعود بدونهم بسهوله عشان كذا رح تتغلبو شوي !
اريج بفرحه: منجد بنروح على بيت لوحدنا ؟
زيد بابتسامه: اي!
ابتسمت له بحب وفرحت مرهه لانها ما كانت متوقعه هالشي منه ابداً ..
ابو زيد: يلا قومو على النوم!
ماجد: يبه خلينا نسهر شوي حنا!
ريوف: اي، حرام اكيد حزين لانه رح يفقدنا خلينا يا يبه!
ابو زيد: تمام بس لا تتاخرو ورانا يوم طويل بكرا!
الكل: تمام، نوم العوافي

ماجد: من الحين اقولكم اذا بتستلموني طقطقه بروح انام!
زايد: لا لا معليك!
شهد: يجماعه مو مصدقه انه ماجد بيتزوج بكرا!
اديم: ولا انا!
ماجد بابتسامه : ليه؟
شهد: مدري احسك توك باقي ما شبعنا من شبابك!
زايد: اصلا من وهو صغير شخصيته كبيره ولا كانه مر بعمر الشباب
فراس: منجد لدرجه تزوج قبلنا!
زيد: انت شفيك معلق على هالكلمه من لما خطب!
زايد: الاخ غار يبي يتزوج
ماجد: اول حصل عروس
زايد: حصل ما عليكم!
الكل: ااووهه
اديم: من من؟؟
ريوف: افف يالحبيب البطل!
فراس بابتسامه: قصرو صوتكم شفيكم!
ماجد: من حابب يخوي؟
فراس وعينه على اديم: ساره!
اديم بصدمه: صحبتي؟
فراس: اي!
اديم: وهي؟؟
فراس: وهي
انصدمو الكل من هالكلام ...
فراس: بس مستحيل ابوي يرضى يزوجني ساره وهي اكبر مني!
زيد: مابي احطمك بس مستحيل
فراس بزعل: ادري
ريفان: لا تتشائمو بسرعه، يمكن يوافق شدراكم!
اريج: منجد لو كلنا قلنا له اكيد بنقنعه ورح يوافق!
زايد: كلنا بنحاول وان شاء الله يوافق
فراس: ان شاء الله
لف على اديم: شفيك ساكته؟
اديم: مدري انصدمت! وليه ساره ما قالت لي!
فراس: يمكن استحت او ما صار لها وقت تقول!
اديم: يمكن
ريوف: ماجد من الحين اوصيك ، بكرا شرط على سلمى وقول لها لا تخلي ريوف تشتغل شي ابداً وقول لها تسمع كلامي وكل شي ابيه واقوله لازم يصير!
ماجد بضحك: اي طلب ثاني استاذه ريوف؟
ريوف بثقه: لا مشكور!
ماجد: لحول! مريضه انتي؟ جايب انا زوجه والا شغاله عندك؟
سعد: اسمع قول لها تسمع كلام الكل الا ريوف حتى احترام لا تحترمها!
ريوف: خير انتو الجوز! غصب مو على كيفها!
ماجد بتسليك: ايه ايه ان شاء الله
زيد: بلا هرج ويلا قومو ننام
قامو الكل ونامو الا ماجد الي كان متوتر ويفكر بزواجه وحياته مع سلمى...