عيناكِ منظومة تحتوي قصائدها

البارت ٨

الصباح من بدري ...
مازن : ريفان عيوني ريفان اصحي يلا بنروح للمستشفى
فتحت عيونها: صباح الخير!
مازن وهو يلبس ثوبه : صباح النور يا وجه النور يلا قومي البسي عشان نروح
ريفان: مازن تو الناس بدري شفيك !
مازن: ماهو بدري يلا قومي انا يالله قدرت اصبر فالليل
قامت بإبتسامه على وضعه : يا رب لا تضيع هالفرحه يا رب تمم له فرحته
توجهت تبدل ملابسها .. ثواني وخلصت وتوجهو للمستشفى ...

عند سمر وتركي ...
سمر وهي تتدلع على تركي: حبيبي
تركي : عيونه
سمر : الله يخليهم لي ، بطلبك شي بسيط
تركي بابتسامه وفهم من اول انه ودها شي: يلا استلم!
سمر: خيرر!
تركي :عارفك ما تكلميني كذا الا تبين طلب
سمر باحراج: منجد؟
تركي هز راسه: اي منجد !
سمر: شسوي هذا الي جاك
تركي : الحمد الله انه جاني ، يلا امريني وش طلبك ؟
سمر بابتسامه: اليوم الاثنين وانت عارف انه اديم بنت خالتي ام زيد عندها اسطبل وتروح له كل اثنين ف حابه اني اروح اليوم معها اضيع وقت شوي.
تركي : بتركبين على الخيول
سمر: اي يعني اكيد ما بروح اناظرهم!
تركي: لا مافيه
سمر بزعل: ليه يخي ! طفشت من هالروتين بروح استانس شوي!
تركي: باخذك للبحر او للسوق بس ما تروحين على الاسطبل!
سمر تنهدت بزعل: يا تركي يا عيوني انت ،ما بطلع فيهم والاسطبل مغلق بس للبنات! ومافيه رجال ووين العيب والغلط بهالشي!
قرب لعندها رفع راسها ومسك يدها :يا عيون تركي انتي عارفه مستحيل امنعك من شي او احرمك من شي حابه تسويه بس مقصدي خوف مو اكثر، خايف عليك خايف تطيحين من عليه ويصير فيك شي لا سمح الله !
سمر: طيب مقدره خوفك بس صدقني اديم ماخذه الاحتياط من كل النواحي ورح تكون موجوده معي وما رح يصير فيني شي اوعدك !
باس راسها وهو ميت خوف عليها ومع انه عنده فوبيا من الخيول: تمام الي يريحك يعيوني
بادلته البوسه: الله لا يحرمني منك!
تركي: امين ، يلا روحي ساعدي اهلي بالمطبخ وقبل ما اطلع اخذك معي لاديم.
سمر: ابشر من عيني

بالمستشفى عند مازن وريفان...
مازن وهو يلف بالممر: يالليل شفيهم طولو علينا !
ريفان: يا حبيبي شفيك اجلس والله جبت لي صداع
جلس جنبها بهدوء :ياخي طولو علينا !
ريفان : معليك اصبر شوي !
شويات وطلعت لهم الدكتورة .. فزو الاثنين لها
ريفان: بشرينا يدكتوره ؟
الدكتوره: انتي ريفان؟
ريفان: اي انا هي !
الدكتوره بابتسامه: الف مبروك لكم بيجيكم بيبي عن قريب، بس لازم تنتبهي على نفسك بالاشهر الاولى وتجي على مواعيدك كامله
مازن بصدمه وفرحه : بذمتك؟
الدكتوره: اي، وهذا التحليل يقول انه ريفان حامل
حضن مازن ريفان بقوة والفرحه مو سايعته، وريفان ميته فرح ودموعها بدت تنزل .. جلسو شوي يستوعبون الموضوع ...
مازن ويده على بطن ريفان: يعني الحين بنصير اب وام؟؟
ريفان بابتسامه هزت راسها: ايه!!
رفع يده لفوق:: الحمد الله يا ربي، الحمد الله رزقتنا بثمرة حبنا، يا رب تمم لنا على خير
ريفان بفرحه: امين يا رب !
مسك يدها بفرحة: تعالي ناخذ لهم حلا ونروح نبشرهم!
ريفان: يلا بسرعه قبل ما تطلع اديم .