الدكتوره: سمر متزوجه؟
سمر: اي
الدكتوره: من متى؟
سمر: تقرببا 9 او 10 شهور بس ليه؟
الدكتوره: سويت لك تحاليل وابشرك طلعتي حامل، الف مبروك!
سمر بصدمه: كيف يعني؟ يعني انا الحين حامل؟؟ بصير امي يعني؟؟
الدكتوره بابتسامه: ايي!
سمر: تكفين متاكده؟ صارت معي هالاشياء من قبل وكله طلع كذب
تكفين تاكدي!!
الدكتوره: لا تخافي تاكدت كويس وانتي حامل من اسبوعين!
بدت دموعها تنزل من الفرحه: الحمد الله يا ربي الحمد الله جبرت خاطري وخاطر تركي!
الدكتوره: هالفتره وضعك حساس شوي عشان كذا انتبهي على نفسك وعلى البيبي!
سمر: تمام بس تكفين لا تقولين شي لزوجي تمام؟
الدكتوره: تمام على راحتك
مسحت دموعها وطلعت هي والدكتوره ...
وقف بخوف وغصب يتكلم: شفيكم ليه طولتو كذا؟سمر وش قالت لك شفيك؟
سمر بابتسامه: اهدا اهدا شفيك؟!
تركي: خرشتوني طولتو!!
لف على الدكتوره وكمل: وش فيها؟
الدكتوره وعينها على سمر الي تغمز لها من وراه: مافيها الا كل خير، الم عادي وسوء تغذيه اعطيتها مسكنات خليها تمشي عليهم هالفتره
زفر براحه: تمام يعطيك العافيه
الدكتوره: الله يعافيكك
طلعو متوجهين للبيت وسمر شوي وتطير من الفرحه...
تركي: من هاليوم بستقعد لك! عشان اعلمك كيف التغذيه!!
تكلمت مع نفسها: ذا كيف لو عرف اني حامل وش بيسوي!!
تركي: فهمتي؟
سمر : اي اي فهمت
بعد ما وصلو البيت ..
سمر لام خالد: يا خاله تكفين طلعي تركي لاي مكان!
ام خالد: ليه؟
سمر: مجهزه له مفاجاة تكفين يا خاله!
ام خالد: يا ربي منكم، تمام بشوف!
سمر وهي تبوسها على راسها: ففخخرررييي!
طلعت ام خالد متوجهه لتركي ...
دخلت للمضيف وكان جالس: تركي تعال!
وقف: سمي؟
ام خالد: ناقص لي كم شي كتبتهم لك على ورقه روح جيبهم!
تركي: بس يمه انا باقي عند سمر لانها مريضه ولازم اكون معها خلي احمد يروح!
ام خالد: انا عندها ما بيصير فيها شي يلا روح!
تركي: تمام انتبهي لها لين ارجع!
طلع متوجه للسوق..
اما سمر جهزت له بوكس صغير فيه التحليل وصوره للطفل وجهاز الحمل مع ورد احمر وورقه مكتوب عليها " جاهز لحتى تصير احلى اب بالدنيا؟ "
رجع تركي ونادت له سمر ودخلته الغرفه بسرعه ...
تركي: بنت شفيك سحبتيني كذا!
سمر: مجهزه لك هديه!
تركي: وش هي؟
شالت البوكس وقدمته له: افتحه!
اخذه منها وفتحه ، فتح عيونه لما شاف الي فيه ومسك الورقه يقرا الكلام ومسك التحليل ويده ترجف ومو مستوعب هالشي ابداً ..
تكلم برجفه: سمر منجد؟؟
شالت البوكس من يده، ومسكت ايديه وابتسمت: مبروك يا احلى من
بيصير اب !
حضنها بقوة وشوي ويبكي من الفرحه، بادلته الحضن بقوه وفرحه..
تركي: مو مصدق وربي كنت فاقد الامل على الاخير وقلت خلاص ما بصير اب! وحتى ابوي سالني وقال ليه للحين ما صار عندكم شي وما كان عاجبه الوضع! بس الحمد الله يا ربي!
انصدمت من كلامه عن ابوه ما توقعت انه يقول له شي نفس كذا ابداً
سمر: الحمد الله صار الي تبيه يا عيني، تعال نقول لهم!
تركي بابتسامه: تعالي
أنت تقرأ
عيناكِ منظومة تحتوي قصائدها
Romanceتتكلم الروايه عن مجموعه ابطال من عيلتين اصحاب منذ الصغر، بعض منهم حب الاخر وبعض منهم واجهتهم صعاب بفتره حبهم وكيف حياتهم بالديره وفعالياتهم مع بعض وصداقتهم القويه من كبيرهم لصغيرهم، والاهم قصه حب بطلنا رائد وبطلتنا اديم الي صار فيها احداث وتضحيات و...
