عيناكِ منظومة تحتوي قصائدها

بارت ٢

صباح اليوم الثاني ...
بعد الفطور البنات بالمطبخ ينظفونه
ام زيد : يا بنات ترا ام خالد مسويه جمعه لنا اليوم والزمت علي تجون كلكم معي ، بسرعه دام خلصنا روحو تجهزو باحلى وافخم تجهيز ابي بنات بيت ابو زيد يطلعو اجمل بنات .
اديم : يمه تكفين انا مابي تعرفين مالي بالجمعات مره .
ام زيد : مو شغلي بتروحين غصب ، يلا قومو جهزو نفسكم بسرعه
الكل : ابشري ، قمنا
بعد ما تجهزو وخلصو نزلهم كلهم للصاله يورون بعض الكشخه ويلبسو عباياتهم ويطلعون
ام زيد لاديم : شذا وش لابسه انتي ! انا قلت البسو فساتين كلكم! ليه لابسه بنطلون وتيشرت ؟؟
اديم : يا يمه مابي! تعرفيني ما ارتاح بالفستان !
ام زيد : معك 5 دقايق ما بدلتي ونزلتي علي بفستان بكنسل الروحه للكل وبعتذر لام خالد وانتي بتجلسين طول اليوم بغرفتك ممنوع تخرجين فهمتي!
طلعت اديم وهي مقهوره ومعصبه ما تبي تبدل وبنفس الوقت ما تقدر تجلس طول اليوم بالغرفه لوحدها
ثواني ونزلت اديم وهي لابسه فستان
ام زيد : ايهه كذا صرتي بنت سنعه يا زين الفستان عليك ..
ابتسمت اديم ابتسامه تسليك وطلعو متوجهين كلهم لبيت ام خالد ..

وصلو واستقبلتهم ام خالد وبناتها وزوجه خالد بكل حب وحراره
ام خالد : يا هلا بالغاليه وبناتها نورتو البيت يا هلا والله
ام زيد بابتسامه : يا هلا فيك حبيبتي منور البيت باهله يا قلبي انتي
بعد ما انتهى طقس السلام على الكل
ام خالد : ادخلو ادخلو نورتو
دخلو كلهم الصاله وجلسو يسالون بعض عن احوالهم وسالفه تجر سالفه
مريم وهي تناظر اديم : ريم شوفي اديم ما شاء الله شكثر حلوة وناعمه ما شاء الله ملامح وجهها مرهه مريحه وكيف شعرها منزلته وطويل وناعم تجنن اسم الله عليها
ريم : من اول اتامل جمالها ما شاء الله تجنن البنت يا حظ الي بياخذها ويتامل جمالها صبح ومسا !
مريم : منجد ما شاء الله عليها
اديم وهي تقرب لزينب : زينب يقلبي ممكن تاخذين لي طريق بروح التواليت ؟
زينب باتسامه : البيت فاضي يا روحي تقدرين تطلعين

طلعت اديم بدون غطاها بحكم انه مافي احد بالبيت
طلعت للدور الثاني وبعد ما طلعت من التواليت راحت تشرب مويه ..
دخل رائد وهو ما يدري انها موجوده ولا هو منتبه لها بحكم انه ماسك جواله ومركز فيه .. نزلت كاسه المويه من يدها وصرخت :خيررر!! وش تسوي هنا !!
لف رائد على صوتها وانتبه لها ، ناظرها وهو مو مستوعب كيف ما حس انها موجوده .
رائد لف وجهه بسرعه واعطى ظهره لاديم ووجهه على الباب : وش تسوين هنا انتِ ؟!
اديم : جيت اشرب مويه ودخلت التواليت وما ادري انك موجود ، زينب قالت لي مافي احد منكم بالبيت
رائد : انا ما طلعت من الصباح عشان كذا يمكن تحسبني مو موجود، واسف لك منجد ما ادري انك موجوده وما انتبهت لك لاني منسجم بالجوال .
رفعت اديم حاجبها : مو مشكله حصل خير ، بس ممكن تبعد لاني بطلع ومو لابسه غطا
لف رائد وجهه على جدار المطبخ بسرعه وارتباك : تفضلي
طلعت اديم وهي ميته توتر وكانت قريبه من ظهره شوي
اخذ رائد نفس عميق ودخلت ريحة عطرها كله بانفه وابتسم وهو يتمتع بالريحه ، كانت ريحه اديم كنها ياسمين وورد ، كانت ريحه جدا عذبه وجميله ومميزه