عيناكِ منظومة تحتوي قصائدها

البارت ٢٥

بعد مرور 6 ايام على ابطالنا مع تجهيزاتهم لزواج فراس وريم وتوتر ريم وفراس الي كان كل يوم يزيد اكثر وخوفهم المستمر من هالعلاقه...

قبل الزواج بيوم .. الساعه 5 العصر ...
دخلت ريوف على المضيف وما كان فيه الا ماجد..
جلست جنبه: ماجد، مجودي حبيبي
ماجد: اطلبي سريع!؟
ريوف: ياخي احبك وانت فاهمني!
ماجد: وانا احبك بس وش طلبك؟
رفعت له بطاقه الدعوه لزواج ريم وفراس وابتسمت ..
ماجد: وش؟
ريوف: تكفى والله من يوم الخطوبه بخاطري تكفى خلنا نقوم لبيت ساره برميه بوجهها !
ماجد: مجنونه انتي! فكينا من المشاكل!
ريوف: تكفى يا ماجد ابيها تعرف انه اخوي تخطاها وبدا حياه جديدة! ابيها تشوف كيف شالها من حياته ودخل ريم وبيتزوج ريم مو هي!
ماجد: لا ولو سمع فراس او ابوي او امي بيعصبون مرهه ف انسي!
بعد اصرار كبير من ريوف الي طفشت ماجد وخلته يوافق غصب ، طلعو متوجهين لبيت ساره ...

بعد ما وصلو ..
ماجد: ريوف بدون مشاكل اعطيها البطاقه وارجعي!
ريوف: افف! طيب فهمت من البيت وانت تقول هالكلام!
ماجد: عشان ما تنسيه، يلا اخلصي روحي!
طلعت من السياره وتوجهت لهم وطقت الباب بقوة ...
فتحت لها ساره: ريوف؟!
ريوف: اي انا!
ساره: شتبين؟!
ريوف وهي تمشي للداخل: جيت اقولك كم كلمه بتصدمك!
ساره: وش؟
ريوف: احب اقولك يالي شايفه نفسها محور الكون عند اخوي، اليوم اخوي شالك من حياته لا لا اصبري هو شالك من زمان بس اليوم مشى خطوة بحياته بدونك، بدون حبك الكاذب! وبدون خيانتك! بدون زعله عليك! اليوم اخوي بيتزوج وحده غيرك وحده تحبه ووفيه وصادقه مو وحده كذابه وخاينه وناكره للعشره! 
ساره: تستهبلين صح؟ فراس ما يقدر يسويها!
رفعت دعوه الزواج بوجهها وابتسمت: سواها! ومو فراس الي ما يسويها!
رمته بوجهها ومشت: وللعلم تراك معزومه بكرا، تعالي شوفي اخوي وزوجته تمام؟
طلعت وجلست ساره على الارض وماسكه دعوه الزواج بعصبيه ..
" صح ما كانت تبيه يتزوجها ولا حبته من كل قلبها بس ما تبيه يكون لاحد، كانت تبي يجلس طول حياته يفكر فيها وحزين عليها بس "

بالسياره ...
ماجد: شصار؟ وش قلتي لها؟ ليه طولتي كذا؟!!
ريوف: يوهه يكثر اسالتك!
ماجد: اخلصي!!
ريوف: ما قلت شي! اعطيتها دعوه الزواج وقلت لها بكرا زواج فراس وانتي معزومه تعالي!
ماجد: صاحيه انتي!! ليه تعزميها واذا جت؟!!
ريوف: احسن خليها تجي تشوف كيف الرجال الي كسرته امس قام وقف وبدا حياة جديده اليوم!
ماجد: افف منك! والله لو قلتي لابوي وامي انه انا اخذتك يا ويلك!
ريوف: ما عليك ما بقول شفيك!!

المسا..
فبيت ابو زيد.. الكل بالمضيف كالعاده ..
ابو زيد: فراس شرايك تسمع كلامي وتطلع لبيت انت وريم لوحدكم؟
فراس: لا! قلت لكم الف مرهه مابي، مابي بيت لوحدنا بعيش هنا عندكم!
ام زيد: بس الافضل لكم تكونو لوحدكم! ويمكن البنت ما تبي تعيش معنا!
وقف: مالي شغل تروح لبيت لوحدها انا مابي! ما بطلع من عندكم!!
تركهم وطلع لغرفته وهو ابداً مو راضي على انه يكون مع ريم لوحدهم ورغم اصرار ابو زي وام زيد الكبير الا انه كان رافض رفض تام ..
ابو زيد: ابلشني هالولد!
زايد: يبه اهدى ولا تضغطو عليه مرهه، الرجال مو جاهز لهالشي وانتو اجبرتوه على الزواج لا تجبروه على البيت بعد!
زيد: كلام زايد صدق، خلوه شوي عندكم وبعدها لوحده رح يطلب بيت لوحده معها!
ام زيد بحزن: يا رب اهديه واجبر قلبه وخلي هالزواج خطوه تغير حياته كلها للافضل!
الكل: امين
ابو زيد: يلا على النوم ورانا زواج بكرا!