الشخصيات :-
عدنان : ظابط بوليس ناجح وذكي ووسيم
سلمي : ظابط بوليس ناجحة و ذكية جدا وبسبب ظروف غامضة تحولت للأرشيف بس هترجع للعمليات تاني عشان تساعد الضابط عدنان فحل قضية انتحار البنات الل قالقة ومحيرة الرأي العام وفعلا هتنجح وتقدر تحل اللغز بس هيكون الوقت فات وحبت عدنان وتعلقت بيه وهو كمان عشقها .
حبيبة : بنت خالة سلمي طايشة ومجنونة وعايشة حياتها مقالب وهزار بس كل ده هيتغير لما تتعرف على عادل اخو عدنان العصبي والغيور .
البارت الاول
في أتوبيس مليان ناس بنت واقفة جنب الشباك ومحشورة بين ستات ضحام وفجأة شافت واحد بيمد ايده لشنطة ست جنبها والست مش واخدة بالها وفيه رجاله شايفينه بس خايفين للحرامي ينتقم منهم بعدين صرخت البنت بعلو صوتها :
حرااامي حرااااامي
وشاورت عليه والراجل اول ما صرخت بعد عن الست وعمل نفسه بيبص من الشباك الل جنبها
البنت والل هي حبيبه : انت يا حرامي ماتستعبطش انت كنت بتسرق الست دي
الحرامي : احترمي نفسك يا ست انت أنا مش حرامي وماسرقتش حاجة
حبيبة : لا أنت حرامي وأنا شوفت بعيوني دول وأنت بتدخل ايدك ف شنطة الست دي ولازم تتحبس يا عم السواق خدنا على أقرب قسم
الحرامي : شكلك مجنونة وجايه تتبلي علي وعاملة شويتين دول علشان تاخدي مني فلوس مين عالم يمكن تكوني شمال وعامله فيها شريفة
راجل جنبهم : يا خوانا عيب الل بتقولوه ده شوفي يا ست انت شنطتك اتسرقت ول لا
حبيبة : مالحقش يسرق أنا شفته قبل ما يسرق
الحرامي بص لحبيبة بنظرة تهديد وبمعنى أنها تسكت بس هي بصت له بقوة وتحدي وبصوت عالي شوية : على أقرب قسم هعمله محضر
وبعد دقائق مشحونة بنظرات الحرامي التهديدية والإنذارية ونظرات حبيبة المتحدية ليه وقف الاتوبيس قدام قسم بوليس الحرامي حاول يهرب والرجال مسكوه ودخلوه القسم
جوه القسم الظابط أول ما شاف حبيبة عرفها وقال بينه وبين نفسه : يا ساتر شكله يوم إسود من أوله
الضابط : خير يا آنسة حبيبة فيه ايه
الحرامي : ايه ده أنت طلعتي زميلة طب مش عيب نقطع على بعضينا
حبيبة : اخرس يا حرامي أنا أشرف منك
الحرامي بسخرية : واضح يا آنسة كئيبة
حبيبة بشهقة : كئيبة
الضابط : بسسسس ولا كلمة ايه جايه ليه يا آنسة
حبيبة : جايه أشهد أن الراجل ده بيسرق ف الأوتوبيس
الضابط : الكلام ده صحيح يا راجل أنت
الحرامي : كدابة يا بيه تلاته بالله كدب وبعدين مش عيب تشغلو البنات مخبرين2
حبيبة بعصبية : أنا مش مخبرة (ةبإبتسامة غرور) أنا بخدم الوطن بلا مقابل
الضابط لحبيبة : عندك شهود
راجل معاهم : أنا أشهد يا بيه
هناك ف مبنى الأمن وبالتحديد ف الأرشيف كانت سلمى كالعادة قاعدة فمكتبها الل عليه كومة ملفات هتنطبع وتتحفظ تحت رقم معين فالأرشيف الشغل ده متعب ومحتاج تركيز كبير .. عم محمود حط كاسة الشاي قدامها وقال :
ربنا يديك الصحة يا بنتي
سلمى ابتسمت ورفعت وشها عن الملف الل بين اديها وردت عليه : ربنا يخليك ليا يا عم محمود طول عمرك بتعرف امتى بعوز الشاي من غير ما أقول
ضحك عم محمود : أنت زي بناتي زينب ووفاء غلاوتكم متساوية فقلبيى
سلمى : يسلم لنا قلبك
وفجأة موبايلها رن فأخدته معلش يا عم محمود مكالمه مهمة عم محمود هز راسه وراح وهي وفتحت الخط وسمعت كلام :
.....ها وهي فين دلوقتي ....... تمام
قفلت الخط وهي بتتنهد بتعب : وبعدين معاكي يا حبيبة كل يوم فقسم وكل دقيقة مصيبة ربنا يهديكي لا ربنا يهدك يا بعيدة4
