البارت التاسع
سلمى ركنت العربية جنب البيت ونزلت منها بتعب هي وحبيبة
حبيبة بابتسامة شقية وهي بتبص للقهوة ال على الناحية التانية من الشارع وبعيد شوية : اسبقيني انت أما أشقر على المعلم شعبان
سلمى بضيق : رايحه فين يا مصيبة سيبب الراجل بحاله
حبيبة ببرائة مصطنعة : روحي يا ناكرة الجميل أنت ناسية أن مراته رضعتنا وبقى بابانا بالرضاعة ولازم نطمن عليه
سلمى زفرت بتعب : طول ما أنت بعيدة عنه هيبقى كويس .. ابعدي بس ومالكيش دعوة
حبيبة بعند : لاء أنا كبرت فدماغي ولازم أروحله
سلمى دخلت عمارتهم وهي تعبانة من أحداث اليوم ومش عارفه هتنفذ الل فدماغها ازاي وكل الل عايزاه ترمي نفسها على سريرها وترتاح .. وحبيبة راحت للقهوة بحماس
المعلم شعبان بحيرة : مش دي برضو حبيبة
محمد بضيق : أيو هي
عبد الله بغيظ : مش كفاية البيت جايه ورا القهوة
المعلم شعبان ربت على كتفه : معلش أجرك عظيم بإذن الله
محمد وهو بيحاول يخفف عنه : بكرا تتجوز وتعقل
عبد الله بنرفزه : ودي مين هيرضى بيها .. شكلها كده مآنساني طول العمر
المعلم شعبان بضيق : لا ماتقولش كده .. ده أنا هعزل لو كده
حبيبة قربت منهم بابتسامة : يا مساء الفل على أحلى رجاله فالحارة
وقعدت على الكرسي : ازايك يا عبدو عامل ايه يا شعبل وانت يا ميدو
محمد بصدمة : ميدو ( وقام وقف ) : أنا هطلع أخد حباية الضغط
عبد الله بتوسل : خدني معاك يا خويا
المعلم بغيظ : علي الطلاق ماحد هيخرج .. عايزين تسيبوني معاها
حبيبة بابتسامة شريرة : أحسن ده انت واحشني يا معلم
المعلم شعبان وهو بيبلع ريقه بخوف مصطنع : كان يوم اسود يوم ما مراتي رضعتك أنا لازم اطلقها
محمد بتنهيدة : لو الطلاق هيفيد .. الحارة كلها هتطلق
حبيبة بدموع مصطنعة : شايف يا بابا بيقولولي ايه
المعلم شعبان بسخرية : اخس علينا اخس روحي معاه يا عنيا روحي
حبيبة بعند : لاء مش سايباك قبل ما اشرب حاجة
عبد الله بغيظ : الله يسد نفسك يا بعيدة ولا يا رمضان جبلها شاي
رمضان : حاضر يا حاج
حبيبة بصت لمحمد : عامل ايه وزهرتي ازايها
محمد بابتسامة : كويسين جدا بقالنا يومين ماشفناكيش
حبيبة بضيق مصطنع : طب راعي أن بابا قاعد وماتقولش على بنته كده
عبد الله باستفزاز : مش زعلان .. خد راحتك
حبيبة بغيظ : كده يا عبد الله بتبيعني ( وبصت للمعلم وابتسمت ) بس أكيد شعبل مش هيعمل كده صح
المعلم شعبان بضيق : قبل شعبل كان ممكن بس بعدها خد راحتك يا محمد .. ربنا يقويك ياعبد الله1
حبيبة بغيظ : لاء بجد زعلت ومش هروح قبل ما اتعشى هنا
المعلم شعبان بابتسامة وحنية : هبعتلك احلى عشى يا حبيبتي روحي ارتاحي
حبيبة بابتسامة انتصار : وعد
المعلم وهو بيضرب نفسه : وعد
قامت جري وطلعت برا للقهوة وهما ضحكو عليها وعبد الله طلع فلوس من ايده ومدها للمعلم
المعلم بغضب : عيييب يا عبد الله دي بنتي زي ما هي بنتك
عبد الله بهمس : بس
المعلم بغضب وضيق : مابسش ويمين بالله إنما رجعت فلوسك لا انت أخويا ولا أعرفك
عبد الله رجع ايده ومحمد رتب على كتف المعلم بابتسامة فخر : طول عمرك جعد وصاحب واجب ربنا يخليك لينا
المعلم بحب : عيب ده أنتو اخواتي واولادنا راضعين على بعض احنا عيلة واحدة مايصحش الل بتقولوه ده
عبد الله بحب : ربنا يخليكو ليا بس البنت حبيبة ساعات بت..
المعلم بابتسامة : طب وحياتي عندك ما انت مكمل .. انت عارف زي واكتر ان حبيبة جواها طيبة وجدعنة مش موجودة فحد وانا والله كانت واحشاني ومفيش غيرها بيدلعني
عبدالله ومحمد ضحكو بصوت عالي وردو سوا : ندلعك احنا يا شعبلل
المعلم بضحك : الله يجازيها ده احنا كبرنا على الدلع
محمد وهو بيعدل قميصه بغرور مصطنع : اتكلم عن نفسك
عبد الله بضحك : اوعى تكون بتفكر تتجوز
محمد بضحك : وليه لاء
المعلم بضحك : ألعب
💝💝💝💝💝💝💝💝💝
حبيبة طلعت للشقة وهي بتضحك وقبل ماتفتح الباب قالت : طب ما أكلم البنت أميرة تيجي تتعشى معايا
طلعت المفتاح والموبايل وفتحت الشقة وهي حاطه الموبايل على ودنها لحظات واتكلمت
حبيبة بحب : ازايك يا كلبة يالل مابقتيش تسألي
أميرة بشوق : وحشتني ووحشني كلامك الوحش
حبيبة : لو كنت وحشتك كنت سألتي ياواطية
أميرة : معلش ياختي ابن عمك مش سايبني فحالي
حبيبة بغيظ : سيبيه وتعالي صدقيني ده مايستاهلكيش
أميرة بضحك : طب والله لأقوله
حبيبة : ياختي قوليله يكنش هخاف .. بس بقولك ايه تعالي اتعشي معانا الليلادي المعلم شعبان هيبعتلي عشى
أميرة : بصي هي فكرة كويسة هقول لصلاح
حبيبة : لامتقوليش للمفجوع بتاعك ليخلص علينا احنا والأكل سوا بصي قلوليه بابا عايزني وتعالي
أميرة : هو مين ده المفجوع يا خنفسه
حبيبة : الله الله شكلك اتعديتي منه
أميرة : بصي أنت زهقتيني وصلاح هيصحى فأي لحظة يلا غوري
حبيبة : غار جوزك يا بعيدة ومفيش سلام
أميرة وهي بتقفل : خليهولك يا ختي
وحطت الموبايل على تربيزة المطبخ وشالت ابريق الشاي ولسه هتحطه على التربيزة جنب البتوغاز حست بضراعات بيحضنوها ابتسمت وحطته بهدوء والتفت لصلاح ولفت ايديها حوالين وسطه وحضنته وسندت راسها على كتفه .. وهو ضمها ليه أكتر
امير بحب : صحيت
صلاح بهمس : عارفة
رفعت عيونها وبصت له بعشق وهو ابتسم وباس جبينها وكمل : كلما أشوفك واقفة فالمطبخ أو فأي مكان في الشقة دي .. بحمد ربنا أنه رزقني بيكي وكتبك ليا
ضمته أكتر وباست رقبته برقة خلته يضمها أكتر وهمست : أنا بحبك اوي
صلاح بعدها شوية ووطى علشان يشيلها وهي بعدت بسرعة : صلاح ما ينفعش ماما برا
صلاح مسك ايدها وشدها والشوق بيطل من عنيه : طب يلا
أميرة وهي بتشيل الابريق : لحظة بس أعملها الشاي
صلاح ضمها تاني ليه وبقى ضهرها ساند فصدره : يلا بسرعة
ضحكت بكسوف وهو بيحرك ايديه على بطنها بجرأة وعملت لها الشاي : طب لحظة بس اوديه
اخده منها بلهفة : لاء هوديه أنا .. ويلا على الأوضة عدل
ضحكت وهو خرج علشان يوديه ورجع لها تاني يحذرها : لو مارحتيش حالا مش هيحصلك طيب
ضحكت وطلعت جري على أوضتها علشان عارفاه بينفذ كلامه وصلاح ضحك عليها وراح لأمه وهو بيقول : عبيطة بس بعشقها
صلاح وهو بيدي لأمه الشاي : اتفضلي يا أمي
سعاد ام صلاح : يزيد فضلك يا ابني
صلاح وهو رايح لأوضته : طب هدخل اريح شوية
سعاد : خير يا ابني أنت مش كنت نايم
صلاح : احم ايو بس هريح شوية
سعاد بمكر : طيب ابعتلي أميرة
صلاح بغيظ : حاضر
سعاد بضحك : ولا ياصلاح ما تزعلش أنا بهزر خد راحتك ياحبيبي
صلاح بابتسامة باس راسها : ربنا يخليك لينا ومايحرمناش منك
ودخل اوضته لقى أميرة بتسرح شعرها قدام المراية قفل الباب كويس وشال المفتاح وخرج سلسلة من جيبه شبكه فيها ولبسها فايده وأميرة ضحكت بكسوف وهي شايفاه من المرايه ..
أميرة بضحك : ليه أخدت المفتاح
صلاح وهو بيقرب منها : علشان ماتستغفلنيش وتهربي زي عادتك قبل ما أشبع منك
وقرب منها بلهفة وشوق بيزيدو كل يوم و شالها وباس شفايفها وحطها على السرير ...
💝💝💝💝💝💝💝💝
عادل بتفكير : يعني هتعمل ايه
عدنان زفر أنفاسه بقلة حيلة : هأجرلها خطيب
عادل مقدرش يمسك نفسه من الضحك وعدنان حدفه بالطفاية بس تفاداها وفضل يضحك وعدنان ابتسم
عادل بضحك : أنت مجنون
عدنان بوجع : مجنون بيها ولازم أفهم هي بتعمل كده ليه
عادل بهدوء وعيون عدنان الجريحه مزعلاه : طب هتلاقي فين خطيب
عدنان بغموض غمض عنيه : عندك أنت
عادل بدهشة : عندي ازاي مش فاهم
عدنان بخبث : صاحبك حسام
عادل بتوهان : حسام ازاي
عدنان بابتسامة وثقة : كلمو أنت بس واديه العنوان وأنا هفهمك كل حاجة
💗💗💗💗💗💗💗💗💗
عدنان بعد عنها بسرعة ووقف بغضب وصريخ ووشه أحمر وعنيه مليانة خيبة ووجع : ليييييه خدعتيني ضحكتي علي أنت مش بني آدمة انت خاينة يا سلمى خاينة
سلمى بدموع وعياط : لاء .. لاء .. غصب عني والله غصب عني .. أنا مظلومة .. مظلومة مش خاينة
عدنان بغضب ودموعه نازلة : أنت طالق يا سلمى طاااالق
سلمى : لااااااا
محمد وزهرة فتحو الباب وولعو النور وابتدو يصحوها وهي كانت بترجف وتعيط
محمد بلهفة وقلق : سلمى بنتي سلمى اصحي ده كابوس
زهرة بقلق ورعب : بنتي حبيبتي مالك فيه ايه
سلمى صحيت وهي لسه بتعيط وحضنتهم سوا وفضلت تعيط كتير
محمد بخوف : فيه ايه بس ده مجرد كابوس
زهرة بلهفة : استني هجبلك ميا تشربي
سلمى بعياط وضياع وخوف ووجع : مش عايزة حاحة ممكن تفضلو جنبي
محمد نام جنبها وأخدها فحضنه وزهرة كمان وأخدوها فوسطهم ونامو على السرير .. ومحمد فضل يملس شعرها بايده لحدما نامت وبص لزهرة الل كانت ماسكة ايدها وبتبوسها بلهفة وقلق وشاور لها أنها تنام هي كمان
💝💝💝💝💝💝💝💝
الصبح فمكتب عادل
حبيبة كانت قاعدة بتفكر فحد مناسب علشان يمثل دور خطيب سلمى .. سرحت ومااخدتش بالها من دخول حسام الل قعد قدامها وهو بيمثل الضيق والزعل
حسام بضيق مصطنع : صباح الخير يا آنسة
وبص بطرف عينه لعادل الل واقف فباب مكتبه وشوية وينط فكرشه
حبيبة بشرود : صباح الخير
حسام لاحظ انها مش مركزة : خير يا آنسة أنت كمان عندك مشكلة زي
حبيبة انتبهت : خير يا مستر حسام مشكلة ايه
حسام وهو بيصطنع الضيق والحزن : عندي مشكلة مادية مزنوق فمبلغ مالي ومستعد أعمل اي حاجة وأفك زنقتي4
حبيبة خطرت ببالها فكرة فابتسمت وبصت له من فوق لتحت وعادل جوه بيغلي وما قدرش يصبر أكتر من كده لما شافها مبتسماله وبتبص له .. ووقف جنبهم وحمحم
عادل بغضب : احم احم
الاتنين التفتو وحسام شايف اد ايه هو بيغلي وشوية وهينفجر واختار أنه يهرب
حسام بارتباك : احم طب عن اذنكم
وخرج وحبيبة بصت لعادل ببرائة وبصت للأرض وهي بتبلع ريقها بخوف منه لما شافت عنيه .. وهو كان محروق ومفروس والغيرة مجنناه بصلها لدقائق ورجع لمكتبه قبل مايتهور ويخوفها .. حبيبة استغربت سكوته وانسحابه من غير ما يتكلم واستغربت عيونه الل احمرت وبقت مخيفة ومرعبة .. بس هو مايكنش عادل لو مافاجأهاش وخالف توقعاتها
قعدت وهي بتزفر أنفاسها وكأنها كانت ماسكاهم و افتكرت كلام حسام وطلعت الموبايل وابتدت تكتب لسلمى ...
💗💗💗💗💗💗
عند سلمى صحيت على حركة فشعرها فتحت عنيها ببطئ لقت باباها مبتسم ليها وبيملس على شعرها ومامتها حاطه ايدها على وسطها ابتسمت بحب وراحة واعتدلت وباست جبين باباها وخد ماماتها
محمد بحنية : صباح الخير
سلمى بابتسامة واسعة : صباح الفل والورد والسكر
زهرة بحب : يسعد صباجك يا بنتي
محمد غمزها من غير سلمى ماتشوفه علشان تسكت وماتحكيش حاجة عن امبارح
محمد : يلا بقى حضرو الفطار
زهرة قامت : يلا يا سلمى غيري هدومك وتعالي
سلمى : حاضر بس انتو جيتو امتى هنا وكنتو نايمين معايا ليه
محمد بص لزهرة وهو بيتكلم عشان سلمى ماتكشفش كذبته : مفيش حبينا ننام معاكي امبارح لو أزعجنا...
سلمى حضنته وقاطعته : ماتقولش كده يابابا ده أنا اول مرة أنام مطمنة ومرتاحة كده من زمااااان
زهرة بابتسامة حزينة : ليه يا حبيبتي ايه الل كان تاعبك
محمد شاور لها أنها ما تضغطش عليها : يلا يلا انا جيعان وعايز أفطر
سلمى ابتسمت وقامت جري على الحمام علشان تستخبى فيه من أسئلة مامتها .. غسلت وشها وهي بتفكر ليه نامو جنبها وامتى دخلو اوضتها وازاي ماحستش بيهم
على السرير محمد شد زهرة ليه ووشوشها : أنا هقولك كل حاجة بس مش دلوقتي لما أرجع من الشغل
زهرة بقلق : لا مقدرش قولي دلوقتي
محمد بتنهيدة : طب تعالي معايا
أخدها وراحو لأوضتهم وقعدو على السرير وزهرة اتكلمت : ها فيه ايه قلقتني
محمد بتنهيدة : بنتك يا ستي بتحب
زهرة بابتسامة : بجد .. مين وعرفت ازاي
محمد : مين زميلها وعرفت ازاي هي قالتلي أول امبارح بس فيه مشكلة
زهرة بقلق : خير مشكلة ايه
محمد : بتقول متجوز
زهرة وهي بتضرب صدرها : يا لهوي يالهوي
محمد : اهدي بس
زهرة بغضب : اهدى ازاي يا حبيبتي يا بنتي
محمد : اهدي عشان تفكري وعشان ماتسمعكيش
زهرة بزعل وهي بتوقف : حاضر
محمد اضايق انها زعلت ومسك ايدها وشدها قعدها فحضنه وضمها لصدره : حبيبتي عشان خاطرها ماتزعليش1
زهرة بدموع : هي ليه مش بتحكيلي ليه بتحبك أنت أكتر
محمد بابتسامة : الحكاية مش بتحب مين أكتر .. الحكاية أنها بتخاف مني ومابتقدرش تكدب علي وخايفة من زعلي منها .. إنما أنت الصدر الحنين الل كلنا بنستخبى فيه وبنسى همومنا جواه ( وبعد وشها شوية عن صدره وباس جبينها خدودها وشفايفها )
زهرة وهي بتبعده : مش وقته
محمد وهو بيشدها أكتر ليه وبيبوس رقبتها : لا وحياتك أنا مصمم أعوض ليلة امبارح
زهرة بتضحك وبتزقه : عيب يا راجل ولادك برا
محمد : تعالي بس
زهرة زقته بكل قوتها وطلعت جري وهي بتضحك ومحمد تابعها بنظرة حب وضحك بصوت عالي : ياحلاوتك يا مربرب
سلمى كانت بتحط الفطار على السفرة وشافت زهرة خارجة من اوضتها بتضحك : بتتشاقي ع الصبح يا زهرتي
زهرة ضربتها عل كتفها : عيب يا بنت
سلمى وهي بتغمزها : يا حلاوتك وأنت غضبان يا جميل
زهرة قعدت : يا مثبت العقل والدين
محمد خرج وقعد جنبها وغمز لها وهي بصت لناحية التانية وابتسمت بكسوف
زياد وهو بيقعد جنبهم : صباح الخير
الكل : صباح النور
كملو فطار ومحمد راح لشغله وزياد لمدرسته وسلمى قعدت قدام التلفزيون زهرة جت وقعدت جنبها : خير يا سلمى أنت مش رايحه انهارده الشغل
سلمى : لا أخدت أجازة انهارده
زهرة بخوف : ليه يا حبيبتي مالك
سلمى بهدوء: تعبت وماليش مزاج أخرج انهارده
زهرة وهي بتقوم : طيب أعملك شاي معايا
سلمى : ياريت يا ماما بس مش عايزة أتعبك اقعدي وانا هعمله
زهرة بحب : ارتاحي وأنا هعملك واحد انما ايه على نار هادية طعمه مش بيتقاوم
سلمى : اي حاجة بتعمليها بتكون لذيذة اوي ومانقدرش نقاومها
زهرة : تسلميلي يا حبيبتي
زهرة قامت تعمل الشاي و سلمى فضلت بتتفرج على التلفزيون دقايق وسمعت رنة موبايلها أخدته من تربيزة صغيرة قدامها وفتحت تطبيق الواتس ولقت رسالة من حبيبة " فيه شخص فبالي "
ردت عليها " مين"
" مستر حسام بيشتغل معايا .. شاب طول بعرض ومحترم "
" وايه الل خلاكي تفكري أنه مناسب "
" بيقول أن عنده أزمة مادية ومستعد يعمل أي حاجة علشان الفلوس "
" مش كفاية .. جايز يبعنا لو اندفع له أكتر "
" ماافتكرش أنه كده .. قابليه واحكمي "
" هو مش صاحب عادل "
"مش عارفة بس جايز لل مابينهم شغل وبس"
" طيب كلميه خلينا نتقابل "
" اوكي" حطت الموبايل جنبها وهي بتفكر : طب لو قال لعادل وعادل قال لعندنان هعمل ايه
ليه بس ما جايز مايكونوش معرفة اوي
بس صعب دول بيشتغلو فنفس الشركة يعني عدنان هيلاقي معلومات عنه بسرعة .. بس فكرك يا سلمى أن عدنان لسه بيفكر فيكي أكيد هينساكي ويسيبك ومش بعيد يعزمك على خطوبته بكرا أو بعده ( ابتسمت بوجع ) أحسن هو يستاهل واحده أحسن مني .. من حقه يلاقي الل تشرفه ويبقى رافع راسه بيها .. يارب يكون سعيد ومبسوط .. يا رب اسعده وفرحه أنا جرحته اوي امبارح .. وقلبي وجعني عليه .. بس ماقداميش حل تاني
زهرة قربت منها ولاحظت الحزن والزعل الل ملا ملامحها وسرحانها .. وقلبها وجعها عليها .. حطت صينية على التربيزة وقعدت جنبها وأخدتها فحضنها وسلمى ماصدقت وحضنت مامتها جامد
زهرة بحنية : معلش كله بيعدي وبكرا تنسي
ضمتها أكتر وفضلو دقايق ساكتين وزهرة كملت : بس أنا زعلانة منك ليه ماقلتليش يعني باباكي أقرب لك مني
سلمى ابتسمت ومسحت دموع نزلو غصب عنها وباست ايدها : لا ياماما مش أقرب لي منك بس ماجتش فرصة
زهرة : المرة دي بس هعديها أنما بعد كده أي حاجة تيجي تقولي على طول
سلمى بابتسامة : حاضر
💗💗💗💗💗💗💗💗
عند حبيبة راحت لمكتب حسام وخبطت وهو أذن لها تدخل .. دخلت بهدوء
حبيبة : مستر حسام
حسام : أهلا يا حب قصدي آنسة حبيبة
حبيبة ابتسمت وافتكرت ان عادل غصبه يقول آنسة واتكلمت : شكرا يا مستر بس فيه موضوع لو فاضي بعد الشغل
حسام بتسائل مصطنع : خير
حبيبة بارتباك : يفضل بعد الشغل وكل الل هقولهولك أني عندي اقتراح لحل مشكلتك
حسام بتفاجا مصطنع وفرحه : بجد يااا ريت
حبيبة : طيب تمام بعد الشغل ف مطعم*****
حسام بابتسامة : اوكي تحت أمرك
حبيبة : عن إذنك
خرجت وحسام استنى لما تأكد أنها تكون وصلت مكتب عادل وبعت له رسالة " هنتقابل بعد الشغل "
عادل قرا الرسالة ونط واقف وراح يشوف حبيبة فين لقاها قاعدة على مكتبها بتراجع ملف .. تنهد بارتياح ورد على حسام " فين"
حسام ابتسم ورد " امشي ورانا وأنت تعرف " وقفل الموبايل وهو بيضحك : والله لأجننك يا عادل
فتح الملف الل قدامه وقبل ما يبتدي قرايه لقى حد بيشده من قدامه ويضربه بيه
عادل بغضب : هتقول ولا ادفنك هنا
حسام بضحك : كده وتبوظ خطة أخوك
عادل بغيرة : ما تبوظ ولا تولع ذنبي أنا أيه تدخلوني ما بينكم ليه
حسام باستفزاز : واحنا كلامناك ولا جينا جنبك انت الل داخل علي زي القطر
عادل لف ليه وحسام راح لناحية التانية : أنت مصر بقى
حسام بضحك : بهزر والله بهزر هدي نفسك ياقطر واستهدى بالله
عادل بغيظ ونرفزه : هتتقابلو فين يا بارد يا لوح
حسام باستفزاز : وليه الغلط ده
عادل مسك خناقه وكور ايده عشان يضربه : أنا هعرف بطريقتي
حسام بسرعة : لحظة مطعم ***** ابعد عني ده أنا لسه مادخلتش دنيا وشكلي كده يا داخل مستشفى ياداخل سجن منكم لله
عادل زقه : اتكل أنت وادخل وماتخفش وراك رجاله
💗💗💗💗💗💗💗💗💗💗
بمكان بعيد وتحديدا ف إيطاليا
كان قاعد فشقته بيشوف الأخبار وبيدخن سجاير وهو بيفكر فالماضي وازي هينتقم لعمه .. صوت صديقه خرجه من شروده وفوقه
جابر : لسه مصمم على الل فدماغك
عماد بتنهيدة : اتخنقت ومابقتش قادر أصبر أكتر من كده
جابر بتفكير : خلاص كل الورق هيجز بكرا ( سكت وعماد هز راسه بآه وهو كمل ) : ولآخر مرة هسألك أنت متأكد أنك تقدر ترجع
عماد : جدا لازم آخد حق عمي منها
جابر : بس هي ما كانتش تعرف أنه عمك وأنت كنت طالع معاها فالعملية ده غير أن اللعبة الل اتعملت عليها ما كانتش سهله4
عماد بغضب وحقد : تستاهل كنت ناوي أكسر مناخيرها بس هي طلعت وسخه قتلته
جابر : أمال كنت مستني منها ايه بعد الل عمله تاخده فالحضن بصراحة طلعت بمية راجل وانتقمت لنفسها
عماد بغضب اسود : ماعدلوش فايده الكلام ده
جابر بتحايل : ليه بس يا صاحبي هتضيع نفسك ماتسيبك من كل ده وتنسى وت...
عماد قاطعه : أنسى ايه أنسى عمي الل مات وهو بيوصيني أخد له حقه .. أنسى أني بقالي سنة عايش فجحر فار وأن الكل فاكرني ميت مش هنسى وهاخد حقنا منها تالت وامتلت
وقام وقف جنب البلكونه وعيونه اتملت غل وحقد : جايلك يا سلمى جايلك
💝💝💝💝💝💝💝
محمد رجع من الشغل ولسه هيدخل العمارة سمع حد بيناديله
عدنان : دكتور محمد دكتوور
محمد وهو بيلف : نعم
عدنان : ازاي حضرتك انا كنت مستنيك
محمد : الحمد لله خير يا ابني أنت تعرفني
عدنان : ايو طبعا أنا عدنان زميل سلمى وعايز أتكلم معاك بعيد عن البيت بعد إذنك
محمد ..........
يتبع ........
