ကြည့်လက်စ ရုပ်ရှင်
နားထောင်လက်စ သီချင်း
ရေးလက်စ ကဗျာ
အစစ ရပ်တန့်သွား
ခိုက်ခိုက်တုန်နေတဲ့ အဖျားကို
ရာသီတစ်ခုစာ သယ်ဆောင်လာခဲ့တဲ့ဝေလငါး
နက်ရှိုင်း ပင်လယ်
တသားတည်းဖြစ်ပြီအထင်နဲ့
ကောင်းကင်အထိ ပေါ့ပါးပစ်ခဲ့တယ်
ခဲနေတဲ့ အသည်းတစ်ခုရဲ့
ခုန်သံယဲ့ယဲ့တောင် မကြားရဘဲ
ရင်ဘတ်ကို ဆွဲစုတ်
နေရာအဟောင်းဆီ တစာစာအော်မြည်
ထိတ်လန့်ခဲ့ရ
နေကောင်းကျန်းမာ အမှာစကားများ
လွမ်းနေတဲ့တောင်တန်းဆီ
ပြန်မရောက်နိုင်တော့တဲ့ ကဗျာ။
ပယ်ရီ
