စိတ်တွေ အိပ်မက်တွေ

၀၉

-ဝေဝေဝါးဝါး-

နွေးစရာအကြောင်းတရားတွေ
သိပ်ရှားပါးတဲ့ကြားက
ဝေးရမယ့်အဖြစ်သနစ်တွေ
ခပ်စိပ်စိပ်နဲ့ တိုက်စားလာခဲ့ပုံကိုတွေးမိ
စွန်တွေကြိုးပြတ်သွားပုံကိုငေးပြီး
မင်းဘဝအပေါ် အရိပ်မထင်နိုင်ခဲ့တာဟာ
ထင်တာထက်ခက်ခဲ့တယ်လို့
ငါ့မှာရှိရှိသမျှကံကောင်းမှုတွေ
မင်းအပေါ်ပဲ ဝဲလျက်‌ရှိပါစေ
ငါ့ရဲ့ခံနိုင်ရည်အားကိုသုံးပြီး
ဘဝခလုတ်ပေါ် သာ၍ရှိပါစေ
လွဲချော်သွားခဲ့ရရင်လေ
ပျော်မှာလေလားလို့
ငါမညှိရဲခဲ့တဲ့ ဂီတာကြိုးတွေကို
မိုးတွေဖြိုင်ဖြိုင်ရွာစ တစ်ညမှာ
မင်းလက်ဖျားတွေ သွေးပေမှာစိုး
ငါ့ရဲ့ ဝေဝါးနေပုံတွေကို မညီမညာစီကုံး
ဂယောက်ဂယက်ဖြစ်ရတယ်
ဝေဝါးနေပုံတွေကို။

ပယ်ရီ