" يسير بهدوء ونبالة،لكــنه جريح 💔🍃"-جزء 2-"

"34..... لَيّتُ آلَجَـروِحً مِثًـلَ آلَمِطٌر،تُزَوِلَ وِلَآ تُتُرك آثًـر 🌧 "

.
.
.
.
.
.
.

"بمكان ثاني"

لسات الصدمه ماخذه حقها فيهم.

ابو مشاري: تكفون لاتعلموه هو امني على هاالسر ويقول سامحوه بحقه ولاتنسوه من الدعاء.
ابو سامي انقهر كن السماء والارض ضاقت بصدره هذا كان حال الكل.
ابو سامي: يعني وش..الحين منجدكم بيصير كذا ابو مراد اخونا بيروح خلاص..تكفون كذبوني.

م احد استرجى يتكلم وهم يتمنون ان هذا يكون كابوس وبيصحو منه.

_____________

وصل للحديقه وهو يدور بعيونه وينه لفتت انضاره سيارته الي واقفه بعيد عن المكان المخصص لها..
والحديقه تقريباً فارغه لان الوقت اصلاً مب وقت تماشي وكذا.

نزل من سيارته وتوجه لسياره سامي..ناضره من بعيد وشافه من خلف الزجاج ساند راسه ع الدركسون بهمّ..
تنهد فهد لحالة سامي: اااه ي سامي الله يكون بعونك.

راح لعنده ودق الزجاج.
ناضره بعيون محمره قهرت فهد من داخله.
سامي مسح وجهه بكف ايده ونزل الزجاج: وش تبي.
فهد: سامي افتح الباب ابي اكلمك.
سامي: تكفى ي فهد مب ناقص احد قدرو وضعي وخلوني بحالي تكفون تراني تعبت والله العظيم.
فهد ربت عكتف سامي بهدوء عكس الحزن العميق الي داخله: عشان كذا اقول لك الله م ينسى عباده ي سامي تذكر ان الله اذا حب عبداً ابتلاه..وانت قل الحمد لله وتشكر يجزاك الله بكل خير ياخوي..هيا تعال للمسجد خلنا نصلي ركعتين لله وادعي ربك ي سامي.

سامي حس بتأنيب الضمير جد حس نفسه مقصر مع ربه بشكل يعور قلبه.
سامي: طيب.

رفع الزجاج ونزل من السياره وتوجهو الاثنين للمسجد.

______________

باالصاله قاعدات الحريم..باالنسبه للرجاجيل كانو باالديوان اما الشباب طلعو يغيرو جو بوسط دبي.

ام يزن: والله الجو يجنن وش رايكم ي حريم.
ام مشاري: اي والله معك حق.

ام فهد صاحت: ي رواااان وين راحو ذول البنات الله يهداهم بس.
ثرياء قاعده معاها ولدها: هههه اضنهم يلفو شو مانكن شايفات اديه الفله تاخذ العقل.

/ للتذكير..ثرياء زوجة فهد /

ام مشاري: ههههه والله صادقه ثرياء الفله جد حلوه.
ام فهد ضحكت: ههههه اقول ريان ي حياتي تعال.
راح لعندها: هلا جده.
عطته جوال: خذه لجدو ب الديوان زين.

ريان: طيب.

وراح.
ام مشاري: خير ي ام فهد.
ام فهد: ماكو شي بس نسى جواله معي بعدين بيطالب فيه خليني احطه له الحين احسن.
ضحكو: هههههههه.

ام فهد: اقول الحين خلو البنات ينزلو من السطوح نطلع السوق نشوف اذا ناقصنا شي قبل العرس ولا وش شايفين.
ام مشاري: معك حق.