/لطفاً لايك قبل القراءة وتعليق يسعدني 💛🍃/
.
.
.
.
.
.
ورجع سامي للمزرعه ودخل لجناحه.
تروش وطلع شافها داخله الغرفه.
ريتاج: خير سامي وش صار على نوره.؟
سامي انضاق من سؤالها..قعد ع السرير بهمّ: م ادري وش اقول لك ياريتاج.
ريتاج قعدت جنبه: وش صار.؟
قال لها كل القصه.
ريتاج حزنت على نوره: ونوره خاشه علينا كل ذا.!؟
سامي: اي نعم لو اني ماسمعتها باالغلط م كنت دريت بشي.
سامي: الله اخذك لعندها ياسامي جد كان الموضوع لازم يطلع.
سامي ناضرها باابتسامه حزينه: اوديكِ لبيت اهلك.؟
تذكرت وحزنت بس مابينت: اي اذا فاضي.
سامي: لاتحاتي اقدر افرق وقت..البسي عبايتك لين اجهز نفسي.
ابتسمت بتسليك: انشاء الله.
اخذت عباياتها وجهزت حالها.
وسامي نفس الشي مع انه وهو يسوي ازرار قميصه يحس بشي غريب شعور يمنعه ياخذها يتردد..ناضرها كيف تلبس وتجهز حالها ويفكر: وش فيني ليه ذي الضيقه.!(حط ايده عصدره بضيق وسحب نفس) ياالله.
ريتاج لاحظت عليه راحت لعنده وحطت ايدها ع ايده الي عصدره بخوف حسبت فيه شي: وش فيك انت بخير.؟
ناضرها: ريتاج.؟
ريتاج: عيونها.
سامي: لازم تروحي اليوم لبيت اهلك م تقدري تأجلي.؟
استغربت: ليه.؟
سامي شاح بنضره: ماكو شي بس ضايق مابي اخذك فيه شي يمنعني..كني خايف من شي م ادري وش هو..بس الله يجعله خير.
ابتسمت بحزن ودموعها تحاول ماتبينها: لاتحاتي ماكو شي من الي براسك.
حط ايده ع ايدها وابتسم والهمّ باين بعيونه: م ادري وش اسوي من دونك وم ابي افكر..
حست ان كلامه يعورها بشكل كبير: سامي بلا هاالغزل الحين خلنا نروح.
سامي: ليه مستعجله.؟
ريتاج: ماكو بس ورانا مشوار طويل.
سامي: لاتحاتي انا اوديكِ ع الموعد.
ريتاج: زين يله.
رتبت شماغه وثوبه واخذت العطر ورشت عليه..ابتسمت بحزن: تدري انت وش.؟
ابتسم وهو يحس بلمساتها الي أسرت قلبه على ثوبه: وش.؟
ناضرت عيونه: شبية القمر.
زادت ابتسامته: يعني حلو.؟
ريتاج: قمر.
ضحك: هههه زين يلا ياشمس.
وراح اخذ جواله وهو يطالعه.
حست ان دموعها بتنهار بلحضه هي تحبه بس مجبوره تسوي كذا.
اخذت شنطتها: سامي يله انتضرك باالسياره.
سامي: لحضه.
ناضرته وهو راح لعندها.
وقف قدامها: سمعتي ثلاث ايام بس.
ريتاج نزلت عيونها:......
سامي لاحظ الحزن فيها: ريتاج.؟
ريتاج ماسكه نفسها باالقوه عشان ماتبكي.
حط ايده عخدها: ريتاجو وشفيك متغيره احسك مب عبعضك.
ريتاج: لا ماكو شي بس ابي اطول مب ثلاث ايام احسها قليله.
سامي: زين وش اسوي انا بفراقك ترا م احتمل دقيقه مجنونه انتي تبقي اسبوع.؟
ريتاج بنفسها: وش بتسوي لو دريت اني بقعد طول العمر هناك.
ناضرته وحطت ايدها ع وجهه: سامي.
سامي: عيون وقلب سامي.
ابتسمت بحزن: احبك.
ابتسم: وانا احبك بعد واكثر مما تتصوري..
حضنته وبلحضه خلاص انفجرت بكي.
انصدم وخاف يكون فيها شي: ريتاج.!!
حاولت تمسك نفسها وماتبكي اكثر من كذا بس م قدرت كل م تتذكر انها بتفارقه ويمكن معاد بتشوفه تنقهر وتحس بخنقه تذبحها.
أنت تقرأ
" يسير بهدوء ونبالة،لكــنه جريح 💔🍃"-جزء 2-"
Misterio / Suspenso"تكملة الجزء الاول من روايتي" يسير بهدوء ونبالة، لكنه جريح 💔🍃" /الجزء الاول موجود بقائمة قرائتي وشكراً 💛🍃/ /طبعاً حسابي الاول انحذف ل اسباب شخصيه وم قدرت اكمل الروايه والحين خلصتها من هذا الحساب. 💙/ "للكاتبه: اسيرة الصمــت ♡•♡" "وصية وداع" كن...
