رواية قسوة زماني

((((((البارت *الحادي عشر ))))))

/
/
/
في المزرعه
قامت بخمول وكسل وهي تحس راسها بينفجر على غير العاده رغم انها نايمه من بدري رمت للحاف ونزلت من السرير حطت يدها على راسها وهي تحاول تركز والغرفه حولها الظلام ماغير ضوء اللمبات فالحوش الي يطل عليه شباكها متسلل باندفاع لها ناشر شوي نور خافت صوت الحشرات الليل مختلط بضجيج السيارات ونسمة هواء الصباح تدخل مداعبه خشمها لفت تطالع ساعة المنبه بعبث الساعه3:55 مابعد اذن لصلاة الفجر حمدة الله في سرها انها قامت في هالوقت ولاسحبتها نومه عن الصلاه راحت صوب الباب بخطوات واسعه وهي تستغفر وتردد بينها وبين نفسها (استغفر الله الذي لا اله الا هو واتوب اليه ))مدة يدها. ومسكت مقبض الباب حتى تفتحه بهدوء وتطلع وعلى طول توجهت لغرفة جدتها وفتحت الباب بشويش ولمحت جدتها نايمه ومغطيه نفسها على سريرها الكبير والي تصميمه يميل للتراث. ومايبان منها شي ابتسمت ورجعت خطوتين حتى تسكر الباب تثاوبت بتعب وراحت صوب الحمام تتوضى حتى تكون على طهاره من تسمع الاذان ومن توضت دخلت المطبخ وحطت ابريق القهوه والشاهي على النار وجلست على الكرسي ومالت براسها على طاوله كل شي يملاه السكون في هذه لحضه نزلت ايديها لتحت الطاوله ومابقى ظاهر غير كتوفها وراسها غفت حتى تصحى على صفاره الابريق بعد ماغلى الماي وهو له فتره يصفرر بس ماحست من التعب ومعه اعتلى صوت اذان الفجر في كل مكان اجواء روحانيه مع طله هالصبح وصوت العصافير يتردد ويعانق كفوف الفجر قامت بكسل وقصرت على النار رفعت يدها وصارت تحك شعرها بملل وبصوت شبه مسموع((لازم اروح اتوضى من جديد واصحى جدتي تصلي وتصحي هالدجاجه معها )) كان واقف عند الباب وابتسم لكلمتها الاخير
فهد ///لايكون انا الدجاجه
صمود ///التفتت بخوف وحطت ايدها على قلبها بسم الله انت من وين طالع
فهد ////ضحك بصوت عالي اسم الله عليك شايفه جني ليش خفتي كذا
صمود ///الشخص اذا دخل مكان يسوي اي شي عشان ننتبه انه موجود مو يدرعم كذا.
فهد ///انتي الي مو حاسه بالعالم انا جالس بصاله من يوم طلعتي من غرفتش بس عقلش مو معش
صمود ///ناظرته بنظرات مو مصدقه كلامه وصارت تتكلم بينها وبين حالها ((شكلي فقت عقلي صدق ))مرت من جنبه ولا كلمته
فهد ///ابتسم وطلع يتوضى ويصلي

صحت الجده وصلت صلاتها وجلست على سجاده تستغغر وتدعي طلعت صمود من غرفتها يمه القهوه جاهزها وين تبينها بصاله والا بالحوش
الجده ///طلعيها بالحوش يمه الجو براد وزوين.
صمود ///ناظرت جدتها وبمهس يمه وين ولدك من بعد الصلاه مختفي
الجده ///اذا عرفتي ولدي ايش يقرب لش واحترمتيه علمتش ي قليلة الحياااا قومي عني لا ب هالعصا
صمود ///رفعت حواجبها فوق ولوت فمها ايش دعوه كليتيني بقشوري عشان ولدش الي مثل الدجاجه لافايده ولامنفعه
الجده ///قامت ومسكت العصا اجل ولدي ي الي ماتستحين صمود لما شافت جدتها فزت بعصاها هجت ركض للمطبخ وسكرت عليها
الجده ///استغفر الله ماعرفو يربونش بس انا اربيش ي الي ماتستحين
فهد دخل معا باب الصاله افا ايش فيها الغاليه معصبه معا صلاة الصبح قرب وباس راسها صبحش بالخير والعافيه يمه
الجده ///صبحت بنور ي نور دنياي
فهد //جلس جنب امه ليش معصبه
الجده ///من طويلة لسان الي ماتستحي
فهد ///ابتسم صمود
الجده ///ومن غيرها وضربت كتفه بالعصا قوم وقومني نطلع بالحوش بذا الجو زين
فهد //قام وساعد امه ومسك كتفها وصارو يمشون وهي تتحسب على صمود وصمود بالمطبخ تحط الدله وابريق الشاهي بصحن وتحط التمر وتسمعها وتبتسم. هذي جدتي اذا عصبت ماتخلي دعوه الا تقولها بس ادري مو من قلبها كل هذا عشان هالي مايتسمى طلعت الغلطانه وهو الصح توه يتذكر الديره وهو هايس طول عمره قال خالي يخسي هو وهم بعد ومسكت الصينيه وطلعت ولقتهم جالسين تحت الشجر الي قريب من باب البيت وقربت منهم وحطت الصينيه وجلست قدامهم ومدت الفنجال للجده
الجده //تخزها بعيونها عديه على خالش بعدين علي
فهد ///لا والله عندش ي الشيخه
صمود //ناظرتهم كلها فنجال يعني مرده بيشرب ليش شوي وتاكليني
الجده ///مسكت العصا بس فهد كان اسرع منها وسحبها خلاص يمه روقي بزر ماتفهم وضحك
صمود ///بزر بعينك ي دجاجه
فهد ////تمونين ي عيون الدجاجه وضحك على حركاتها
الجده // صبي وانتي ساكته
صمود ///يمه ايش فيك علي من يوم صحيتي شكلك متحلمه فيني ي شيخة قلبي وغمزت لها
الجده //سفهتها وصارت تسولف معا فهد وصمود ما اعجبتها حركت تطنيش وقامت تتمشى بالمزرعه ودقت على تهاني