…………همسه……………
لا أدري أكنت أحبه أم كنت أكرهه، ولكنه كان يملئ مستقبلي كله ، وكان يملئ جميع تنبؤاتي عن الحياة.
………D………
" كُلُّ ما أريدُ قولَه في هذهِ الرسالة هو أنّي أُحبُّك، أُحبُّكِ وأحلمُ بك، وأنَّ حياتي مثلُ عملةٍ نقديَّة، وأنتِ الوجهُ الثاني منها."
رجع ابو ماجد للبيت بعد غياب يومين
دخل البيت ولقى الجده بصاله جالسه تقهوى
ابو ماجد /السلام عليكم
الجده /عليك السلام هلا بالغالي حي ذا الحس الي ملى البيت نور
ابو ماجد //ابتسم اليوم شكل الوالده رايقه ونزل وباسها على راسها
وجلس جنبها
الجده /مدت له الفنجال سم
ابو ماجد /تسلم يمينش
التفت لها وين الاهل مالهم حس
الجده /نوره فوق عند بنتها مرتفعت حرارتها شوي
ابو ماجد /حط فنجاله وقام من الي مريض
الجده /مابه خلاف ي ولدي بس حراره
ابو ماجد /اي وحده فيهم
الجده /شروق
ابو ماجد /مشى وطلع فوق دق باب الغرفه
كانت شروق منسدحه وامها بدورة المياه
ابو ماجد /شروق
شروق /التفتت على مصدر الصوت وبصوت تعبان يبه
ابو ماجد /قرب منها /ي عيون ابوك وقرب وجلس جنبها وباسه على راسها ايش صاير لش ي عيوني ويش الي خلاك كذا
شروق /مافيني شي لاتخاف علي بس حراره وتروح
طلعت نوره ام ماجد من دورة المياه /سليمان متى جيت
التفت عليها ابو ماجد /توي واصل وقام وسلم عليها ايش حالش وحال البنات وايش فيها شروق
ام ماجد /مافيها الا العافيه شوي ارتفعت حرارتها
ابو ماجد يمسح على شعر شروق ويناظر فيها ابو ماجد لاحض شي على عنق شروق وسحب شروق لعنده ولمس مكان الجروح الي سببها ماجد
ابو ماجد /التفت ل حرمته ايش هذا ومن الي مسوي كذا بنتي وانعفس وجه من العصبيه
ام ماجد برتباك /ولدك
ابو ماجد /قام من مكانه وماسمع باقي كلامها ودخل غرفة ماجد الي كانت مثل الثلج من التكيف وهو نايم ابو ماجد مسك كاس المويه الي على طاوله وكبه بوجه ماجد
ماجد /فز وناظر في ابوه ايش صاير
ابو ماجد /قرب منه وعطاه كف من متى والرجال يمد ايده على حرمه ماربيتك كذا وهجم على ولده وماجد ما قاوم وابو ماجد ماوقف وصار يضربه بكل مكان دخلت ام ماجد والجده وسحبو ابو ماجد الجده /انت صاحي تبي تذبح ولدك
ابو ماجد /خليني اربيه واعلمه علوم الرجاجيل
ماجد /قام وسحب ثوبه وشماغه وخذا جواله وقبل يطلع التفت ل ابوه خل بناتك ينفعونك
ابو ماجد /اطلع لا انت ولدي ولا اعرفك ولدي ماربيته كذا
ام ماجد /تبكي تكفى ي سليمان لا الخوان يصير بينهم كذا تكفى ولدي بموت من دونه
ابو ماجد /سحب نفسه وطلع لغرفته
الجده /احسن خليه يتربى ولاتدخلين بينهم مردهم بيرضون بس ماجد لازم يحس بخطاه ولايسوي مثل حمد الي معذب هذيك الضعيفه ومكرها عيشتها وسالم ما يقول ل حمد ولا رباه عدل بس سليمان بقلبه رحمه وبناته خط احمر
ام ماجد /ولدي غلط ادري بس هذا ضناي كيف اعيش بدونه
الجده /ضربتها بالعصا انتي صاحيه مسويه لي دراما ماتعرفي ولدك انه حافي منتف ومرده يرجع لش روحي صوب زوجش جاي من السفر وكذا استقبلتو ولدي حسبى الله بتموتونه
ام ماجد /ويش سوينا ي عمه
الجده /ربي عيالش بدال الفر من بيت لبيت
ام ماجد /ابتسمت على عصبيتها واحس مهما عصبت قلبها طيب ومستحيل ازعل من كلامها بعكس اختي شيخه ماتتحمل منها حرف انا اعتبرها امي ما اشوفها ام الزوج الي تفرض رايها بعكس شيخه دايم تقول انها خرابت بيوت وماتحبنا. الله يصلح الحال خلني اروح ل. سليمان وقامت ورتبت غرفة ماجد وطلعت
أنت تقرأ
رواية قسوة زماني
Romansaروايتي الاول. الفكره الاساسيه من تاليفي والاحداث بعضها تكون اقتباس من روايه اخرى وتكون متشابه با الافكار الكاتبه.......الغيد عبدالله......
