رواية قسوة زماني

••البارت الاول ••

ماجد:: حمد انت ايش سويت ذبحت الرجال
حمد::ب يد ترتجف وملطخه بالدم ورجفه تسري بكل جسمه مكان قصدي اذبحه ي ماجد ايش نسوي وطاح على ركبه يبكي وملابسه كلها دم
ماجد::تعال معي قوم بسرعه قبل الشرطه تجي

كت كت كت نرجع للوراء قبل سنه

صمود:: ايش ذا تعب احس كل جسمي مكسر فتحت عيوني بعد تعب وارتفاع حراره وماقدرت انام بالليل لماصارت بتقوم حست بشي صغير نايم جنبها والتفتت وبلحضه ابتسمت على شكله وكيف هو نايم جنبها وقربت منه وباسته على خده عزوز عزوز يله اصحى ي روحي بتتاخر على دوامك
عزوز:: توه يفتح عيونه ويستوعب المكان وبلحضه فز وقرب من صمود
عزوز:: ثمود كيف ثرتي (عنده حرف الثاء مشكله )
صمود:: صرت احسن ي روحي وانت ليش نايم معاي اخاف تمرض
عزوز:: لاتحافي انا رجال ما. امرض
صمود:: يا فديت الرجال والله يله قوم بدل وننزل نفطر بتتاخر علي المدرسه
عزوز:: اف ثمود ما ابي المدرسه انا حايف عليش حليني اكون معاش واذا تتعبي اكون معاك
صمود:: عزوز اعرف الحركات ذي يله قوم قدامي لا اعضك يله
عزوز:: مد البوز وزعل وطلع
صمود :: ي فديته وفديت حنيته مايحن علي ويخاف علي غيره صح صغير بس احسه كبير وتصرفاته دايم احس انه سند رغم صغر سنه دايم اذا مرضت القاه معي ودايم عمتي تعصب علي وتغلط ماتبيه يكون قريب مني تقول ابغا اذبح عيالها استغفر الله لازم ابدل وانزل تحت اشوف ابوي قبل ينزل واسوي فطور للتوام

....................
بنفس البيت بس بغرفة ريم
ريم: يمه ايش اسوي لا الولد ولا امه ولا اخته يبوني صمود تعجبهم اكثر مني
ام حمد: :وانتي شايفه الفرق بينش وبين صمود انتي اجمل منها بكثير ولازم تشوفي لش ححل اذا صمود اخذت فيصل لاتلومين الا نفسك انتي تعرفي ايش تسوي
ريم: يمه ايش اسوي اقول حبني غصب لاتحب اختي وبعدين مدري ايش شاف فيها انسانه معقده وتقرف وتشبه امها
ام حمد: الله ياخذها مثل ما خذا امها وارتاح
ريم: يمه لاتدعين مايجوز
ام حمد ;انتي ولا كلمه قومي جهزي نفسش العصر بنمشي ل خوالش
ريم: وناسسه وناسه بس صمود من بتجلس معاه دام جدتي مو هنا
ام حمد: ويش علي فيها تجلس معا الشغاله وانتي تعرفي المشوار لخوالش مره بعيد وبناخذ ثلاث ايام وابوش معنا وصمود حمد بيكون موجود والشغاله معها وخليها تطبخ ل لولدي
ريم: الي تشوفينه يمه

طلعت ام حمد ودخلت غرفة التوام وماحصلت حد ونزلت ولقتهم بالمطبخ على طاوله ياكلون عزوز وعبود وصمود.
ام حمد:: عزيز انت وين نايم البارح
عزوز: بعرفتي
ام حمد: من متى صاير تكذب علي والاهي علمتك وناظرت صمود بنص عين
صمود; ولدش نام عندي ولو حسيت بوجوده ماخليته ينام معي لاني اخاف عليه وفي قلبي رحمه ماهو مثل غيري
ام حمد: ويش قصدك ان مافي قلبي رحمه والزمي لسانش اذا صرتي تكلمين الي اكبر منش وبمقام امك
صمود: امي لاتجبين طاريها لانش ماتسوين مواطي قدمها
ام حمد: والله وطلع لش لسان ي بنت امش الله ياخذش مثل ما خذاها وارتاح
صمود: مايهمني كلامش وامي ابعدي عنها وخلي الميت يموت ناس مريضه وسحبت الكرسي وقامت تبي تطلع بس سحبتها عمتها بيدها ودفتها. ام حمد: قبل تطلعين خلصي شغلش الخدامه عندها شغل والمطبخ ابيه نظيف ولا ابي اشوف شي والا راح اقول ل حمد ويتصرف معش
صمود: كتمت غضبها وابتسمت وتدري ان الابتسامه تقهرها
.................................
عند ابو حمد بالشركه دخل فيصل
فيصل: صباح الخير ي عمي
ابو حمد صباح النور ي ولدي عسى ماشر ليه انت هنا الوالد فيه شي
فيصل: لايعمي الوالد بخير بس جاته شغله خارج الرياض وقال اجي واساعدك اذا تحتاج شي
ابو حمد: لا ي ولدي يعطيك العافيه انت عندك شغل وانا بخلص الشغل. وبعد الظهر بحاول استاذن عندي مشوار. بودي الاهل