رواية قسوة زماني

((((البارت *الثالث عشر ))))

لك الله ياعين مالها في المنام نصيب
ولك الله ياقلب عجز يدل درب ربعه

ولك الله ياقلب انكسر من اقرب قريب
ولنا الله ونشكر الله حتى على النكبه (:

/
/
/
اليوم ...هو اليوم الموعود …اللي راح تتغير فيه اشياء وتتضح فيه النوايا وتنكسر قلوب وكيف بتتعامل شروق مع واقعها وكيف بيكون القى بينها وبين حمد

…………
في الصباح والشمس بدت تسلل من وراء الستائر كالعاده وتعلن يوم جديد في حياة ابطالي صحت شروق وهي تحس بصداع وضيقه خانقتها اخذت ملابسها ودخلت تاخذ لها (شور) طلعت من الحمام ولبست جنز رصاصي مع بلوفر اخضر وجلست عالتسريحه تزين شعرها المبلول ناظرت بالساعه الي بجوالها كانت 10:00 خلصت ونزلت لقت امها وابوها بصاله
ابو ماجد //هلا وغلا ببنيتي
قربت وباست راسه وردت بدون نفس هلا فيك وجلست قريب من امها الي مبين عليها الضيقه على حياة بنتها الي تدمرت قدامها وماتقدر توقفهم
شروق /// يمه ايش فيك
ام ماجد /// ولا شي ي بنتي قومي جهزي حالك بتجي النقاشه الحين
شروق //يمه نقاشة ايش
ابو ماجد //انا طالع عندي كم شغله نص ساعه وراجع
شروق ///ناظرت امها بقهر ايه وليش نقاشه ولويه انا يالله مخليه الامور تمشي وغاصبه حالي تجين تزيدينها علي
ام ماجد ///ناظرتها بعصبيه صوتك لايرتفع على امك وثاني شي مو انا الي طلبتها وقومي يله لاتخلين اعصابي تتلف واخربها والله اسويها
شروق ///خذت نفس وقامت تمام يالغاليه وحقك علي وباست راسها وطلعت فوق

………بعد صلاة الظهر ………
بمجلس الرجال …مكان اجتماعهم الجو متوتر ويدين ماجد بقبضتها يكتم غيضه وقهره وقلت حيلته بعد ما عطاه ابوه الخبر وهو معصب لانه يعرف سوالف حمد هو شريكه بكل شي بس حمد رائس المصايب ومايتمنى اخته تاخذ واحد مثله ومثل حمد وتنظلم معاه كان هو وابوه بالمجلس ومابعد وصل احد عمه ولده باقي بطريق
ابو ماجد ///ماجد ي ولدي كلمت المأذون
ماجد //ايه بعد العصر بيكون موجود
ابو ماجد ///زين قوم تفقد القهوه والضيافه قبل يوصل حد
ماجد //حاضر يبه

………وداخل عند البنات ……………
شوق جالسه تزين المكيب لشروق وتشوف يدينها بأعجاب //وش هالحناء الحلو هذا. متى امداك تحطينه
شروق //اليوم الصبح جات نقاشه. مرسلتها خالتي قالت حرمة ولدها لازم اطلع قدام صاحبتها بحلتي الكامله
شوق //معليش منها من زين صاحباتها
شروق //بس ما احبه الحناء بيدي محبه يعني السالفه غصب
جود ///كانت تسرح شعر شروق يا خيتي رجعت على الحناء حياتك ومستقبلك قررو عنك بس ربي معاك
رهف //خزت جود وجود ناظرتها
جود ///ايش فيك تخزي ماقلت شي انا
رهف //لسانك الطويل هذا يبي له قص غبيه وطقتها براسها
جود //وجع ي حيوانه راسي
شوق ///بس انتي وهي قومو خلصو حالكم وانا بخلص شروق وبجيكم مابقى شي ويوصلون الناس تاخرنا
جود ورهف تمام يله قربت رهف وباست شروق
رهف ///مقدر اتحمل هالجمال والله
شروق ///ابتسمت لها ونزلت راسها
وشوق بدت تخلص باقي شغلها