رواية قسوة زماني

((((البارت *الثاني عشر ))))

صحى فيصل على صلاة العشاء التفت وكانت الديوانيه كلها ظلام ونور من الشباك خفيف داخل وفيه اصوات ضحك بالحوش قام واخذ شماغه ودخل الحمام. وتوضى وطلع يصلي ويقضي المغرب خلص صلاته مشى وفتح الباب التفتو كلهم لصوت الباب
فيصل //سلام عليكم ايش جايبكم
خالد وناصر بصوت واحد ///عليكم السلام قام ناصر وسلم على فيصل وجلسو
فهد ///صب ل فيصل فنجال ومده ايش ذا النوم كله ي ولد
فيصل //حطيت المنبه على صلاة المغرب وماحسيت فيه
خالد ////وين ي رجال مابقى حد ماصحاك حتى امي العوده
فيصل ///ماحسيت عليكم
فهد ///ايش في صوتك
فيصل ///شكله بداية تعب
فهد ///ي رجال خذ لك شي دافي ويروح شرك
فيصل ////التفت جنبه ايش حال نويصر واخبار الدراسه ويش مسوي 
ناصر ////والله كل شي طيب والدراسه باقي شهر ويبدا الترم الجاي ونرجع لها
فهد ///هانت كلها ترم وتخلصو
ناصر وخالد ///الله كريم
فيصل ///ترم عند الوالده سنه احسبه
خالد ///هههه عاد هذا قلب الام
فهد ////الله يخليها لكم
كلهم بصوت واحد امين
فيصل ////ايه وين جدتي مالها حس
فهد ///داخل كانت جالسه ودخلت تصلي وتجلس معا البنات
فيصل /////يوووووه ذكرتني خالد سيارتك معك
خالد ///لا جيت معا ناصر
فيصل ///لاتقولها
خالد ///ليش علامك
فيصل ////اختك هنا ولازم ترجع البيت عندها دوام بكره ومن المزرعه الى الجامعه مشوار وتعب
خالد ////ولايهمك عطني سيارتك وبردها للبيت وانت اذا بداوم خذ سيارة فهد
فهد ////من قال بعطيه سيارتي وحط ايده فوق راسه وريح ظهره على المركا
فيصل ////معليك منه هذا مفتاح سيارتي اذا تعشيتو توكلو
قام فيصل ////بروح اشوف جدتي
فهد ////عطهم خبر البنات داخل
التفت له فيصل وعطاه نظره ضحك فهد على نظراته. خالد وناصر قامو يلعبون سوني وفهد سرح وعرف الي كانت العصر كانت اخت فيصل ويعرف انهم ثنتين ومايدري اي وحده الي شافها وابستم لما تذكر شكلها وكلمتها لما قالت الجده تغطي مسك جواله وصار يلعب فيه

في بيت ابو ماجد

دخل سليمان (ابو ماجد) ولقى ام ماجد بالمطبخ
ابو ماجد ///سلام عليكم
التفت عليكم السلام متى وصلت
ابو ماجد ///توي واصل جهزي القهوه والغداء. اخوي سالم بالديوانيه واذا جهزت عطوني خبر
ام ماجد ////ابشر شوي وكل شي جاهز
ابو ماجد ///وين البنات محد يساعدك
ام ماجد ////توهم رادين من المدارس وشروق طلعت تسبح وشوي وتنزل
ابو ماجد ///يعطيكم العافيه لااتتاخرو عندي شغل العصر
ام ماجد صارت تحرك الملعقه انت ارتاح وكل شي عندي
دخلت شروق وسلمت على ابوها
شروق ///اشتقنا لك يالغالي
ابو ماجد ضمها تتشاق. لش العافيه ي يبه كيف صرتي وليش مو مداومه اليوم
شروق //اليوم عندي اف وقلت اساعد الوالده
ابو ماجد ///ها شمري يبه وخلصو غدانا عمك عندي اليوم
شروق ////من عيوني يالغالي
مشى ابو ماجد ودخل الديوانيه
ابو ماجد ///يالله تحيه نور المكان
ابو حمد ///منور ب هله ي خوي
ابو ماجد ////ها ي سالم امرني قلت تباني بموضوع مهم
ابو حمد ///موضوعي انا جايك طلاب ي خوي وانشاء الله ماتردني
ابو ماجد ارتبك ومد الفنجال ل اخوه ابشر بالسعد اذا لي قدرتن عليها
ابو حمد ////شف ي خوي انت تعرف ولدي وكلنا عارفين حمد وانت عارف ان بعض الحريم يغيرو الرجاجيل وحمد يبي من تغيره وضع ولدي ماهو عاجبني وسويت كل شي وعجزت ي خوي وعندي حل وبذن الله منت راد طلبتي
ابو ماجد ////ي خوي الي تطلبه تبشر به انت الكبير وكلمتك تمشي علينا كلنا بس الي بخاطرك اذا صار بنظلم شخص ماله ذنب وانت تعرف ولدك وبعض الرجاجيل مايتغير ي سالم
ابو حمد ///حط الفنجال شروق ذكيه وعاقله وكبيره ي سليمان وراعية دين وادري ان ولدي مايستاهلها بس بتاخذ اجر فيه ويتغير على يدها وقبل كل هذا انت عارف وصية كبارنا وبنات عايلتنا ما ياخذون الا عيالنا
ابو ماجد ////بس شروق ي سالم ماتستاهل تاخذ حمد وحمد وماجد وضعهم انت عارفه
ابوحمد ///هذا الكلام خلاصين منه وهذا مطلبي ومنت رادني
ابو ماجد ////مدري ايش اقول لك جاتك بس البنت وامها مراح يرضون وامي ي سالم
ابو حمد ////امي الي طلبت شروق ل حمد تبيه يتغير ولو شروق مو كفو ما اختارتها امي ي سليمان
ابو ماجد ////حط ايده على راسه مايقدر يرفض طلب اخيه وصعب يرمي بنته هارميه ومايقدر يوصل لها انه عطاها بدون رايها (((وهاذي ضحيه ثانيه بالعايله يقررو عنها حياتها بس الفرق بين شروق وصمود كبير بختلاف الشخص والحياه )))
اندق الباب ودخلت ام ماجد وشروق ورحبو في ابو حمد وقربت شروق وسلمت علي عمها ونجبو الغداء وتغدو
كانت ام ماجد وشروق وشوق بالمطبخ جالسين يتغدو
دخل ابو ماجد وغسل يده وناظر شروق يبه اذا خلصتي تعالي عمك يبيك
شروق ناظرت في امها واختها
شروق ///ليش يبه. ايش صاير
ابو ماجد ///ولاشي يبه خلصي وتعالي
شروق ///سم طال عمرك
شوق ///يمه ايش
ام ماجد ///والله مدري بس فيه سالفه ومردنا نعرفها والله يستر
شروق ///انقبض قلبها وما ارتاحت وقامت غسلت يدها
ام ماجد ///يمه كملي غداك
شروق ///شبعت يمه وسوت ابريق شاهي ومشت للديوانيه وماتعرف ايش ينتظرها