نوره
طالبه جامعيه في سنتها الاخيره تنقلها جامعتها لمستشفى امراض نفسيه و عقليه لتتم تدريبها هناك
الدكتوره: الحين وصلنا للمستشفى و ياريت تلتزمون بالهدوء و كل واحد فيكم يحصل المريض المناسب له يعطيني خبر حتى اكلم اداره المستشفى و عندكم من ندخل و اعرض عليكم المرضى الين نتكلم مع الاداره حتى تختارو المريض الي تبونه و اذا طلعنا من المستشفى و واحد فيكم ما اختار رح يرسب و لذلك انتبهو لاختياراتكم لان مارح تغيرو مريضكم الا اذا المريض طلب ذا الشي ، و يله تفضلو انزلو الحين
ساره : نوره متوتره
نوره : ما الومك حتى انا زيك
ساره : يخوف الوضع
نوره : لا تخافي لا تخافي احنا الي طلبنا ندخل ذا التخصص و لازم نتحمل قراراتنا
ساره : الله يستر
نوره : يله مشينا
نزلو و هم ماسكين بيد بعض
تاكدت الدكتوره من الحضور و بعدها دخلو
كان المستشفى كبير و فيه امن كثير و دكاتره اكثر دخلو و صارو يمرون من عند غرف المرضى
صارت الدكتوره توريهم المرضى و تعطيهم كم معلومه عن كل مريض و كانو الطلاب يختارو بسرعه و ما كان فيه مجال لنوره انها تختار الي تبيه
الدكتوره : هذا المريض اسمه احمد صار له هنا ٤سنين عنده صدمه بسبب وفاة اهله اجته الصدمه بعمر ٣ سنين و زادت عليه ضروفه الي عاشها وهو طفل الين كبر مين فيكم يشوف نفسه انه مستعد انه يتعامل معه
ساره و نوره بنفس الوقت : انا دكتوره
الدكتوره : وحده فيكم بتاخذه مين
نوره : خلاص دكتوره خلي ساره تاخذه انا بشوف غيره
الدكتوره: تمام بس لا تفرحين ما باقي غير اثنين
نوره : ما عليه
الدكتوره سجلت اسم ساره و كملت كلامها وهي تقول :
فيه هذي المريضه و هذي بعمر ٥٦ عندها مرض عقلي و عندها هلوسه و بسبب صدماتها اجاها خرف مؤاقت و ملفها مختوم بالشمع الاحمر بس كلمت الاداره و وافقو يعطونا اياها حتى تتعاملون معها و الي بيتعامل معها هي و المريضه الثانيه رح يحصل مني شهاده خاصه و رح يشرفني اني اسهل له حصوله على الوضيفه في اشهر المستشفيات الي يبيها
و فيه هذي الثانيه حاله خطيره و حتى هي مختوم ملفها بالشمع الاحمر و هي اساسا ما تخلي احد من الدكاتره يتحمل يجلس معها و تطفشهم و احيانا تعتدي عليهم هاه نوره وش قلتي ايهم تبين
ساره : الله يعينك كلهم يخوفون بس ايهم تختاري
نوره : يمه وش ذا معرف مين اختار
ساره: سوي قرعه
نوره : لا ما يحتاج بس المشكله ذي كبيرة سن و ما اعرف اتعامل معها و ذيك الثانيه خايفه تقتلني وش اسوي
الدكتوره : يله خلونا نروح للاداره الحين و ما تنسي يا نوره لو طلعنا من هنا رح ترسبين
سكتت نوره و صارو يمشون لمكتب الاداره حتى يكلمونهم اكثر عن المرضى
و نوره ابد مو معهم و قاعده تحاول تقرر مين تختار فيهم
طلعو من الاداره وهي باقي ما اختارت
الدكتوره : نوره بعد الين خمسه حتى تقرري و ولو خلصت عد رح ترسبي مفهوم
صارت الدكتوره تعد و لما قربت من رقم ٤
نوره : رح اختار المريضه حمده
الدكتوره : تمام
ساره : الله يعينك يا عيوني عندك اي وصيه ؟
الدكتوره : بكرا الساعه ٥:٠٠ تكونون بالجامعه مفهوم رح نروح بالباص كلنا و كل واحد فيكم بيقابل مريضه
الطلاب : ان شاءالله
ساره : امشي امشي وش المصيبه الي جبتيها لنفسك انتي امشي خل نروح لسكن
راحو الثنتين و نوره يدها ع قلبها من بكرا و ايش ممكن يصير خايفه تودع حياتها وهي توها صغيره ما تبي تموت على يد مريضه نفسيه و عقليه و فوقها ملفها مختوم يعني الله يستر وش هي مسويه
ساره بمزح : قومي صلي و ادعي ربك تعيشي بكرا
نوره : ساره بالله مو وقتك ما تشوفيني كيف شوي و اموت رعب و تجين تزيديني
ساره : هذي الي ينتضر للاخير تستاهلي
نوره : لولا الله ثم انا ولا كان انتي الي اخذتي واحد فيهم
ساره : اي والله صادقه تعالي خل احضنك
حضنتها و كل وحده راحت لشغلها و ينتضرو بكرا
