عند نوره الي فتحت عيونها و حصلت نفسها في مكان كبير و كانه مستودع مهجور
جاها صوت ضخم لشخص واضح انه كبير بعمره نوعا ما
: صح النوم
نوره : مين انت
: مين انا ، من وين ودك ابدا
نوره : وش جابني هنا وش سويت انا
: شوفي بسئلك سؤال واحد او يمكن اثنين و ابيك تجاوبي عليها بسرعه و يدون لف و دوران
نوره : انا ما عندي شي تسئلني عن ايش
: وين الخاتم
نوره : خاتم !! اي خاتم الي تتكلم عنه و خاطفني علشان خاتم
: بدينا يعني ،، اسمعي انا ما ابي ااذيك ف تكلمي وين الخاتم اذا ودك تضلي حيه
كانت نوره ميته خوف من الشي الي يصير
: اي خاتم وربي ما اعرف وش تتكلم عنه
: يعني تفكري اذا بكيتي رح تخليني اطلعك بدون ما تعطيني الخاتم ؟؟
نوره : وربي ما اعرف وش تتكلم عنه
: شكله ما تمشين بالطيب انتي
قرب لها وهو يشد شعرها : وينه
كانت عيون نوره غرقانه بالدموع من خوف الي يصير : ما ادري اي خاتم ما اعرف
صفقها كف و مسكها مع فكها : بتتكلمي ولا كيف
كانت تبكي و تشاهق ولاهي قادره تنطق كلمه من قوة الكف و الخوف الي فيها
كانت تحس بزي الصفير عند اذنها من قوة كفه
ضل يضربها بكل مرا تنكر معرفتها بمكان الخاتم الي يبيه
:رح ارجع لك و اذا ما تكلمتي رح تموتي فاهمه
ماردت عليه كانت تناظره وهي شبه مغمى عليها طلع من عندها و شدد عليها الحراسه بعد ما جاه خبر عن الحراس الاثنين الي كانو يحمونها من طرف محمد
في مكان ثاني
الياس : طال عمرك حصلنا السياره الي كانت فيها انسه نوره و وصف لنا شكل الرجال الي تهجمو عليهم و لحسن الحض ان سيارته فيها داش كام و ذا ساعدنا نحصل لوحات السيارات و باقي نتتبعها
محمد : كويس ابيك تطلع السيارات من تحت الارض و لا تتحركون الا وقت اعطيك خير و اي شي يصير معكم قولي
الياس : حاضر طال عمرك
محمد : تمام كمل شغلك
يزن : محمد نوره لا يصير لها شي انت عارف مين ذا الي ماسكها
محمد : هدي ترا سلطان توه مبتدئ ولا يعرف كيف يشتغل عدل
يزن : ايش الي مبتدئ هذا كان واحد من شركاء سعود المقربين كان يده اليمين بكل شي
محمد : بس ذا ما يعني انه عارف كل الشغل و بعدين لو يعرف ما كان حط نفسه في مكان غلط و هاجم رجالي و سرق نوره
يزن : محمد استوعب كلامي الله يخليك انت عارف مين سلطان و مين سعود
محمد : ما عليك عارفهم اكثر من معرفتك لهم و ولا يهمك نوره بترجع لحضنك وهي بخير
يزن : يارب يارب ،، اذا قدرو رجالك يطلعو الرقم او يعطوني انا اطلعها
محمد : انت اهدى وهم بيسون شغلهم
في مكان ثاني
صحت و صارت تتحسس السرير بس ما حصلت احد قامت ع طول وهي تناظر حولها و ما حصلت احد قامت من مكانها و طلعت لغرفة دانه فتحت الباب و ما حلصت نوره
دانه : هلا بغيتي شي
سراب : وين نوره
دانه : مدري اجاها اتصال بعدين قالت انها بتطلع
طلعت سراب بدون ما ترد عليها و اتجهة لساره
سراب : ساره
ساره بارتباك : هلا سراب وش فيك
سراب : وينها نوره
ساره : اااا نوره طلعت اي طلعت قالت عندها شغل و طلعت
لاحضت لرتباك الي قدامها و تكليجها حست ان فيه شي غلط : ساره نوره وينها
ساره : مدري قلت لك انها طلعت
سراب : ساره الكلام الي وصلني غير الي تقوليه
ساره بتوتر : سراب اسفه بس مدري وش اقول
خافت سراب و حست ان فيه شي صاير بجد : قولي وش فيه
ساره : نوره انخطفت
حست بصدمه و توسعت عيونها على كلمة
ساره
سحبتها من ياقتها بدون شعور و دفتها على الجدار : وش تقولي انتي كيف انخطفت مين خطفها
ساره : سراب بعدي بتكلم بس بعدي
