نوره : ما تقدرين تسوين لي شي
وقفت سراب وهي تقرب لنوره الين وقفت قدامها بضبط و رفعتها من الكرسي وهي ترجع فيها للجدار
سراب : لك حرية الاختيار يا تموتي مخنوقه يا تطلعي الحين و تقولي انك مو كفو حتى تعالجيني و ما عاد اشوف وجهك
نوره : بعدي عني
سراب : وش قلتي
نوره : بعدي عني ولا بطلب الامن
سراب : اوه تهددين بعد
دفة نوره سراب : بكرا بنبدا علاج مريضه زيك لازم تتعالج
ضحكت سراب وهي تقول : خفتي مني
نوره: تخسين
سراب : ابي نكمل الجلسه يله
نوره : لا
سراب: رح اقول للاداره ترا
تنرفزت منها نوره و قاعده تقول بداخلها : وش ذي المختله تطلب ما عاد اعالجها و الحين تقول نكمل الجلسه تستهبل ولا ايش
جلست نوره على كرسيها وهي تقول : عرفيني عليك
سراب : ايي شاطره كذا
نوره : خلصي
سراب : اسمي سراب و عمري ٢٦ و صار لي هنا تقريبا 5 سنين
نوره : تمام خلص يومنا الين هنا
سراب : لا ما خلص باقي وقت و بعدين ما سئلتيني وش سبب وجودي هنا
نوره : وش سبب وجودك هنا
سراب : حتى اخلص عليك
حست نوره بخوف من كلمتها فوق الخوف الي تحس فيه من اول ما دخلت الغرفه
ضحك سراب وهي تقول : اول مرا اشوف دكتوره متكشخه بذا الشكل الي يشوفك يقول رايحه لحفله مو مستشفى
سكتت نوره و ما ردت عليها
سراب : يله تقدري تطلعي
نوره : اشوفك بكرا
سراب: يصير خير
طلعت نوره وهي حاطه يدها على قلبها : صدق مريضه وش ذي الي ابتلشت فيها كانت تمشي وهي تكلم نفسها و استوقفها اليد.الي انلفت على خصرها خافت و ما جا في بالها الا سراب او حمده و لما لفت حصلت ساره
نوره : الله يخرشك زي ما اخرشتيني على بالي انك العجوز
ضحكت ساره على وجه نوره الي يضحك : وش فيك خايفه كذا هدي هدي
نوره : كيف اهدي و انا في القسم الي فيه ذيك العجوز
ساره وهي تضحك : احح مسويه لك رعب شكلها
نوره : بالله مو وقتك و بعدين وش جابك هنا انتي
ساره : خلصت و قلت امرك
نوره : اي و كيف الوضع معك
ساره : يجنن الولد لطيف كثيررر بس عنده صدمه بسيطه و ان شاءالله بيتخلص منها مو شي كبير , و انتي وش صار معك
نوره : حضي خايس من دخلت ذا المكان
ساره : افا ليش وش فيك
نوره : غيرو العجوز بوحده معتله جد
ساره : ليش وش صار
قالت لها نوره الي صار و ساره ضلت تضحك
ساره : الا كيف شكلها
نوره : من الخوف حتى شكلها ما شفته لو تطلع بوجهي الحين ما بعرف مين هي
ضحكت ساره عليها و طلعو من المشفى و راحو لسكن ضلت نوره تفكر كيف رح تخلي سراب تتكلم و كيف رح تقضي ذي السنه مع مريضتها و كيف رح تعالجها وهي معقده و كانت يائسه من انها تنجح في الماده
صباح اليوم الثاني
تروشت نوره و لبست لبس بسيط كثير حتى ما تعلق سراب على لبسها و حطت روج و تعطرت و طلعت اخذت لها قهوه و راحت للمشفى
وذي المرا حصلت سراب منسدحه على السرير
دقت نوره الباب
سراب : ادخلي ادخلي
نوره : سلام
سراب : يله ابدي
نوره : طيب ، وش السبب الي خلاك تدخلي هنا
سراب : جاوبتك امس
نوره : اتكلم بجد انا
سراب : و من قال لك اني امزح
تاففت نوره من عناد سراب من انها تجاوبها
نوره : طيب وش الاكتفتي الي ودك نسويه و يعجبك
سراب : انك تسكتين و تتركيني اكمل شغلي
نوره : اي شغل و انتي منسدحه كذا
سراب : ما تعرفي تسكتي
نوره : اجلسي عدل طيب خل نشوف لك حل
سراب : قلت لك اسكتي
نوره : ما جيت علشان اسكت
سراب وهي تعدل جلستها : وش تبين الحين
نوره : ابي اعرف وش حالتك بضبط حتى اسجل عنها و اسلمها لدكتورتي و افتك
سراب : اووه يعني انتي باقي طالبه
نوره : اي
سراب : و انتي تفكري نفسك رح تعالجيني عرفت ان ما عندك سالفه من شكلك
نوره :لو سمحتي ردي على اسئلتي و خلينا نخلص جلستنا لليوم
سراب : اكتبي اي كلام بورقتك و رح يصدقونك
نوره : وش الالوان الي تحبينها
سراب : وش ذا السؤال
نوره : سؤال و خلاص
سراب : ما عندي لون محدد
نوره : طيب وش اكلتك المفضله
سراب : ما عندي
نوره : طيب وش.....
قاطعتها سراب وهي تقول : ما عندي شي انا لا تسئلي اكثر تطفشين ترا و بعدين وش ذي الدكتوره الي تسئل كذا انتي جايه تدخلي بعلاقه ولا تعالجي
نوره : لو سمحتي احترامي نفسك و ذا شغلي و انا اعرف فيه
سراب بستهزاء: واضح تعرفي
نوره : تعاني من اي صدمات طفوله او مراهقه
سراب وهي ترجع تنسدح : ياربي ذي ما تسكت
نوره : لو سمحتي اجلسي عدل
سراب : متى بتفكيني منك
نوره بداخلها : وش الغبيه ذي تقدر تقولهم انها ما تبيني
شكلها ما تعرف النظام افضل خلني ساكته حتى احصل الوضيفه بسرعه و شهاده بعد الله يا نوره من قدك ضامنه الوضيفه و انتي باقي طالبه
