وصلت لسكن و الحرس حولها دخلت و اخذت بوكس و حطت فيه ملابسها و كم غرض و لما خلصت كل اغراضها اتجهت لدولاب و ناظرت تحته و سحبت ضرف صغير و واضح عليه قديم كثير خبته عدل و اتجهت للحرس الي شالو اغراضها و اتجهو مرا ثانيه للقصر بعد ما اتجهت لكم محل و اخذت لها اغراض ناقصتها
وصلت للقصر و جلست على سريرها بينما الخدم يدخلون اغراضها
طلبت من الخدم يتركو الاغراض هي بترتبهم وافقو و طلعو
شردت لثواني وهي تفكر في سراب : هي الغلطانه هي الي سكتت افف ياربي وش اسوي فيها
قطع تفكيرها صوت الحارس : انسه نوره
نوره : هلا
الحارس : محمد طلب مني اسئلك اذا تبين تغيري ديكور الغرفه حتى اجيب لك مصمم ديكور
نوره : مين الي مسويها
الحارس : صمم الغرفه ذي المصمم...
نوره : لا اقصد مين اختار انها تكون بذا الشكل
الحارس : سواها محمد على حسب ذوق انسه سراب زي ما يقول
نوره : اها ، لا اتركها كذا حلوه
الحارس : امرك
طلع وهي نزلت على ركبها عند اغراضها صارت تطلع كم لبس حتى ترتبهم كانت تبي تشغل نفسها باي طريقه حتى ما تفكر في شي
عند الي كانت سرحانه و تفكر في نوره
عبدالله : انا بروح و افكر في حل و ان شاءالله بتطلعي
سراب : ابي اطلع بسرعه عبدالله طفشت هنا ٥ سنين
عبدالله : بنطلعك ما عليك ،، يله انا ماشي
سراب : الله معك ، عبدالله
عبدالله : هلا
سراب : زيد.حرس عند نوره اتباعك اقوى
عبدالله : يا ذي النوره ان شاءالله ولا يهمك
طلع وهي تناظره و تبتسم اتجهت لغرفتها وهي كل تفكيرها بنوره كانت مرتاحه من جهة ان نوره في امان عند محمد بس كانت خايفه من فكرت لقائهم وش بيصير ما تبي ترجع لنقطة الصفر مع نوره
عند نوره الي لفت انتباها صوت الاتصال الي جايها
رفعت الفون و حصلت رقم غريب يدق عليها
نوره : الو
: هلا بنوره كيفك
نوره : هلا مين معي
: احح ما عرفتيني ما توقعت رح تتخطي الي سويته لك بذي السرعه
توسعت عيون نوره و حست الزمن وقف فيها وهي تسمع الصوت و ميزت الشخص من كلامه عرفت انه سلطان و على طول سكرت في وجهه خافت من فكرت انه وصل لرقمها كانت ترجف من الخوف خصوصا ان اتصالاته ما وقفت كل شوي
اتصل لاخر مره و ردت نوره وهي تمثل القوه
: خير وش تبي ما كفاك الي سواه محمد فيك
سلطان : محمد ذا بوريه بس الحين شغلي معك انتي
نوره : رح يوصل لمحمد اتصالك ذا و بنشوف وش بتسوي وقتها اذا وصل لك
سلطان بستهزء : احح ليش قاسيه كذا انتي اسمعي بتفق معك اتفاق تمام و انتي سوي الي تبينه
نوره : ما بينا اتفاقات
كانت بتسكر بس استوقفها كلامه : تبين تشوفي ابوك و تحاسبيه على الي سواه
و تحاسبي سراب و عبدالله و محمد بعد لان كلهم لهم يد بالي صار لك
او خل اجيب لك الكلام من طريقه ثانيه
سراب و محمد و ساره ويزن و عبدالله كلهم يسعون ورا ورثك يبون يوصلون لابوك و فلوسه محمد يعرف عن قصتك والكم شخص هم و زيدي عليهم انا
ف وش رايك نلتقي و نتكلم شوي و اثبت لك كلامي كله انه صح و اذا ما صدقتيني يمديك ترجعي بيتك و وعد ما ااذيك
نوره : وش دخل ساره و يزن و وش عرفك فيهم اساسا
سلطاز : يووه طلعتي بجد ما تعرفي حقيقتهم هم بعد،، لا تاكدت الحين انهم يلعبو عليك
نوره : ما تفكرني بسمع لكلامك مو غبيه انا
سكرت نوره بوجهه وهي مو مستوعبه شي من كلامه
ضلت تفكر وش عرفه في يزن و ساره و وش يقصد في انهم يلعبون عليها
حست بصداع من كثر التفكير ف تركت الي بيدها و اتجهت لسريرها تحاول تنام
و بعد محاولات كثير قدرت تنام
