اتجهت لغرفتها و اتصلت على محمد
محمد : هلا سراب
سراب : محمد اسمع لا تسمح لنوره انها تغير البيت
محمد : ليش وش صاير
سراب : سمعتها تقول ليزن انها تبي تطلع من عندي
محمد : وش مسويه انتي
سراب : ولا شي
محمد : تكلمي سراب يله
سراب : ما صار شي بس تدلع
محمد : تدلع اجل ،، شوفي لك اسبوع حتى تعدلي اسلوبك معها تمام ألين قالت لي الي تسوينه معها
سراب : محمد لا تدخل في الي بينا
محمد : تمام اجل بيتها جاهز
سراب : سو الي تبيه
محمد : تمام
سكرت منه وهي تعرف انه ما بيقدر يسوي شي غير بامر منها بحكم انها رئيسته
تسطحت على السرير وهي تفكر بنوره و تحس انها زودتها معها شوي ضلت متسطحه وهي تسمع صوت خطوات يزن و واضح انه رايح
ما سمعت صوت لنوره ف توقعت انها بتكون نايمه
ضلت متسطحه مكانها بعدها راحت لمكتبها و بعد ساعات رجعت لغرفتها حصلت البسه على السرير راحت لها و شالتها بحضنها ضلت تمسح عليها و تناظرها كانت بتطلعها بس لما شافت انها نايمه ف تركتها ضلت تتفجر بالفون و البسه بحضنها كلها كم دقيقه و صارت تسمع صوت نوره بالبيت و واضح انها تدور على البسه
سراب : ادخل
نوره : البسه عندك
سراب : اي هذي هي
نوره : هاتيها
سراب : تعالي خذيها بنفسك
راحت لها نوره و كانت بتشيلها لولا يد سراب : خليها نايمه
نوره : فكي يدك و هاتيها
سراب : لا ، اتركيها تنام
سحبت يدها من يد سراب و شالت البسه وهي معصبه
نزلت و ضلت بالصاله مع البسه
نوره : ابي اروح اجيب اغراض للبسه و لي
محمد : ما يصير نوره خطر حاليا و اغراض البسه بخلي الحارس يجيبها
نوره : لا ابي اجيبها بنفسي
محمد : اذا هدت الاوضاع وعد تجيبيها انتي
نوره : بس...
سراب : لا مافي طلعه
ناظرت نوره بالي واقفه بالدرج : ما يخصك
محمد : نوره حاليا انا مشغول اكلمك بعدين
نوره : تمام
سكرت منه و ضلت تلعب مع البسه و تبوسها
نزلت سراب و جلست ع نفس الكنبه الي عليها نوره
الخادمه : الغداء جاهز
سراب : تمام
قامت و كانت تنتظر تشوف نوره تتجه لطاوله معها بس ما تحركت من مكانها
سراب : الغداء
نوره : ما ابي
سراب : رح تموتي جوع ترا
طنشتها و ما ردت
راحت و تغدت وعيونها على نوره الي واضح تفكر
سراب : اعطيها اكل عندها
الخادمه : امرك
اخذت اكل و حطته عند نوره
نوره : ما ابي
الخادمه : انسه سراب قالت اعطيك
وقفت و شالت الاكل معها و اتجهت لسراب : قلت ما ابي بقيه لحبيبتك
سراب : ما عندي حبيبه انا
نوره : اي صح كل الي عندك مجرد لعب
سراب : ما العب على احد انا
نوره : المفروض اصدق يعني
سراب : مارح اضل اقنع بوحده ما تصدق
نوره : لا تقنعي واضح رخصك من الرخيصه الي كانت معك امس
عصبت من كلام نوره و راحت لها
سراب : وش قلتي
نوره : ما قمتي الا و انتي سامعه الي قلته
مسكتها مع فكها سراب : لو تقولي عن ألين كذا مرا ثانيه صدقيني ما بتكوني بخير
نوره : تدافعي عنها يعني
سراب : نوره كلامي واضح
نوره : فكيني
سراب : كلامي واضح
نوره : خلاص فكي
بعدت عن سراب و شالت بستها و طلعت برا كانت منقهره وصل فيها الحب انها تدافع عن ألين و تمسكها بذي الطريقه
صارت تمشي الين وصلت لورا القصر جلست قريب من المسبح و ضلت تبكي كل ما تذكرت مواقفها مع سراب بالمشفى و تعاملها الحين زاد بكائها
قررت تنزل في المسبح بعد بكي طويل
ضلت تسبح بعدها طلعت و شالت بستها و طلعت لغرفتها على طول و تروشت
كانت تحس بارهاق كبير ف نامت على طول
صحت بعد المغرب على ازعاج الاغاني طلعت برا غرفتها و ناظرت شافت سراب و ألين جالسين تحت فرجعت لغرفتها و تغطت بالبطانيه وهي تحس بتعب شديد ركبت سماعتها و شغلت اغاني و حاولت تدخل جو مع الاغاني بس صوتهم كان اعلى
جاها صوت دق على الباب
ألين : نوره ممكن ادخل
نوره : تفضلي
ألين : كيفك ليش جالسه هنا ما نزلتي معنا
نوره : كنت نايمه
ألين : وش فيه شكلك كذا تبيني تعبانه
نوره : لا بخير الحمدلله بس لان تو صحيت
ألين : متاكده بخير
نوره : اي
ألين : تسمحين لي اشوف حرارتك
نوره : ما عليك انا بخير
ألين : طيب تعالي انزلي معنا
نوره : لا بضل هنا
ألين : تعالي بالله انقذيني من ازعاج حبيبتك
كانت ألين قاصده كلمتها حتى توضع لنوره ان ما بينها و بين سراب شي
سكتت نوره و ما ردت
مسكتها مع يدها و صارت تسحبها على الخفيف : يله عاد بالله تعالي
نوره : علشانك
نزلو اثنينهم
كانت تحس بدوخه خفيفه بس طنشت و جلست معهم ضلو يسولفو كانت تحس بغثيان
الخادمه : العشاء جاهز
ألين : يله نوره
نوره : لا الحمدلله ما الي نفس
ألين : ليش
نوره : بس احس بغثيان و مالي نفس
ألين : اكلتي شي
نوره : لا انتي روحي تعشي انا بتعشا بعدين
ألين : تمام بس تاكدي مارح اروح الا اذا تاكدت انك تعشيتي
ابتسمت لها نوره وهي راحت تتعشاء
سراب بصوت خفيف: ترا ما اكلت شي من صحت
ألين : نعم تمزحي صح
سراب : ما افطرت زي ما شفتي و اليوم اصريت عليها تتغداء و رفضت و لحد الحين ما اكلت شي
ألين : لا ما يصير كذا
قامت من الطاوله و اتجهت لنوره و مسكتها مع يدها
نوره : وش فيك
ألين : قالت سراب ما اكلتي شي من اليوم يله قومي كلي الحين معنا
نوره : ألين حياتي مالي نفس و احس بغثيان ما عليك انتي روحي تعشي
ألين : لا مافي قومي يله
ضلت تصر عليها الين قامت
جلست معهم وهي تحس غثيانها زاد من ريحة الاكل اكلت اول لقمه و ما استحملت و قامت على طول تستفرغ
ألين : بسم لله عليها شكلها تعبانه
سراب : لا بس يمكن لان اخذت ادويتها بدون ما تاكل
ألين : انتي كيف تسمحين لها ما تاكل شي ليش ما اصريتي تتغدا معك
سراب : اصريت عليها بس تهاوشنا وقت الغداء ف تركتها ما اصريت زياده
ألين : ياربي صبرك وش سبب هواشكم انتو
سراب : سالفه طويله
ألين : تكلمو طيب
سراب : ان شاءالله
سكتو لما شافو نوره جات
ألين : انتي بخير يا روحي وش تحسي فيه ودك نوديك للمشفى
اشرت نوره بيدها بمعنى لا و طلعت لغرفتها
كانت تحس بدوخه قويه مع الم في بطنها و حراره بجسمها قررت تنام تفكر بتصير احسن اذا نامت
الساعه ١ الليل
صحت وهي تحس بحراره زايده في جسمها و الكحه ما وقفت قامت و نزلت ما حصلت احد من الخدم ف اتجهت للمطبخ صارت تدور اي دوا يخفف حرارتها فتحت واحد من الدواليب و حصلت علب كثير مرتبه على شكل معين
استغربت من منظرهم اخذت اول علبه و قرت الي مكتوب
نوره : مو منجدها ذي خمر ذا ،،تستهبل ما كفاها المخدرات
صارت تتاكد من كل العلب و حصلتهم كلهم خمور
فتحت وحده من العلب و شمت ريحتها كان خايس كثير و كانه عفن اخذت كاسه صغيره و جربت تذوق كانت متردده في البدايه بس فيه حاجه خلتها تشرب منه كاسه صغيره كانت بتستفرغ من الطعم القوي احرقها بحلقها كان خايس بس كان فيه نكهه حاده شوي و حلوه
غسلت فمها على طول و بدت تفرغ العلب كانت تحس باحساس غريب كانت تحس نفسها خفيفه كثير و فيها طاقه قويه حست انها مبسوطه بدون سبب بدت تضحك و تدف كل العلب ورا بعض و تكسرهم على الارض
