عند سراب و نوره
كانت نايمه و وراها نوره الي شوي و تدخل بضهرها دقت الخادمه الباب و صحت نوره على طول
الخادمه : صباح الخير انسه نوره
نوره : صباح النور
الخادمه : سيدي محمد يبيك انتي و انسه سراب
نوره : تمام الحين بنجي
طلعت الخادمه و نوره ناظرت بسراب الي غرقانه بنومتها
نوره : سراب
بدت تدقها حتى تصحى بس ما فاد ف صارت تدفها
نوره بصوت عالي : سرراب اصحي محمد يبيك يله خل نروح
سراب : شتبين ما كفاك ازعاج امس
نوره : محمد يبينا
سراب : طيب خلاص روحي و بجي
قامت نوره ببطئ و اخذت لها ملابس و اتجهت للحمام بينما سراب صحت و ضلت تنتضرها تطلع
و بعد ساعه كامله طلعت نوره : سوري تاخرت عليك
سراب : كان كملتي يومك هناك
قامت و اخذت ملابسها و تروشت و طلعت
كانت نوره جالسه تنشف شعرها و تعطرت و نزلت لمحمد
و كلها دقايق و لحقتها سراب
نوره : صباح الخير
محمد : صباح النور تاخرتو كثير
نوره : سوري
سراب : ليش منادينا من صلاة الفجر
محمد : تعالو خل نفطر و بقول لكم
سراب : فطور ذا الوقت
محمد : ودي يجي يوم و ما تتذمري عن شي
جلسو يفطرو كانت نوره كل شوي تناظر في الي جالسه مقابلها و تتفرج بفونها
خلصت فطورها و جلست بالصاله تنتضرهم
خلص محمد و سراب و جلسو مع نوره
سراب : وش الموضوع
محمد : عوض يدور عليكم
سراب : عليها هي بعد
محمد : اي طلع انه متفق مع سلطان و يبونكم اثنينكم
سراب : طيب مصحينا علشان تقول كذا
محمد : مصحيكم حتى تاخذو اغراضكم و تروحو لبيتك الثاني ارسلت امس خدم حتى ينظفوه و صار جاهز الحين خذو اغراضكم و اطلعو بسرعه احنا ما نعرف متى بيتحركو
سراب : بس ستل ما بيقدرو علينا عندنا رجالي و رجال عبدالله
محمد : بس احتياط رح تضلو هناك الين اقول لكم ترجعو و رح يكون عندكم حراسه مكثفه من رجال عبدالله و صاحبه
سراب : تمام رح نتحرك الحين
طلعت لغرفتها و لحقتها نوره
جلست على السرير و الخدم بدو يلمون اغراضها عكس سراب الي ما رضت احد يقرب على اغراضها
الخادمه : انسه نوره اغراضك جاهزه
نوره : شكرا كثير
طلعو الخدم و نوره وقفت و اتجهت للكومدينه و اخذت الضرف الي تحتها
كانت تتحرك تحت انظار سراب
اتجهو اثنينهم لمحمد و ودعوه
نوره : لحضه شوي
محمد : على وين
نوره : بودع صحباتي
سراب : الخدم !
نوره : اي
اتجهت لهم و ودعتهم كلهم و بعدها ركبت مع سراب
اتجهو للبيت و كان الطريق هادء مما وتر نوره
نوره : كيف طلعتي
ناظرتها سراب و ما ردت
نوره : عاجبك الوضع
سراب : اي وضع
نوره : خلاص ولا شي
رجع الهدوء و نوره ملت تبي تتكلم بس صمت سراب و ملامحها الي مبين عليها العصبيه موترتها تحس في اي لحضه بتهاوش ركبت سماعتها و صارت تتفرج
نوره : الطريق طويل ؟
سراب : اي
نزلت فونها و شغلت اغاني بالسياره
كانت كل شوي تناظر في الي جنبها
نوره : غريبه تعرفي تسوقي
سراب : ليه وش شايفتني
نوره : اهدي وش فيك ترا بس استغربت لان صار لك فتره طويله ما سقتي
سراب : السواقه مو شي ينتسى
نوره : اي واضح
حست نفسهل فرحانه على الكم كلمه الي طلعت من سراب
نوره : عادي اسئل
سراب : وشو
نوره : كيف طلعتي
سراب : يهمك
نوره : لو لا ما كان سئلت
سراب : هربت
نوره بضحكه حتى تطلف الجو: اي اعرف اكيد ما بيطلعوك مع الباب
سراب : دام عارفه ليش تسئلي
ناظرت بسراب الي مركزه في طريقها و مسكت يدها الي على القير ،،نوره : ابي اعرف الطريقه
سراب : ليش حتى تعلمي علي زي تولين
