نوره : سلام
سراب : هلا حبيبتي كيفك يا عيوني
نوره : بخير الحمدلله
سراب : تجننين زي عادتك
نوره : شكرا ،، يله نبدا
وقفت سراب وهي تروح لها
سراب : ما بتعطيني بوسه ع ذا الصباح الحلو
نوره : لا اكيد ليش
سراب : لاني احبك و لانك دكتورتي و لان لازم
نوره : اوك اسبابك مقنعه
باستها بخدها
سراب : لا ما ابي بالخد
نوره : ذا الي عندي ،، و يله خل نبدا
سراب : اوك دام ذا الي عندك انا عندي الكثير
قربت لنوره اكثر و صارت تبوس شفايفها و نوره صارت تبادلها و يدين سراب تنزل لتيشيرت نوره
صحت نوره من النوم وهي تحس بكتمه و قلبها ينبض بقوه صارت تناظر حولها حصلت نفسها بغرفتها و ساره تصحيها
ساره : بسم الله عليك وش فيك وش كنتي تحلمين فيه
نوره : هاه لا ولا شي ما حلمت في شي
ساره : متاكده ما حلمتي بشي
نوره : اي اي
ساره : متى صورتي سراب
نوره : نعم
رفعت ساره الفون في وجه نوره : نايمه و انتي تتاملينها ،، متى صورتيها ؟
نوره : لا ما اتاملها و هي الي صورت نفسها وقت الفون كان معها و بعدين وش جاب فوني معك
ساره : اها احذفيها اجل
نوره : تمام بعدين
ساره : لا الحين
نوره وهي تحذف الصور : من زينها تفكريني ميته عليها علشان احفظ صورها عندي
راحت نوره للحمام و غسلت وجها وهي كل شوي تتذكر حلمها
طلعت من الحمام و افطرت : ساره روحي وحدك اليوم انا باقي بتروش و اطول شوي و صاحبي بياخذني
ساره : تمام براحتك
افطرت ساره و راحت لدوام
كانت واقفه تناظر مع الشبك وهي تشرب قهوتها بس ذي المرا انتبهت لساره الي تتجه للمبنى لوحدها تنهدت لما عرفت ان نوره بتغيب
دقايق و دقت ساره الباب
سراب : تفضل
ساره : افا ليش معبسه كذا
سراب : وينها ما جت
ساره وهي تضحك : كل ذا العبوس علشانها
سراب : لا ماني معبسه بس سئلت وينها
ساره : تقول باقي بتتروش و تروح مشوار مع صاحبها و تجي
سراب : مين صاحبها ذا
ساره : واحد تعرفه من طفولتها و ما عليك هو قي و عنده حبيب
سراب : اها كويس الحمدلله ،،، عبالي بيطلع لي ذا الثاني انا ابي افتك من دانه فيطلع لي صاحبها ذا
ساره : هدي ما عليك ،، و اي عندي خبر حلو لك
سراب : قولي وش فيه
ساره : حصلت نوره فاتحه صورتك و نايمه
سراب بفرحه : وشو من جدك
ساره : وربي و لما صحت و صرت اقول ليش حاطه صورتك و كذا ف صارت زي الي يتحجج حتى لما قلت لها احذفي الصوره صارت تقول تمام بعدين فغصبتها تحذفها و كان واضح عليها ودها تقتلني
سراب وهي ترمي نفسها على السرير : ياخي ابي اعرف ليش تكابر
ساره : نوره ما تكابر بس خايفه
سراب : خايفه من ايش
ساره : انه ينلعب عليها اساسا هي واضح تحبك بس خايفه تلعب عليها و اي يا غبيه لا عاد تمدحيني قدامها ترا الحين حاطه بعقلها انك تحبني انا
سراب : لا ما اعتقد مستحيل
ساره : لا مو مستحيل و انا متعوده على نوره تقول لي كل شي يصير معها بس امس لما سئلتها وش صار في يومها صارت تتهرب و ما قالت لي انك بستيها حتى لان خايفه ازعل
سراب : وليش تخاف انك تزعلي
ساره : يا غبيه ناسيه اني مثلت اني طايره فرح لما قالت لي انك تمدحني
سراب : اها ايي صح تذكرت
ساره : اي
سراب : تدرين الحمدلله اني قلت لك حقيقة مشاعري
ساره : اساسا مفضوحين
سراب : لا من قال
ساره : يا حبيبي تدافعي عنها و معها بكل شي تسويه و هي كل سوالفها عنك لو تشوفينها كيف تطير من الفرح لما يجي طاريك ياخي صحبتي و حافظتها حفظ
سراب : ابيها بس ما ابيها
ساره : ترا هي تشك في انك بخير
سراب : اي اعرف و قد قالتها لي اكثر من مرا
ساره : انتبهي ترا هي ذكيه كثير و ما تفوت شي سوي نفسك مجنونه قدامها
سراب : حاولت بس ما قدرت
ساره : تصرفي ،، يله الحين باي بروح لمريضي انتبهي لك
سراب : باي
طلعت ساره وهي تفكر بالصدفه الي جمعتها بسراب ما توقعت انها بتكون هي الشخص نفسه الي تعرف عنها كل شي الا شكلها
