صحت نوره و حصلت ساره على فونها
نوره : صباح الخير
ساره : صباح النور ، غريبه صاحيه ذا الوقت
نوره : عندي كم شغله ابي اروح اسويها
ساره : تبين اوصلك ؟
نوره : لا لا ما عليك بروح بنفسي
ساره : هي توها صحت و تقول عندها مشوار تبي تروحه
سراب : وين بتروح ما قالت لك
ساره : لا ما اعتقد بتقول لان رفضت اوديها
سراب : صوري لي شكلها
ساره : راحت للحمام
سراب : طيب اذا طلعت
ساره : اذا قدرت
طلعت نوره من الحمام و عدلت سريرها و راحت لدولابها حتى تبدل و تلبس و بعدها سوت ميكب خفيف و تعطرت و طلعت
ساره : اتحدا تحصلين احد زيي
سراب : وش مسويه
ساره : ثواني و يوصلك فيد
سراب : فيد ؟
ساره : اي صورت لك فيد كامل من طلعت من الحمام الين طلعت من الباب
سراب : قومي الحقيها شوفي وين بتروح
ساره : وين بتروح يعني اكيد بتروح ليزن او رايحه الجامعه تخلص اوراقها هناك
سراب : ساره قومي الحقيها الحين
ساره : تامرين
قامت و بدلت و ركبت سيارتها و على حضها ما كانت نوره مبعده كثير و قدرت تلحقها و ضلت وراها من بعيد
اما سراب الي مجرد وصلها الفيد حست قلبها بيوقف فتحته و صارت تشوف نوره وهي تعدل سريرها و تسولف مع ساره و تتجه لدولابها و تبدل وقفت الفيد و صارت تتامل جسم نوره بعدها كملت وهي تشوفها تتعدل كانت ذايبه فيها ضلت تعيد الفيد اكثر من مرا الين قاطعها اشعار من ساره
عند نوره الي طلبت اوبر و ركبت معه
لو سمحت روح لذا العنوان
السواق : تمام
صار يسوق لمسافات بعيده كثير
حصلت نورها نفسها في حي للاغنياء
هدا السواق الين وقف قدام فله كبيره و عندها حرس : هذا هو المكان الي تبينه اختي
نزلت نوره و اتجهة لباب البيت
الامن : تفضلي كيف اقدر اساعدك
نوره : هذا بيت محمد ال***
الامن : اي كيف اساعدك
نوره : اقدر اقابله ؟
الامن : لحضه من فضلك
راح لدقايق و رجع يسئل نوره من تكون و كلها اقل من ثلاث دقايق و انفتحت البوابه : تفضلي
دخلت نوره وهي تحس قلبها بيوقف كانت خايفه و متوتره خصوصا انها مو متعوده تروح لاماكن زي كذا و حست انها تسرعت بقرارها كانت بترجع بس اقنعت نفسها ان الوضع عادي و ما في شي يخوف
كملت مشي الين وصلت لبوابة البيت و دقت الجرس و سرعان ما فتحت لها وحده من الخدم
دخلت نوره و ضلت تنتضر محمد
شوي و شافت شخص معضل و كبير و نازل مع الدرج حست نوره بتوتر و خوف اكثر من شكله ما توقعت ان شكله بالواقع يخوف اكثر من الصوره
محمد : حياء الله نوره عبدالعزيز
وقفت نوره : الله يحيك
محمد : تفضلي اجلسي
جلست وهي تحس انها في اي لحضه بيغمى عليها فجاه جا في بالها سراب ولو عرفت انها في ذا المكان ايش ممكن يصير لها
محمد : تشربين شي
نوره بتوتر واضح : لا شكرا
محمد : اهدي وش فيك
نوره : لا ابد ولا شي
محمد : تمام اجل يله ادخلي في موضوعك و ليش جايه هنا
نوره : انا دكتورة سراب
