نوره بنرفزه: ترا اعرف انك بخير و مو مريض
انصدمت سراب من كلمة نوره الي ما توقعتها سكرت عيونها وهي تتنفس شوي بعدها لفت عليها: شكل حمده ما وصلت لك معلومه ذيك المرا !؟
نوره : لا عاد تقولين اسمها عندي
سراب : ليش تخافي منها لذي الدرجه
نوره : لا ما اخاف
قربت سراب منها وهي تحني ضهرها لها الين صار وجهه مقابل وجه نوره
سراب : صدقيني لو ابي اوريك جنوني كان سويته من زمان بس ضاغطه على نفسي حتى ما اوريك شي
سكتت نوره وهي تعرف انها تكذب
طلعت سراب من عندها : لا تطلعين من مكانك
سكتت و ماردت عليها و رجعت تغطت وهي متسطحه على سريرها بس تذكرت فونها و قامت له اخذته و حصلته مشحون فتحته و ارسلت لساره : كيفك
ردت ساره بعد دقايق : بخير
نوره : اسفه
ساره : تمام
نوره : ما برجع اليوم السكن
ساره : ليش وينك
نوره : بالمستشفى
ساره : نعم اي مشفى وش فيك
نوره : بالمستشفى حق المجانين نمت هناك و صحيت متاخر و ما قدرت اطلع
ساره : تستهبلي
نوره : والله ويت اوريك
صورت غرفة سراب و ارسلتها و رجعت تقول : تاكدتي
ساره : يالمجنونه وش منومك هناك
نوره : قصه طويله
ساره : طيب اطلعي
نوره : مقدر رح تصير لي مشاكل من الاداره
ساره : ياربي صبرك طيب وش الحل
نوره : مدري سراب قالت بتشوف حل
ساره : اها سراب معك
نوره : ساره تفكيرك لا يطير
ضحكت ساره وهي تقول : دامكم سوا بيطير
نوره : انا وش جابني اكلمك اساسا
ضحكت ساره وهي تقول : اجيب لك شي معي بكرا
نوره : اي بالله فطور " بعدين سكتت شوي و قالت "لشخصين
ساره :اوه لشخصين بعد لا و ما تبي تفكيري يطير
نوره : سارره و بعدين انا وعدتها افطرها اكل زي الناس مو اكلهم الخايس لو تجربيه كنت تكه و اموت من الطعم و بعدين مسكينه طول الوقت تاكل نفس الاكل
ساره : ما يحتاج تبررين بجيب بجيب
نوره :احبك كثيررر شكرا
ساره : ما بينا و بعدين عندك محل محدد اجيب لك منه
نوره : لا جيبي من اي محل بس بالله فطور مرتب
ساره : ولا يهمك
سكرت نوره و على طول دخلت سراب : من تكلمي
نوره : صحبتي
سراب : هذيك الحلوه
نوره وهي تدور عيونها : اي
سراب بابتسامه : تغارين منها يعني
نوره : من زينك و ليش اغار منها
سراب : مدري عنك
نوره : غبيه
سراب : ابي اتابع بفونك
نوره : لا
سراب : ليش
نوره : وليش اخليك تتابعين معي و احنا مو اصحاب
ضحكت سراب عليها : من زينك انتي و فونك
نوره : اي واضح شوي و تبكي تبي تتابع
سراب : احد قال لك انك بزر
جلست على السرير وهي تتسطح جنبها
نوره : تراك مزاحمتني
سراب : تراك انتي الي جيتي عندي
نوره : غثيث
سراب : نشبه
ضلت متسطحه جنبها وهي على فونها : رحمتك يله تابعي معي
سراب : ما ابي
نوره :يله عاد ،وش تبين نتابع
سراب : اي شي
نوره : رح نتابع فلم
سراب : زمان ما شفتهم يله افتحي لنا واحد
نوره : وش نوعك
سراب : بتابع الي تتابعينه
فتحت نوره فلم عشوائي و صارو يتفرجو
سراب : ترا ما اشوف عدل
لفت نوره راسها لها و بعدها قربت لها وهي تحط راسها على طرف صدرها و الفون على بطن سراب : تشوفين الحين عدل
سراب : اي
كانت مبتسمه لأنها بذا القرب منها كانت تتمنى لو انها اقرب ضلت تسمع نبظات قلبه القويه وهي تبتسم
سكرت سراب عيونها وهي تحس بقلبها الي شوي و يطلع من مكانه ريحتها كانت كفيله بانها تسوي اشياء كثير داخلها و قربها زاد الطين بله
كانت تتامل حركاتها و ضحكاتها و نرفزتها من الاحداث
كانت تجيها افكار كثيره بس خايفه تسوي شي و تعصب عليها او يرجعون ما يكلمون بعض زي قبل كانت تحاول تقاوم نفسها و تبعد الافكار من عقلها
قامت سراب من مكانها وهي تتجه لدولاب بغرفتها و طلعت جاكيت و لبسته
نوره : وين رايحه
سراب : للبحر
نوره : بجد
سراب : غبيه اي بحر و انا هنا طالعه لسطح
نوره : انتضري بجي معك
سراب : لا بتمرضين شايفه لبسك
نوره : عادي عطيني من ملابسك
سراب : كبار عليك
نوره : عادي اهم شي تدفي
سكتت سراب و نوره اتجهت لدولابها و لبست هودي كان قدامها
: مرا كبير وش ذا
سراب : قلت لك
نوره : عادي عادي يله مشينا
قربت منها و مسكت يدها
سراب : وش الي مشينا تفكرين بنطلع بذا الشكل اول شي لازم اخبيك و ثاني شي بتاكد اذا فيه احد
نوره : متعوده تروحين هناك كيف مو ممنوع
سراب :الا ممنوع بس اهرب له بدون ما ينتبهون لي
نوره : و الكاميرات
سراب : صاحبي ماسكهم
نوره : اها
سراب : لو شي من الي صار اليوم طلع برا صدقيني بتموتين حتى لو ينقلوك لاي مستشفى ما بسكت لك زي تولين
