الساعه ٤:٠٠ الفجر
نوره : ساره خلصي ابي اتروش
ساره : شوي قاعده البس
نوره: صار لك ساعه تقولي انك تلبسين
ساره : هاه هذي انا طلعت يله ادخلي
دخلت نوره و تروشت و طلعت
ساره : يله تاخرنا
نوره : كله منك
لبست نوره و ساره و طلعو ع طول للجامعه
وصلو الساعه ٤:٤٠
ساره : حسافه استعجلنا و بالاخير جينا اول ناس
نوره : اي صادقه بس ما عليه عادي افضل نجي بدري ولا متاخر
ساره : نروح نفطر
نوره : تمام بس لا نروح بعيد
ساره : وشو تفكريني باخذك لمطعم مع نفسك هنا الكفيتيريا خل نفطر منها
نوره وهي تضحك : بخيله من يوم خلقها ربي
ساره : خير وشو الي بخل
نوره : امشي امشي
راحو و افطرو و رجعو
ساره : الا اشوفك متكشخه شكلك ناسيه على مين بتدخلين
نوره : ساره بالله على ذا الصبح خل الواحد يضل مروق
ساره : روقي روقي يا عيوني ع الاقل حتى اقول بالستوري توفت وهي مروقه
نوره : ياربي صبرك
ضحك ساره و جت الدكتوره و تجمعو كلهم كانت تقول لهم وش بيصير لما يروحون للمستشفى و بعدها ركبو الباص و راحو للمستشفى
نوره : ياربي عدي ذا اليوم على خير يارب استر
ساره : اسكتي شوي ياخي
نوره : اصص اص بالله وربي ارجف
ضحكت ساره على خوف نوره : الا خل اخذ معك فيد خل اضحك وقت عزاك شوي و اضحك الناس معي
نوره : ايي صوري خل اقول كلام يئنب ضميرك حتى تبكي اكثر
ساره : يا غبيه اذا بكيت اكثر بتتعذبي انتي بالقبر لان ابكي عليك
نوره : امزح امزح لا تبكي يا ويلك اجل وصيتي لا احد يبكي علي
صارو يضحكو الثنتين و قاطع ضحكهم صوت الدكتوره
الدكتوره : يله وصلنا بس اخذ حضوركم و كل واحد فيكم يشوف شغله عارفين مرضاكم معكم ملفات لهم
نوره وهي تهمس لساره : يووه نسيت ما قريت شي عن المريضه حقتي
ساره : اعرف يا فاهيه انا الحمدلله قريتها و درستها عدل و قريت حقتك بعد و بقول لك مختصر حالتها و الي فهمته
نوره : يالله الحمدلله على ذي الصديقه والله انك كفو
ساره : المهم اسمعي هي اسمها حمده و عمرها ٦٥ و ملفها مختوم زي ما قالت الدكتوره بس ختموه حتى الدكاتره ما يعرفو حالتها بالضبط و يرفضون يعالجونها هي الصراحه
نوره : يمه قولي
ساره :لا لا ما بقول حتى ما تخافي منها و تسوي لك شي لانها اذا دخل عندها شخص ضعيف تعتدي عليه
نوره : الله لا يوفقها وش تقولي انتي
ساره : زي ما سمعتي
نوره : يارب يارب استر يارب ابي اكمل حياتي طبيعي ما ابي اموت الحين باقي صغيره انا
الدكتوره : نوره ساره فيه شي
ساره : لا سلامتك
الدكتوره : تمام يله تفضلو كلكم
نزلو كلهم و نوره ودعت ساره و راحت تمشي بين الممرات تدور غرفة حمده مريضتها
وهي تمشي كانت تشوف انواع و اشكال من المرضى و كل شوي خوفها يزيد حاولت تتجاهل الي تشوفه بس بعضهم كان يصرخ و بعضهم يسوي تصرفات غريبه و بعضهم هادي و ساكت و كانه طبيعي
مشت اسرع الين وصلت لغرفة حمده و دقت الباب و دخلت
نوره :سلام عليكم كيفك حمده ان شاءالله بخير
حمده : مرحبا ببنتي بخير بخير الحمدلله تفضلي كيف اساعدك
نوره ارتاحت كثير لما شافت اسلوبها : الله يسعدك انا دكتورتك و اسمي نوره
حمده : يا هلا و مرحبا تفضلي يا بنتي و احلى دكتوره ما شاءالله
نوره : الله يسلمك
جلست نوره
نوره : نبدا الحين
حمده : الي ودك يا بنتي
نوره : حمده عرفيني عليك
حمده : انا حمده و صار لي هنا يمكن ١١ او ١٠ سنين مدري بنتي ناسيه
نوره : مو مشكله
حمده : انا هنا كل شوي يجيني دكتور و يطلع من عندي و ما يرجع لي و انا تعبت يا بنتي من الي فيه و ودي بدكتور يعالجني و ان شاءالله انك بتعالجيني صح يا بنتي
نوره : ان شاءالله ان شاءالله
حمده : ودي فيك يا بنتي
نوره : كلميني عن حياتك و ليش دخلتي هنا
حمده : اخخ يا بنتي من وين ابدا كل دكتور يجيني يسئلني ذا السؤال و يفتح جروحي و يروح و يتركني مع جروحي ما يعالجني ولا يخلصني من الي انا فيه ولا يقنعهم اني بخير ع الاقل
نوره : ان شاءالله رح اشوفك انا و رح يصير الي ربي كاتبه
حمده: انا يا بنتي كنت عايشه مع امي و ابوي و كنت وحيدتهم مات ابوي و خذاني عمي و تزوج امي و خلاني خادمه عنده و بعدها زوجني و انا صغيره لصديقه و كان صديقه كبير سن كان اكبر مني بكثير و خذاني خادمه عنده هو الثاني و كان معنفني و ماهو مريحني في دنيتي
جبت منه بنت و كانت البنت تشوف منه زي الي اشوفه انا و عاد الي اشوفه كان اسوء كنت احاول احميها بس ما قدرت جبت بعد البنت ولد و الولد.توفى بسبب ابوه ضربه على راسه وهو باقي صغير و توفى و احترق قلبي على ولدي و بعد ما عشت في عنا انا و بنتي كبرت بنتي و صار عمرها ١٠ سنين و قرر يزوجها و رفضت بكل الطرق ف طلقني و اخذت بنتي معي و كان مخطط هو و عمي انهم بيسرقون بنتي مني و بيزوجونها و يقطعونها مني و لما عرفت خطتهم رحت لابوها و قتلته و عرف عمي ف حبسني ما علم اني الي قتلت بس حبسني عنده و كان يعنفني ليل و نهار و زوج بنتي غصب عني و عنها و ملا راسها كلام و خلاها تكرهني راحت و ما ادري عن اخبارها ت من قهر ما في قلبي قدرت اهرب و رجعت لعمي بعد ما هربت باسبوع رجعت و قتلته في فراشه هو و امي الي رضت علي يصير لي كل ذا
