ولكنني احببتها بقلم ملك احمد

الفصل الثالث❤

اللهم صلي وسلم وبارك على سيدنا محمد ❤🌼

-عدي.. اكيد لا... اه ماجد كان كتوم شويه ومبيتكلمش كتير.. بس مستحيل كان ينهي حياته بالشكل ده.. هو صاحبنا واخونا اكيد..

اكمل حديثه بدموع: اكيد كان هيقولنا..

بكي عدي لاول مره قائلا: امبارح رحت بيت اهله.. زورتهم ودخلت اوضته علي امل اطفي اشتياقي له... بس بين الكتب اللي كان بيقرأها لقيت جواب.. كاتب فيه....
(انا اسف اسف اوي.. انا حبيت مي.. اه مقلتلكوش بس كنت حابب احتفظ ب مشاعري لنفسي.. انا.. انا اعترفتلها... هي قللت مني وقالتلي كلام يجرح اي شخص علي وجه الارض.. عندي القلب وهي قالتلي اني كده كده هموت ومستحقش ان اكمل حياتي كده كده مصيري الموت... انا هعمل ده فعلا.. مش عارف الجواب ده مين هيشوفو بس انا عايز اقول ل عدي وعامر... انا اسف بس غصب عني.. انا عانيت كتير ووالله بحبكو اوي..)

اكمل عدي حديثه ببكاء: مات...لسا مكمل شهرين يا عامر واحنا منعرفش انها السبب... وانا خطبتها وكانت هتكون مراتي.. هي السبب.. والله هقتلها هقتلها زي ما خلته يعمل كده..

انهي حديثه ناهضا من كرسيه بعنف ولكن منعه عامر باحتضانه القوي له قائلا ببكاء هو الاخر: اهدي.. هو بيحبك وده قدره..سيبها يا عدي انا مش مستغني عنك انت كمان... ارجوك يا عدي سيبها هي مس هتعمل حاجه تاني..

ابتعد عنه بسرعه قائلا:اقولك.. تعالي نزوره..

اومأ عدي ببعض الشرود وبالفعل ذهبو ب سياره عدي..

عندما دخل للداخل شعر كل منهما بقلبه يدق كالطبول لا يقدرو ان يحددو هل هو توتر ام ذنب ام خوف..

وصلو امام مقبرته ناظرين لاسمه المنقوش علي مقبرته وتاريخ وفاته..

جلس عدي علي ركبتيه ولاول مره يشعر بذلك الضعف فهمس ناطقا:انا اسف اسف يا ماجد... والله بحبك... انت عارف موتك عمل فيا ايه.. موتك كسرني.. مش هنسي لما جالي خبر موتك.. موقف عمري ما انساه.. الم ووجع وخوف وذنب غير طبيعي وزادو اكتر امبارح.. انا خبيت ومبينتش بس جوايا كان بركان بيحرق قلبي.. اسف يا اخويا اسف اني محستش بيك ولا كنت معاك.. ربنا يرحمك ويغفرلك يارب..

مسح دموعه التي تساقطت رغما عنه وهو يقرأ له بعض سور القرآن الكريم وكذلك عمار..

انتهو وذهبو وكل منهم يشعر وكأن ماجد معهم...

وصل عدي لمنزله واتجه فورا علي غرفته الخاصه بالرياضه عندما لم يجد اي احد بالصالون...

وقف ناظرا لمعدات الرياضه التي امامن فخلع الجاكيت الخاص به ليبدأ بممارسه الرياضه وكانه يخرج بها غضبه..

انتهي وهو يزفر بقوه بيننا يجفف عرقه الذي يتساقط منه..

انتشل جاكيته واتجه لغرفته وبدأ باول شئ وهة الاستحمام فهو يحتاج لاخراج طاقته السلبيه بالاسترخاء فالذي تحمله ليس هينا ويقسم انه سيقتل مني ولكن كيف... كيف وربه يحرم ذلك..

تنهد بالم واشعل المسمي بال دش بمياه دافئه لتتساقط فوقه بينما هو اغمض عينيه وهو يتذكر مواقف جمعته مع ماجد...

Flash back...

-تعرف يا عدي..انا عرفتك صدفه فالدرس ايام الاعدادي.. بس بحمد ربنا عليك انت وعمار... بجد انتو احسن اشخاص قابلتها في حياتي....

ابتسم عده وهو يحتضنه: نفس شعورك هو شعوري ويمكن اكبر كمان... ربنا يخلينا لبعض.. الواد عمار جه اهو..

ضحكو واتجهو لعمار ليمرحو معا..

Back...

Flack back 2...

اقترب ماجد من عدي الجالس علي فراشه بتعب قائلا بمرح حتي يخفف عنه: ايه يا عم.. ده انت فافي خالص.. امال فين اللي كان عامل نفسه قوي ومفيش زيه..

ضحك عدب بالفعل قائلا بخفوت: والله تعبان يا زفت انت... همثل يعني..

ضحك ماجد وجلس بجانبه فاعترض عدي: قوم عشان مش اعديك..

اقترب ماجد اكثر واحتضنه:احنا واحد يا اهبل انا وانت واحد وبعدين اعديني يعم فداك..

ابتسم عدي فتابع ماجد: عمار مجالكش...

-جه من ساعه.. مكانش يعرف انك جاي لو عرف  هيجي تاني...

ضحك ماجد وجلسو معا...

Back... 

فاق  من شروده واكمل استحمامه وخرج وارتدي ملابس مريحه واتجه للنوم بتعب..

#############

كانت تجلس امام التلفاز ثواني واضاء هاتفها معلنا عن متصل ولم تعرف من هو فليس مدون لديها علي الهاتف..

ردت بهدوء وهي تتابع التلفاز: الو...

-الو.. معايا نادين العمري..

-ايوه.. مين معايا...

-معقول نسيتيني.. ده انا حب السنين..

-احنا هنهزر ولا ايه متنجز يعم مين معايا..

-معاكي.. محمود السروي..

ما ان سمعت اسمه وتاكدت من صوته حتي فتحت عينيها علي وسعها وقالت بانفعال:

-لو حاولت توصلي تاني انا هبلغ عنك.. واديني عرفت رقمك يا حيوا*ن... هسلمك للبوليس يا...

قاطعها قائلا بخبث:

-شكلك ناسيه انا اعمل ايه.. انا اخليكي تتمني الموت مليون مره ومتطليهوش..

اغلقت بوجهه الهاتف ونظرت امامها بشرود ثواني وتساقطت عبراتها متذكره ما حدث منذ اسبوعين تقريبا...

يتبع...

ياتري مين محمود السروي؟؟
عايز ايه من نادين؟؟
ليه نادين عيطت؟؟
عدي هيعمل ايه مع مني؟؟

كل ده هنعرفه فالبارت الجاي..♥

حابه اعمل حوار كده وهو تقولو  رأيكو فالروايه فالكومنت وكمان حاجه تانيه لو حد حابب يسأل عن اي حاجه فالروايه او نصيحه مني ليكو.. اي حاجه اعتبروني اختكو ❤
لو جه اسئله عني شخصيا ينفع اجاوب هجاوب مش هينفع هقول لصاحبه الكومنت❤
اتمني محدش يتجاهل الموضوع 😅😂❤❤

دمتم في حفظ الله♥

#Malak Ahmed