ولكنني احببتها بقلم ملك احمد

الفصل الثامن💙

اللهم صلي وسلم وبارك علي سيدنا محمد 🌼

دخلت لمنزلها لتري والدتها جالسه والخوف ينهش قلبها دون رحمه ...

اتجهت لها مسرعه في قولها:انتي اتاخرتي ليه يا نادين ...كل ده فاجتماع...

نظرت نادين أرضا قائله:ماما ...أنا مكنتش في اجتماع ..قبل ما اقول ..أنا مش بخبي عليكي حاجه ف هقولك ومتضغطيش عليا لاني اساسا مش قادره ضغط اكتر من كده ..

اومأت بقلق لتتابع نادين وهي تزفر بقوه:محمود السروي ..

-ماله...رجع يدايقك تاني ...

اومأت لتقص عليها ما حدث من بدايه الموضوع لتنظر لها امها بضيق وتتجاهلها تماما ....

جلست نادين أرضا لتكون وجهتها قائله:ماما أنا كويسه..عدي لحقني ..

هتفت بحده قائله:ولومكنش لحقك لقدر الله ..كانت هعمل ايه ..بنتي مخطوفه وأنا قاعده محدش يقولي ..ازاي يعني....نادين انا واثقه فيكي وكل حاجه لكن أنا مش هسامح نفسي لو جرالك حاجه ....انتي اغلي حاجه في حياتي يا نادين...

اومأت قائله:متخافيش ...وبعدين خلاص هو اتقبض عليه ومش هيطلع منها...اه في موضوع تاني . .

تهجم وجه امها لتتابع بضحك:لا ده حلو مش وحش زي اللي قبله .

نظرت لها باهتمام لتقول:ماما...عدي حابب يجي يتقدم ليا...

ضحكت بخفه وهي تكمل:ويشرب قهوه ..

عقدت حاجبيها وتصمت لتتابع نادين:مش زي محمود يا ماما...عدي حاجه تانيه ..عدي حنان وهدوء واحترام ...بجد يا ماما عكسه تماما ..

شعرت بتردد امها وأنها سترفض ولكنها قالت بحزن:أنا بحبه...

نظرت لها امها نظره اخيره وتابعت :خليه يجي وقت ما يحب .

ضحكت قائله بسعاده:بجد؟؟

-ايوه...

احتضنتها وهي تقبل رأسها .. 

## ## ## ## ##

كان يبرحه ضربا حتي كان أن يمت بيديه ولكن بتدخل صديقه الظابط صارخا به:عدي...أنا دخلتك علي اساس في اسئله عايز تعرفها ..بكل تحضر زي ما قلت ..كده مينفعش...يلا كفايا...

نظر له عدي وهو يتنفس بقوه قائلا:أنا لو اطول امو*ته همو*ته...لكن روحه طويله ...مش هيمو*ت بسهوله ..

جذبه صديقه للخارج وهو يقول:عدي أنا وعدتك ومش هخلف بوعدي وكمان هو اساسا متبلغ ليه شكوات تحبسه سنين وسنين ..

هدئ عدي قائلا وهو يقول:خلاص ...باخد حقي بس ..

-طب وانا؟؟

-انت ايه؟

-انا هجيللك حقك..

-تؤ تؤ ..انا باخد حقي بنفسي...

-ازاي يعني ده انت كنت هتموته..

هتف بضجر متسحبا بسيارته متابعا:خلاص يعم بقا حقي وخدته ولولاك كنت هكمل عليه ..اصل بحبه اوي..مش هوصيك عليه بقا ..

ادار سيارته متابعا:يلا سلام ..

ذهب تحت ابتسامه صديقه لاثره بينما دخل هو الآخر لمكتبه...

## ## ## ## ##

-بجد يا عدي...بتهزر..هنتجوز..يافرج الله..

هتفت بها والدته بصوت مرتفع بسعاده فتحدث بسرعه مخفضا صوته:ايه ياما هتعرفي الخدم والدنيا ؟؟اصبري أما نشوف ماماتها الاول...وبعدين ايه زهقتي مني؟؟

-هو أنا أقدر يا قلب امك..أنا بس عايزه اطمن عليك...محدش ضامن عمره..

-ربنا يخليكي ليا يا ست الكل ده انتي نور حياتي واللي محلياها..

ابتسمت وغمزت:قولي بقا عرفتها ازاي...

ابتسم :ليها أسهم في شركتي وشويه حوارات كده وعرفت اني بحبها...

ضحكت بسعاده فضحك هو متابعا:للدرجادي فرحانه؟؟

-اكيد فرحانه ولما ابوك يرجع هقوله كمان .

ضحك وجلس معها ..

دخلت للشركه باليوم التالي ولكن تلك المره بشعور مختلف نهائيا ...

مرت بالطرقه الخاصه بمكتب عدي متجهه لغرفه الاجتماع ولكنها فوجأت به يخرج من مكتبه لتقف بحركه لا اراديه فابتسم هو متابعا:الشركه نورت .

ابتسمت بخفوت:بنورك .

سارو معا فتابع هو:ها هاجي اشرب قهوه امتي..اصل بحبها اوي ..

نظرت له وهي تضيق عينيها قائله:بتحبها اوي؟؟ماشي يا سيدي...تعال أنا قولت حاجه؟؟

استدار لها متابعا والإبتسامة تزين وجهه:بجد اجي ...خلاص جاي بكرا بليل..

حلت ملامح التوتر والخوف وتابعت:عدي ...انت متاكد اني مش ظالماك..أنا حاسه اني وحشه اوي...انت مش مجبر تكون مع وحده زيي .

امسك بيديها متابعا:مين قال اني مجبر..نادين انا بحبك بجد وموضوعك ده مش فارق معايا..أنا حبيت نادين حبيت شخصيتها وطيبتها مش متجوزها لغرض معين زي ده...أنا مبفكرش كده بجد..أنا بحبك .

ابتسمت وهي تكمل:وانا كمان..

ابتسم باريحيه بينما هي سحبت يديها بخفه باحراج عندما لاحظت نظرات العمال فاكملو سيرهم الغرفه الخاصه بالاجتماعات..

يتبع...
بارتين في يومين يعني اخر دلع😂❤

عايزه الفون يفضل يعمل تن تن تن تن تن تن للصبح بتبسط والله بكلامكو❤❤

اي اسئله تخص البارت بجاوب ❤❤
دمتم في امان الله❤

#Malak Ahmed🌼💜