فارس أشعاري وانا مهره قصيده

البارت الاول

*فارس أشعاري وانا مهره قصيده💛🔥*

*فلاششش باك*
قبل 20 سنه عند الرجال وبعد استقبال الضيوف وجو الفرح مخيم على المكان الي يضحك والي يلعب وبدت الفرقه عرضتها
عبد العزيز الي كان بجنبه عياله يلعب معاهم
عبدلله : ياهلا ومرحبا انشهد انك كفو وراعي مواجيب
عبدالعزيز: كل شي يهون لـ اجل نشوف خالد بـ البشت وبيوم عرسه
عبدلله: الا وش صار لسفرتك
عبدالعزيز : بعد ساعه بمشي بس وين خالد بغيت اسلم عليه
عبدلله : انتظر بروح اناديه لك

رن جوال عبد العزيز : مااااجد
ماجد: ايوا ماجد اخوك اذا كنت ناسي
عبد العزيز:انا ماعندي اخو ولا اعرفك ولا تعرفني
ماجد: انزل انا منتظرك عند البوابه ولاعطى عبد العزيز مجال يتكلم.. صكر جواله و نزل لعنده:وش جابك انت ما قلت لك ما ابغى اشوف وجهك
ماجد: مو قبل لا تحكي لي كل الي صار
عبد العزيز : والله يا ماجد ان ما تلتزم حدك وتنقلع من قدامي ما بيصير خير
ماجد بسخريه: هه خايف من حبيبه القلب
هنا ثار عبدالعزيز وهجم عليه بوكس ع خشمه: استحي علۑ وجهك
رد له ماجد الضربه وبدت المضاربه بينهم نزل خالد يدور علۑ عبد العزيز وولمحه من بعيد وقرب لعنده وليته ماقرب ...قرب مع لحظة انفلات رشاش عبد العزيز بيد ماجد ..وجات الرصاصه بصدر خالد الي شهق شهقه سمعها كل الي في الخيمه

عبد العزيز التفت لماجد الي وقفت انفاسه وهو يشوف خالد مرمي علۑ الارض : وووشش سوويت
ماجد: مممم مادري ماكان قصدي
سحبه عبد العزيز واختفوا من المكان. نزلوا الكل علۑ صوت الرصاصه وخالد الي دمه غطى مكان سقطته

عبدلله:خااااالد

سالم رفعه ويضربه على خده عشان مايفقدالوعي : خالد تسمعني
و قرب له وهو يشيله لسياره وهو للحين مفجوع وطار به للمستشفى والمعازيم تجمعوا وصوت الفرقه اختفى
والكل يهمس من الي صاوبه وراح وكيف وبليله عرسه وانرسمت ملامح الحزن علۑ وجييهم كبير وصغير
.......
في مكان بعيييد عن الخيمه
عبد العزيز بندم:انا اناا وش سويت ليه رحت وما نقذته كله منك يا ماجد كله بسبتك
ماجد وهو بين دموعه:واقسم بالله يا خوي ماقصدته وربي بـ الغلط
عبد العزيز: اخخخ خليتني اغدر بصديق طفولتي ادري ان عبدلله عنيد ولا بيخليك حتى لو ما كنت تقصد. وسالت دموعه:عشان لا تعيش شبابك بين السجون خليتني انهي علاقه 30 سنه ياماجد
سكتت عبد العزيز ورجع التفت لماجد:امش اامش قدامي
ماجد بصدمه من اخوه انه يسويها ويسلمه:وين ووين بتاخدني
عبد العزيز:انت كيف بترتاح وانت برقبتك دم كيف بتغفۑ عينك قولي
ماجد ابتعد عنه بخوووف:لا لا ياخوي انت خابر اني ماتعمدته ورب الكعبه ياخووي ولو رجعنا والله عبدلله مايرحمني ولا بيصدقني
عبد العزيز الي رجعت عيونه تذرف دمعها محتار مابين اخوه ورفيقه ...سقط ماجد علۑ ركبته وهو يصيح :تكفۑ ياخوي خل نروح من الديره كلها تكفۑ طلبتك يا ابن امي وابوووي تكفۑ
غلبت دموع ماجد قلب اخوه ورثۑ له:امش امش والي انكسر معاد بيتصلح والله يصبرهم
قرر يسافر من الديره ولا يرجع لها عقب هذه الحادثه
...........