فارس أشعاري وانا مهره قصيده

البارت الخامس عشر🤎

البارت الخامس عشر
‏‎#رواية
‎#رواية_فارس_ٲشعاري_وانا_مهرة_قصيدة💛🔥
الحب مثل البيوت القديــمه
ما مره الا صادق اشعور وإحساس
والي يجيه الشك والا النديمه
ما جــاز له درب المــحبه ولا قاس

في بيت ابو محمد كانوا جالسين في الصاله عقب ما افطروا
ام محمد:محمد ابيك توديني السوق نكمل مقاضي زواج اختك
محمد :ابشري يمه
ابو محمد رفع يده يشرب فنجانه والتفت لمحمد: زوجتك مو ناويه تشرف
محمد: الا يبه اليوم اجيبها عقب ما اودي امي
ابو محمد: كففو عليك مخليها علۑ هواها تروح متۑ ماتبي وترجع متۑ ماتبي
ام محمد وهي تحاول تهدي الوضع من هالصبح وتنهي السالفه:ماعليه الحين نمر لها علۑ طريقنا
ابو محمد قام بعصبيه: مها جيبي لي قهوه لغرفتي
مها:سم يبه
حمد وهو يربت علئ كتف محمد:ماعليه ياخوي خابر ابووي انت ما يعجبه العجب وهو كذا دائم وانت رح عندها خل امي انا اوديها السوق...ولف علئ جبر الي قام عنهم وهو يبا يدخن :ولد وين بتروح
جبر:بنسدح اشوي في المقلط لاحد يزعجني
حمد:والمحل ما بتفتحه
جبر:منتظر عناد يمرني نروح سوا
-------------------------------في الطرف الثاني في بيت ابو نواف بغرفه سسعد الي رغم كل محاولات ذوق انها تصحيه بس ماصحئ ذوق بصرراخ:ييممممه تعالي شووووفي ولدك عجزت اقووومه يييااحممار قووم قووم تتاخر علئ محاضرتك
ام نواف:بعدي جيبي الخيزران ذا الولد ما يجوز عن سوالفه .....
اول ماسمع سعد كلمه الخيزران نط من فراشه وهو يمسسسح علئ وجهه :شسويت يمه خلوني انام كل مطلبي في الحياه اششبعع نووم حتئ ذا الطلب مستحيل يعني
ام نواف:ماشا۽ الله تنام والجامعه لمين يا ولد قم وتخرج فقعت مرارتي
ذوق:ههههههههههههههههههه هاه شفت فقعت مرارتها انت مسوي تحديد للكل فاقع مرارتهم
سعد :انطمي انتي ..وقام يحاول في امه..:يمه كلبوها محاضره وحده حرام تصحيني من النوم عشانها وهذه هذه بنتك
ذوق:خير وش فيها بنتها
سعد:والله ياالملقوفه ان ما تصحيني مثل الاوادم والناس لا اصلي بك شرق
ذوق قالت كلمتها وهجت:انت تعتبر نفسك ادمي
سعد وهو قده يبيها من الله تجيه منفسس من قومة الصبح ومزاجه صفر هج ولحقها ومسك بشوشتها: مب ادمي انا صح اوريك كيف انتي متئ تهرجي زين
ذوق وهي تصرخ وامها تركض لها والكل التم حولها بس ضحكت ع شكل نواف وابوها:هههههههههههههههههههههههههههههههههههههههههه
نواف:وجععع وش فيك تصارخينن والحين قدك تضحكين
ذوق وهي تروح وضمت ابوها:يبه عاييينه يضضربني
سعد:وربي تكذب يبه وتراها هي الي بدت مزعجتني من اليوم
ابو نواف: يلا اقووول لا تتاخر ع جامعتك
سعد وهو يتذكر دوامه وهو يتمتت بشويش ويتحطم:وش الانتحار فكره قديمه فكر انك تدخل كليه هندسه والا يكون عندك اخت مثل ذوق
ذوق:عفوا وش قلت
سعد:اقول الشرهه علئ امي الي مسميتك ذوق والا انتي بطريق والذوق بطريق
ذوق:انا اسساس الذوق اشعرفك بششي انت دامك تروح بنفس الطقم للكليه اسبوع اتق الله ييامسسلم غير رح اشتر لك بلوفرات جديده
سعد:مب ششغغلللكك فكيني شرك يا ذوق لا احوسك والله.....ذوق خافت من تهدديده وهجت وهي داريه بسعد لا عصب تجيه الحاله ههههههههههههههه وساعتها بيقصفها ارض جو
---------------------
في بيت ابو سعود:
الهنوف وهي تجدل في شعرها الي وااصلل اخر ظهرها.. الي كل بنات العائله قاصييين منه الا هي ماتبي تقص منه شعره ...لفت لـ امها وهي متردده خايفه امها تكشفها:يمه بروح البقاله تكفين
نزل عناد وهو يسسمع كلامها:هاتي انا اروح عنك وش تبين من البقاله
الهنوف:يووه اصبر اكتب لك في اشيا۽ وااااااااااجده ناقصتني
عناد:عن الاستعباط مين امس ماخد لكم نصف البقاله ناويه علينا انتي تبي تفلسينا
الهنوف:مب للبيت انا ودي اخد لي تكفئ الحين اروح انا والعنود وبنرجع علطول قول تم
عناد:امشي يالله ياكثر هدرتس ابروح معك
الهنوف معاد يمديها ترفض قامت تلبس عباتها ونزلت معاه وهم يسولفون ع الطريق كان بهاج واقف قدام مكتبته تحت الجدار متكي عليه
عناد:بنت روحي جيبي اغراضك ابروح لـ خوويي واجيك
الهنوف كانت تناظر لبهاج من اسبوع ماشافته ولسان حالها يقولل:
حي وجهٍ كل ما شفته ارحب به واهلي
‏ وجهٍ مزينه ربي وصاحبه طيب وغالي
هي من عقب هذاك الاتصال مادرت وشهي اخباره كانت ودها تروح له وتسٲله عن اخباره بس نظراته لها الي تحكي الف سالفه تطمنت اول ما شافت ابتسامته لفت تناظر بس لفتها الي مكتوب علئ جدار المكتبه بـ بخخاخخ وعرفت الخط انه لبهاج