فارس أشعاري وانا مهره قصيده

البارت العاشر 💔

هات القلم ببدع انا شعري الخاص
شـــعوري الي ما قدرت احكيه لك

انا عشــان الحب فـــارس وقناص
تحـبني واعشقك وادري استاهلك

ـــــــــــــــــــــ
عند الحريم الي زفو مها وكل الانظار كانت عليها
ام محمد وهي تمسح دموعها من فرحتها لبنتها:بسم لله ماشاء الله ربي يحفظك من عين الحسود
ام نواف:تعالي يابنتي تعالي ماشاء الله على هـ الزين قربت وسلمت عليها
ذوق :وانا ياجماعه احد يعبرني
ام سعود:انتي بعععد تاخدي العقل ماشاء الله مافي احد يننافس جمالكم
العنود:احم احم ههههههههههههه
ام سعود:العنود الا وين اختك ماشفتها
العنود:طلعت بتضبظ مكياجها وبتجي
ام متعب:مبرووك يعني مبروك
مها:الله يبارك فيك
وقربت هيا تسلم عليها: مبروك مها
مها:الله يبارك فيك وعقبالك يقلبي
صدت هيا بحزن عنها وهي تقول بينها وبين نفسها:خليه ينتبه لي بـ الاول
شوق وهي تهمس للعنود:بنت هذه هيا الي كنا نلعب معاها بيتهم جنب بيت جدي
العنود:ايي اهي وطي صوتك تسمعك
شوق:يازينها والله تاخد العقل اوووف صاروخ ماشا۽ الله
نوره :شكيت انك ولد
شوق:ههههههههه الله ياخد العدو
اقول ذوق العنود تعالوا نرقص صوت هـ الطقاقه ما عطاني مجال اجلس هيي نوره بالله عليك كلميها تجي معانا
نوره:هههههههههه وش فيك عـ البنت خليها امكن مستحيه ماتبي تجي
شوق:اووف منك طيب يلا امششوا انتم
راحوا البنات يرقصون وكل العيون عليهم من كثر ماهي معروفه عائلتهم كان الحضور مرا كبير والحريم كانو من المغرب وهم يستقبلون ...
----------------------------------------
عند الرجال
سعد:انا خلاص اروح انتحر ابرك لي
عناد:بعدك ياولد العمه بعدك
حمد:وربي لو يصيدكم عمي جالسين بنقرا عليكم الفاتحه اليوم
متعب:لا حرام عاد سعد اول مره اشوفه ينكرف كذا ههههههه
سعد:يخي تعبت الله يقلعكم لي ساعتين ما غير جاي رايح ورا ماتجيبون مقهوجيين
حمد تذكر شوق وهي تقول جيبوا خدامه: ههههههههههههه اقول لا تحلمون لا بخدامات ولا بـ المقهوجيين دام شيبانا على تفكيرهم القديم تحرك بس هذيك الدله فاضيه خدها
عناد:احمد ربك انا وانا مكسر مارحموني عيوني حمرن من كثر ماجسلت على هـ النار
جاء محمد:عيال وينكم عمي عبدلله يدوركم
سعد:وين هـ الجبر وراه مختفي
عناد :اي والله وينه
سعد نزل غترته الي ماكانت ضابظه من الاول هههههههههه وحط العقال بس علۑ راسه:اقول امشي بس انت ما تتوب من خالي ابدا
عناد:هههههههههههههههه عدل شماغك يارجال
حمد من كثر ما انشغل بـ المعازيم والضيافه ماحس بغياب جبر واول ماسمع اسمه راح يدور عليه بس ما لقاه حمد:اخخ ياجبر وين هجيت
----------------------------------------
في المجلس الشيخ:بارك الله لكما وبارك عليكما وجمع بينكما على خير مبروك يا ولدي الكل قام يبارك لنواف
ابو نواف:مبروووك ياقرة عيني
ابو سعود:منك المال ومنها للعيال مبروك مبروك
نواف:الله يبارك فيكم جميع
سعد:واخيييرا تملكت مبروووك ياعين اخوك
نواف:يبارك بعمرك ووعقبال مانفرح بزواجك
حمدوعناد:بتبطي تتنتظر
سعد :ههههههههههههههههه وليش ما مليت عينكم بعدين البنات طوابير كل وحده تقول انا ابيه
ابو نواف: هـ الولد متى يعقل
ابو سعود:يالله بنروح نبارك لمها لا نتاخر على عشاء العرب
سعد يهمس لعناد:ابوك ان ما قضى علينا اليوم مابيرتاح
حمد: هههههههههههههههه اي ارفع صوتك عشان يقضي عليك بدري
واخيرا وصل جبر قبل لا يدخلون لمها ...حمد يهمس له:الحمدلله انك جيت والا ما اظن بكلمك لين عشر سنين قدام
جبر وهو يحاول يتحكم بنفسه ومايبين لهم حزنه وخصوصا في يوم مثل هذا: ياقوا قلبك عشر سنين
حمد :امش بس كلامي معاك بعدين
ودخلوا كلهم عند مها
ابو محمد :مبروووك يابنتي ربي يسعدكم عقد الدهر يارب
ابو سعود:مبروك مبروك
وقربت مها تسلم عليهم وهي موطيه راسها ولاقدرت ترد من الخجل الي واضح عليها
محمد:مبروووك جعل ربي يسعدك ويوفقك يارب
جبر:يحليلك وانتي مستحيه ليتك دائم كذا
مها اول ماسمعت صوت جبر ناظرت فيه وكانها تدور في عيونه اجابه وابطت وهي تناظره استغرب حمد مايدري وش صار
حمد:حتى بذي اللحظه ناوي تتهاوش ماعليك منه ذا تعبان
مبرووك يقلب اخوك عسى السعاده تلازمك يقلبي
جبر قرب من مها وهمس لها:خلاص يابنت شوفيني هاه قدامك مافييني الا العافيه يلا عاد اضحكي
حمد:وش عندكم تتسساسسرون
جبر:ياششين الفضول هههههههههه
ابو سعود:يلا يا رجال لا تتاخرو
ـــــــــــــــــــــ
عند البنات
شوق:العنود وين الهنوف من لما رجعت من الصالون ماشفتها
العنود:قالت لي بعدل مكياجي وانزل بس مدري وينها شوفيها في الغرفة يمكن
شوق :طيب بطلع اناديها وانتي ساعدي ذوق برجع لكم
----------------------------------------
عند الرجال الي واخيرا وصل وهاج واخوه قام سعد وعناد يستقبلوهم ويرحبوا فيهم
سعد:واخيرا وين ذا يارجال من اول منتظرينك
وهاج:السموحه صار معنا شغلة وحليناها وجيناكم
بهاج:وين العريس بنبارك له
عناد:انا
سعد:انت ههههههههههههههه امها داعيه عليها الي بتاخدك
حمد:ياهلا بهاج ارحب مليون
بهاج:البقى يابعد حيي
حمد:شوف نواف هذاك تعال بارك له
----------------------------------------
في طرف ثاني
شوق: الهنوف انتي جواا افتحي الباب
الهنوف بصوت تعبان من كثر البكى:طيب
شوق:بسم لله وش فيك وش حالتك ذي
الهنوف الي كانت ودها احد تفضفض له واخيرا جات شوق الي ارتمت بحضنها :شوق انا مالي دخل
شوق: وش الي مالك دخل بنت فهمييني وش الي صار
الهنوف الي مسحت دموعها : طيب
شوق:تعالي اجلسي واهدي بـ الاول وفهميني السالفه
الهنوف الي حكت كلشي لشوق حتى مشاعرهم اهي و بهاج ..الهنوف:انا ما كان ودي اجرحه وهذا ...أشرت لقلبها: مالنا عليه امر انا قلبي وتفكيري كله مع بهاج ورغم ااني مو شايفته واجد بس والله احبه ولايغيب عن بالي دقيقه بس بس جبر انا كنت اعتبره مثل عناد
شوق ضمتها : فاهمه عليك يقلبي وربي فاهمه انتي اهدي وجبر بيعرف انه هو الي تسررع وانتي اصلن ولا بيوم وعدتيه بشي عشان يبني احلامه هو يحبك وكلنا ندري بس هـ الحب من طرف واحد ..الحين قومي عدلي مكياجك وانزلي معاي بتجي مها ولا بتلاقيك موجوده تبيها تزعل بيوم فرحتها
الهنوف:طيب
لسان حال الهنوف يقولل::
كيف ابرر له وكيف اشرح وفسر
م اقتــــنع مني وانا طامع بغيره
----------------------------------------
وبدا المعازيم يخفون وما جات الساعه1 الا والكل راح بيته
ابو سعود:يلا لا اسمع حسكم بكره بنطلع لـ البر
عناد ناظر لحمد وكلهم في حاله صدمه
عناد:بكره
ابو سعود:لا الحين شرايك
جبر:عمي ورا ماتخليها يوم ثاني
ابو سعود:ابو نواف وده نطلع للبر خابرين ماطلعنا من فتره يلا ارقدوا ...ونزل ابو سعود
وجا۽ سعد علۑ خروج ابو سعود و انسدح ع الارض من التعب: اخيييييرا لاعاد اشوف احد يمللك منكم والا قولو لي عشان اروح بجيكم بعد ماتكملون
عناد:ذي الملكه اجل كيف العرس قسم لا نتكسر تكسيير
جبر:ههههههههههه عناد ترا سعد مب داري بشي
سعد:وشعندكم
عناد:بكره من الفجر ياحبيبي بتصحۑ وبنطلع للكششته
سعد:لا لا قول غيرها يارجال
حمد: اهجججدوا لا يسمعكم عمي و اسمعوا تراني بنام في الحوش
عناد:اوووه من زمان عنها
حمد:طيب بروح اجيب لكم الفرش واجيكم
نواف:بجي اساعدك
سعد :لا تكفى لا تتعب نفسك ابد والله مايساعده غيري
عناد:هههههههههههههههههه وربي عبيط انه مكسر وتعبان حيل بس مايبيك تلمح مها نذل اعرفه
سعد: هههههههههههههه ابببب على تفكيرك
----------------------------------------
عند البنات الي ماكان وضعهم يفرق عن العيال هلكوا من الشغل بس زود عليه هـ الخرابيط الي مسوينها هههههه العنود:ودي احد يغسل وجهي ميته من التعب
ذوق:ههههههههههههههه انا بنام كذا واضح
شوق:الهنوف وش فيك ساكته
الهنوف:راسي مصدع اشوي بروح انام تصبحون ع خير
ذوق: وش بلاها البنت ذي مب على عادتها
العنود:مدري وش فيها هي من جات من الصالون وحالة امها حاله
شوق:خلو البنت بحالها تقولكم مصدعه
العنود:اووف خابرين زواج سعود والسهره بعده
ذوق:ههههههههههههههههههه استغفر الله هذيك راعية الفستان الاصفر خدت حسناتنا كلبوها واحنا نذب عنها
شوق:ياشيخه لوكها غرررررريب غصب تخليك تهرجي عنها
العنود:الا مها وين
ذوق: قبل لا اجي هنا كنت بمر عندها لمحت جبر دخل فنزلت عندكم
العنود:دام الشله ناقصه ابرك لي انام احلل الساعتين ع الاقل
ذوق:اوووف نسينا خالي عبدلله يا وووويل حالي
شوق:ياعزتي للعيال اكيد قد ناموا من الكرف
العنود:قولي حمد واخلصي علينا بس بدون لف ولا دوران
شوق:هههههههههههههههه ايوا عندك مانع
ذوق:مالت مالت عليكم والله يازيينا انا والعنود بلا حب بلا خرابيط الي مخليكم تبتسموا مع نفسكم وكل الوقت فاصلين ومفهييين الله لا يبلانا بس
اخذت شوق المخده ورمتها على ذوق:اقول نامي ولا اسمع حسسسك
جات نوره وفاطمه :بنات
ذوق:خير ياجعله خير
فاطمه :عمي يقول بكره بنطلع نكشت
العنود الي قفزت لعندها:في ذمتك واحنا معاهم
نوره:ايييوا والله ترا اكلمك جد
العنود:يازينك يا الجداويه ويازين كلامك ها يالله ارقدوا ورانا قومه بكره ماقبل الفجر هالمره ههههههههه
شوق:يووه ليه ما ياخرونها وربي مكسسره تكسسسير باقي ما ارتحت من تعب هـاليوم
العنود:انطمي يالله جات لنا من السما۽ واخيرا بنطللعع
----------------------------------------
عند مها وجبر الي حكى لها سبايب حالته الي هو فيها والي وصلته لهاالمواصيل مها:ياخووي وربي فاهمتك بس وضعكم ما يعطي فرصه ان نقول شي ياجبر قنعع قلبك منها الهنوف ماتبيك من سنين وهي تلمح وتقول نفس الكلام بس انت مو راضي تفهم ياجبر
جبر:يابنت الحلال افهميني انا احححححبببها احبببببههها وحررررام علي اتزوج غيرها من هـ القبيله انتم ماتحسسسسون بـ الي انا فييه حرام عليكم يخي
...دخل حمد مع صياح جبر قرب لعنده ومسك بثوبه من زووود قهره علۑ اخوه ووعلۑ الحاله الي وصل لها:جبر اصحى اصحى ياجبر مو كلشي يجي بـ الغصب ويا جبر يا خوي انت منت جبر الصغير الي لا احد قرب من الهنوف راح وضربه والا تهاوش معاه الهنوف كانت طفله بس الحين كبرت وصارت لها كلمتها
جبر:بس ياحمد ..قاطعه حمد:امش معاي بكلمك ولف لمها :تصبحين على خير يقلبي
مها :تلاقي الخير
----------------------------------------
في الحوش عند العيال الي قدهم في سبات عميق
راح جبر يجيب فرشه وانسدح عليه وهو يناظر للسماء وجاء حمد فرش بجنبه وانسدح
حمد: اسمع ياخوي
جبر: حمد يرحم اثنين جابوك لا تحاول في شي انا مالي قدره عليه تكفۑ ياحمد ترا فيني ما يكفيني ..قال جبر هـ الابيات بغصه ونبرة حزن وعقبها قفۑ عن حمد وحاول انه ينام بس جفۑ عينه لذيذ النوم..
-ما يموت ⁧الحُب ان غاب والا ان حضر
‏ولا يموت الغلا وان كان متجاهل نداي