فارس أشعاري وانا مهره قصيده

البارت السادس 💛🔥

رواية_فارس_ٲشعاري_وانا_مهرة_قصيده💛🔥

الي يطارد ورا العالم يعيش بـ ضياع
ماله ورا مصلحتهم غير هم وشقئ
والي يكتب القصائد والشعر فـ الوداع
كنه يحدد مصيره حتف ما لـ البقئ

ــــــــــــــــــــــــــــــــ
في المحل
رن جوال سعد :اووف من ذا اكيد عزيزوه دافور من يومه
جبر:اقول قم قم والا اعلم عمتي حنان واضح انك اشتتقت اانك تنحبس هاه
دخلوا اخواله للمحل ابو محمد:رح رح وانتبه لمحاضراتك و خلك حذر
فز سعد يسلم علۑ خواله :ياهلا ياهلا بـ الشباب
جبر داري بسعد ان اذا ماجاب العيد قبل لا يروح مايكون اسمه سعد اما اخواله الي متعودين علۑ هباله وذباته الي ماتخلص
ابو سعود:اقرب اقرب انت ما ترتاح الا وانت منجلد ادري فيك
سعد:دام الشغله فيها جلد اروح جامعتي ابرك لي طلع وهو يركض قبل لا ينجلد من خاله"
جبر وهو يضحك ع شكله :ياولد انتبه الارض رطبه ابك يامجنون انتبه لنفسك ياويلي هذا الي بيجلطني
ابو سعود:مطفوق من يومه انا وعناد ماخد قليل من طفاقته وهو مطلع بضغطي اجل لو جا۽ مثل هذا وش يصير فيني
ابو محمد:ربي يحفظهم ويهديهم عاد عيال ذا الجيل يجون ومعاهم ادويه الضغط لنا
ابتسم جبر:ياحليلنا بس وانتم ماحولكم الا العافيه اي صحيح عمي هـ السيوف الي واصلين اليوم كم اسعارها
ابو سعود:تعال تعال ابعلمك جيب الدفتر عاينه علۑ يمينك
جبر:ابشر
ابو محمد:اي يالله خلونا نصفي الي معانا قبل لا ننزل البضاعه الجديده للسوق
ــــــــــــــــــــــــــــ
في بيت ابو سعود
ركضت الهنوف لغرفتهم وصكرت الباب وهي متلهفه تقرا وش كاتب لها فتحت الرساله ومسكتها بـ ايدينها وبدت تقرا كلمه كلمه وعيونها اغرقتها بـ الدموع ماكانت قصيده عاديه بـ العكس كانت اول قصيده تقراها الهنوف تلامس مشاعرها قال فيها بهاج:

والله اني احبك حـــــــــــب ماله مثيل
حب يصعب على غيري يجي مستواه

انت اول غرامــــــــي وانت مالك بديل
المحبه لعينه والهـــــــــــــواء في رضاه

انت قصة كتبها شاعـــــــــرك من دويل
ما تمر بخيالي دون لفــــــــــــــت انتباه

اي احبك وحبـي ثامـــــــــن المستحيل
ما يجي حب مثله ولا شعـــــــور عساه

تدري اني عشقتك وانا عنــــــــدي دليل
ان قلبي بحبك عاش جوفــــــــــه غلاه

الهنوف وهي تكلم بينها وبين نفسها: يعني يعني... وبكت ماهي مصدقه انه يبادلها نفس الشعور وان الخوف من انه يكون الحب من طرف واحد انمحى من تفكيرها ..ماكانت مجرد قصيده عايديه تقراها الهنوف كانت كل كلمه فيها دوا۽ لها من كل عله احتضنتها ودموعها ما وقفت بس لـ اول مره تبكي فرح ومن هنا بدت قصه بس ماندري وش بيكون اخرها...
ـــــــــــــــــــــــــــــ
في المحل
كان جبر ملتهي بـشغله ولانه لحاله فـ الشغل صار كله عليه وضروري يكمله اليوم دخل حمد للمحل:السلام عليكم ياسسسيد القوم
جبر:وعليكم السلام والرحمه ارحب
حمد:والمرحب باقي يابعد حيي اطلع من مكانك من هـ الكراتين معاد تنشاف ما اسمع الا صوتك
جبر:ههههههههه تستهبل هاه روح جيب ولد عمك النصاب شفت كيف لاهو مريض ولاشي
حمد:احلف
جبر:ورب الكعبه قبل اشوي اهو معلمني "حمد الي لاحظ ايد جبر واضح الدم علۑ الشاش وان للحين تنزف بس جبر ما لاحظها:جبر وش صار لـ ايدك
جبر:هاه ولاشي جرح بسيط
حمد:جبر بلا استهبال وشو جرح بسيط عاين ايدك كيف تنزف
حمد: عطني عطني ايدك اشوفها
جبر:يارجال مافيها شي
حمد:اقول امش قدامي اكيد يبا له خياطه الجرح ماتشوفه انت كيف ينزف مدري متۑ تنتبه لنفسك عجزت فيك اتقول بزر وانت رجال طول وعرض
جبر:يارربيي منك امش امش يالله ادري فيك عنيد وما يمشي الا كلامك
حمد:اسمع ماباقي شي علۑ صلاه الظهر يلا صكر المحل بنمر المستشفۑ وعقبها نروح للمسجد
جبر:تم تم ياعين اخوك تبا شي ثاني
حمد:جيب المفتاح انا بصكره اسبقني لللسياره
جبر:ياااالكنننق خف علينا
حمد:ماسويت شي
ــــــــــــــــــــــــ
بيت ابو بهاج
الي من دخل للبيت وحالته ما تتفسسر كان جالس في الصاله وهو شارد بتفكيره واشوي وقام يبا يصعد غرفته
ام بهاج: بهاج وين تبي تعال تغدا ياوليدي مايصير بدون فطور ولا تتغدا بعد
بهاج:بـ العافيه يمه تغدوا انا مالي نفس وصعد لغرفته
ابو بهاج:وهاج وش فيه اخوك
وهاج:مافيه الا العافيه بس اكيد تعبان عشان هـ الايام الشغل جالده
ام بهاج:تغدوا انتم انا باخد له الغدا۽ لغرفته
وهاج:عنك يمه انا باخده وبتغدا معاه
ام بهاج:انزين يقلبي خده واصعد له
ـــــــــــــــ
بهاج دخل غرفته نزل ساعته وخاتمه وعقاله ورمى نفسه على السرير : اخخخخخ ليه تسرعت وافصحت بحبي لها لليييه. طيب انا وش بـ النسبه لها وهو وش يصير لها يارب يارب لا تمتحني بقلبي ياااااارب والله اني ابيها وابطلبها من ابوها بس اذ كانت تكن لي هـ المشاعر وان ماحد بقلبها غيري ياررررب هالحب لا ينتهي قبل لا يبتدي ...
ودي انك توزع من همومك علي هموم
ماودي تشيل همومك الواجده لحالك